🌸 _ ည​မွှေးပန်း _ 🌸 [ Complete]

part 14

🌸 ... ညမွှေးပန်း ... 🌸
🌸 အဆိပ်သင့် ပန်း 🌸

အပိုင်း [ ၁၄ ]

>>>>>>>>>>>>> 🌸

ဒီနေ့တော့ ကိုစိုးမောင်ရဲ့ချိန်းဆိုမှုကြောင့်
ကိုသက်နဲ့ထန် ဆိုင်ကိုရောက်နေကြခြင်းဖြစ်၏ ..။

ကုမ္ပဏီက ပရောဂျက်တစ်ခုက
မကြာခင်ပဲ အပီးသတ်တော့မှာမို့
သူတို့အခုရက်ပိုင်း အလုပ်ရှုပ်နေကြသည် ..။

ကုမ္ပဏီမှာလည်း မနားရသလို
အိမ်မှာသယ်ပီးလည်း အလုပ်လုပ်ရသေးသည် ..။

" ကိုသက္​ ..
ကိုစိုးမောင်ကလည်း ကြာလိုက်တာဗျာ .."

" လာမှာပေါ့ကွ မင်းကလည်း ..
ဒီတစ်ခေါက် နယ်ရုံးခွဲက သူ့အလှည့်ဆိုတော့
မှောင်မယ်ထင်တယ် ဘာလဲ မင်းကပြန်ချင်ပီလား.."

" မဟုတ်ပါဘူးဗျာ .. "

စကားအရ,သာ ငြင်းနေရပေမယ့်
တကယ်တော့ သူ အိမ်ပြန်ချင်နေပါပီ .. ။

လဲ့ရီက အခုတလော သိပ်မလန်းသလို
မှိန်ဖျော့နေတာမို့လည်း သူ စိုးရိမ်မိပါသည် ..။

ကိုယ်ဝန်ကလည်း ရှိနေတော့
စိတ်ပိုင်းဆိုင်ရာရော ရုပ်ပိုင်းဆိုင်ရာကိုပါ
သူ အစွမ်းကုန်ဂရုစိုက်ပေးနေခဲ့မိသည် .. ။

လဲ့ရီကို သနားတာပဲလား
အားနာမိတာပဲလား မဝေခွဲတက်တော့ပေမယ့်
သူလိုချင်ခဲ့တဲ့ ရင်သွေးလေး ရောက်လာပီမို့
သူ့အတွက် တန်ဖိုးဖြတ်မရတဲ့ ရတနာတစ်ခုပါပဲ..။

" ထန် .. မင်းနဲ့ အဲ့ဒီကောင်မလေးနဲ့က
အရင်ကတည်းက သိနေခဲ့ကြတာလား .."

လဲ့ရီနဲ့ ရင်သွေးလေးထံသာ
သူ့စိတ်တွေရောက်နေတာမို့
ရုတ်တရက် ကိုသက်ရဲ့စကားကြောင့်
သက်ပြင်းမောတစ်ခုကို ချလိုက်မိ၏ ..။

" ဘယ်လိုပြောရမလည်း ..
နှစ်ကြိမ်လောက် အပြင်မှာဆုံးဖူးတယ် ဆိုပါတော့ .."

" ကောင်မလေးကြည့်ရတာ
မင်းအပေါ် ခံစားချက်ရှိနေသလိုပဲကွ .."

" ဟာဗျာ .. မဟုတ်တာ .."

" ဟာ .. မင်းပဲစဉ်းစားကြည့်လေ
မင်းကိုခေါ်တာ ဦးတဲ့ .. ငါ့ကျ ဦးလေးတဲ့ . ကဲ .."