الڪاتبة:سارَه
#بانيقيا_السلام
__________________________
سمعت صوت ابوي يكول
بابا- ام حسن راح يجي صاحبي هو و عائلته رتبي الاستقبال و صيحي لأليانا خلي تحضر نفسهه
ام حسن"امي"- خير يا ستار
نصه صوته من رد عليهه فما سمعت.. تفاجئت ماما صعدتلي بالعاده تصيحلي من جوه
ام حسن- كومي اليانا رتبي نفسج كون تطلعين اميره
- شكو؟!!
ام حسن- راح يجون ناس يشوفوج
- شلون شلون؟!!!
ام حسن- كومي و من يجون تفتهمين
- شأفتهم ماما شنو يشوفوني
اعرف معنى الموضوع بس عقلي رافض اريد اسمع حتى اتأكد
ام حسن- صديق ابوج الي رحنه وياه للزياره رايدج لأبنه يله كومي حضري نفسج
- اني ما اريد اتزوج
ام حسن- كووومي و بعديين نتفااهم كتلجج
اني كمت و هي طلعت، رحت فتحت الكنتور و اني حابسه عبرتي.. طلعت ثوب احمر لبسته و حليت شعري، حطيت مكياج خفيف حتى اذا ما راضيه لازم اطلع حلوه
باوعت بالمرايه شهالجمال؟! استغفر الله اني راح انعلس و افكر بهالافكار
سمعت صوت جوه عرفتهم اجو لزمت كلبي الي كام يدك بسرعه و الدموع تجمعت بعيني بس تمالكت نفسي.. اهدي اليانا اهدي
من النسوان طبت للغرفة نزلت امي شافتني ابتسمت
ام حسن- يلا ماماتي تعالي اخذي الضيافة
مدتلي الصنية لزمتهه بأدين يرجفن اخذتهه و دخلت للغرفة جانن جايات الام و بناتهه ثلاثه و ثنين نسوان ما اعرفهن
انتصار"الام"- اللهم صل على محمد و آل محمد شهالجمال بنيتي يحرسج الرحمن
نزلت راسي بخجل و قدمت الضيافة و عرفت انو النسوان الثنين عماته
ضلو يحجون لان يعرفون امي و بعدين فتحوا موضوع الخطوبة و امي كالت..
ام حسن- والله خيتي ما نلكه مثل ابنج و لا عائله بطيبكم بس الموضوع صار بسرعه و القرار راجع لأبوهه و ان شاء الله خير
شويه و كاموا و خاله انتصار بوستني و طلعت.. وره ما راحوا و تجمعنه كلت
- اني ما موافقه
ام حسن- شنوو مو هو بكيفج
ابو حسن- على كيفكم تعالي بنيتي كعدي بصفي
كعدت يمه و اني كوه لازمه دموعي
ابو حسن- بويه انتي ليش ما موافقه
بدموع- بعدني صغيره
ابو حسن- بابا امج بكدج تزوجتهه
- زمنه غير عن زمنكم و هي جانت راضيه بس اني ماريد
أنت تقرأ
بانيقيا السلام
General Fictionفتاة تأخذ من عائلتها لبيت غريب و هي تضن ان اهلها باعوها بعد ان فشلوا بتزويجها قسرا.. فهل تم بيعها ام هناك اسرار اخرى ستعرفها في بيت الغريب من انا و لما انا لم استطع العيش بهنا ولدت لأعيش العنا حتى اصل للسنا
