الڪاتبة:سارَه
#بانيقيا_السلام
______________
حور- الموضوع بدأ و اني صغيرة من صار بيه سرطان بالدم
تفاجأت سرطان!!!! بالدم!!!!
بهدوء- كملي
حور- ماكو شي بس صار بيه سرطان و تعالجت بالكيمياوي و الي يتعرض للكيمياوي ميخلف يصير عنده عقم و اكو يكولون يكدر يخلف بس الطفل يكون مشوه لهالسبب ماريد و اصلا امه حذرتني انو اوافق هي حبابه بس تضل أم و تتمنى لأبنهه الافضل
ما عرفت شأكوللهه بس اني ما اثق بكلام الناس لان واحد يجر طول و واحد يجر عرض فكل أبحث عن الموضوع لازم اكو حل
- و الوشم الي ببطنج
حور- بسبب سرطان الدم الطحال تضخم لهالسبب سويت عملية و شالوه لان اذا مينشال ينفجر.. و صار اثر ببطني حتى من تعالجت كل ما اشوفهه اتذكر الي صار لهالسبب
عودة بالزمن........................................
حور
- مُلهم أحس نار بكلبي فحباب لا تزيدهه كتلك ما افيدك
لزم ايدي و كال
مُلهم- تثقين بيه؟
هزيت راسي
مُلهم- تعالي وياي
كمت و جانوا الي بالبيت نص طالعين و نص نايمين الضهر.. بدلت و رحت وياه لمكان غريب طبينه لمكان و جانت بنيه كاعده نفسهه الي جان ديراسلهه يتفق وياهه
- مُلهم احنه وين
كعدني و هو لازم ايدي و كعد نص ركبه كدامي.. خله ايده على بطني
مُلهم- عندج ثقة بيه و توشمين اسمي على بطنج؟
ضليت صافنه ارمش باستغراب
- شنو؟!!
مَلهم- حور عيني اريد نوشم على مكان العملية.. كل ما تشوفين الوشم تذكرين انو اني موجود وياج دائما اني سندج و أمانج و شما حجوا يحجون انتي الي و الج
يا فرحة طفل محروم حنية
نزلت دمعة لا ارادية.. مسحهه و كال بتوسل
مُلهم- لا يروحي لا تبجين من فدوه اروحلج اذا ما تردين توشمين عادي كولي
- لا اوشم
ابتسم و باس عيوني و اشر لأم الوشم.. ضل لازم ايدي و يبوس بيهه
مُلهم- انتي حور عين مُلهم.. انتي روح مُلهم.. عمر مُلهم
أمل مُلهم بالحياة.. انتي الي.. الي و بس.. كل ما تشوفين الوشم تذكري انو لو تصيرين الموت الي اختارج حياة
الحاضر
اليانا
تححي و دموعهه تنزل
حور- ماريد اضلمه وياي أحبه اليانا احبه و ماريد احرمه
ضلت تبجي لحدما نامت بحضني و احنه عالجربايه فنمت لان من البجي الي بجيته وياهه بعد ماكدر اتحرك
أنت تقرأ
بانيقيا السلام
General Fictionفتاة تأخذ من عائلتها لبيت غريب و هي تضن ان اهلها باعوها بعد ان فشلوا بتزويجها قسرا.. فهل تم بيعها ام هناك اسرار اخرى ستعرفها في بيت الغريب من انا و لما انا لم استطع العيش بهنا ولدت لأعيش العنا حتى اصل للسنا
