الڪاتبة:سارَه
#بانيقيا_السلام
_____________
طبت حور و ثواني و نفتح الباب و نصدمت و اني اشوف الي عفتهه طفلة كبرااانة و حلياااانه.. احس بعد ماكدر اسحب نفس و روحي نسلبت بمنظرهه.. من كل عقلي جنت اريد احضنهه من اشوفهه لان جنت اموت بيهه و احنه صغار.. جان كل ضني حالهه حال حور.. ولو نفسهه بس مداكدر انظرلهه نفس النظرة
ما حسيت غير جاسر ندسني لان جنت صافن
اليانا بهدوء- سلام
- و عليكم السلام و الرحمة و الإكرام و المغفرة و الأنعام و جعلكم من المهدين الى سراط مستقيم
وائل- تنزيل العزيز الرحيم
ابتسمت على شكلهه ضلت ترمش متفاجئة.. ردتلي الابتسامة
- هلا بلونة تعالي كعدي.. شلونج كبرانة هواااي و حليانة
وائل- عاف حور هسه حيستلمج غزل
آسر- شحده اليحاجيهه
وائل- جدي ترا كلت يستلمهه غزل مو طلقات
آسر- سمعت بس هي متحب احد يتمازح وياهه الا اذا مقرب
آرون- و ما انصحكم ترا صح شكلهه لطيف بس تاكلكم بالسانهه
- على بختك عمي ترا ما قاصرين عدنه لسان
وائل- ترانه زلم خشنه و نعرف نردهه
اليانا بابتسامة مستهزئة- زلم خشنة! و اكبر طموحكم تردوني؟ هل يعني اني بألف رجال لو انتو نسوان؟
ضل وائل صافن ميعرف يرد
- على كيفج بنت عمي ديتشاقه ترا
اليانا بنفس الابتسامة- شفتني لزمت سجينة اني هم اتشاقة
وائل- يا شقة ولج قصفتيني
اليانا- ردت اشوف الخشن شلون يردني
كاهان- بوم في منتصف الجبهه
آسر بضحكة- متكدرون لبنيتي
كاعده يم جدي و يبوس بيهه و هي تضحك ضحكتهه تجنن
كاعدين نسولف و كعدت يمي امي شاورتني
ام آدم- ها يمه شكلت؟
- على شنو؟
ام آدم- اليانا شوفهه شلون تخبل و لطيفة
- هممم
ام آدم- شنو رأيك بالموضوع
- الي تشوفيه
ام آدم بضحكة- يعني موافق
- اي ليش لا
ضحكت و رادت تكوم
- يوم
ام آدم- ها حبيبي
- لا تفتحين الموضوع هسه من اكلج يله
ام آدم- ماشي وليدي
أنت تقرأ
بانيقيا السلام
General Fictionفتاة تأخذ من عائلتها لبيت غريب و هي تضن ان اهلها باعوها بعد ان فشلوا بتزويجها قسرا.. فهل تم بيعها ام هناك اسرار اخرى ستعرفها في بيت الغريب من انا و لما انا لم استطع العيش بهنا ولدت لأعيش العنا حتى اصل للسنا
