بانيقيا السلام

part 5

الڪاتبة:ســارَه

#بانيقيا_السلام

____________________

الحاضر

آسر- شبيهه!!!!!!!

اركان- ماعرف شفتهه فاقده التوازن بباب غرفتهه رحت باتجاهه كبل وكعت

راد ياخذني بحضنه بس اركان ما قبل لان مريض، حطني عالقنفه و اجه جدي يمي و صاح عليهم يجيبون مقياس الضغط.. جابوه و طلع ضغطي نازل، جابولي لبن و ضل جدي يوكلني و يشربني غصب.. راسي ما اكدر ارفعه احسه ثكيل و اني اساسا عندي فقر دم..

شويه و صرت زينه

آسر- ترحين لغرفتج ترتاحين

هزيت راسي و كمت صعدنه و دخلنه للغرفة

آسر- اذا احتاجيتي شي كليلي

راد يطلع

بهدوء- جدو

التفت و كال بابتسامه هادئة

آسر- ها باباتي

- احم تعرف الي مريت بي و لحد الان اني ما مستوعبه الموضوع و نفسيتي تعبانه حييل

كلتهه و نزلت دموعي

- لا تزعل مني ما جان قصدي و لازم تتفهمني لان اني ما اعرفك و انت تحبني بطفولتي و اني ما اتذكر شي من طفولتي.. انت متعرف شنو الي جاي احس بي.. ضايعه حيل ضايعه شجاي يصير جبتوني هنا جبر و صدمتوني انو انتو اهلي و الي عايشه وياهم مو اهلي ووو اني ما اتحمل كل هالصدمات و محتاجه وقت

تقرب مسح عيوني و باسهن

آسر بهدوء- تعالي كعدي

اخذني و كعد عالجربايه انتجه و اخذني بحضنه نيمني على صدره ماعرف ليش من يسوي هالحركة اخنس و احب اضل هيج و احس اتذكر شي بهالحركة بس شنو ماعرف

آسر- جنت امر بفترة صعبة من فترات حياتي بعد ما تزوجت بنت عمي على وفق العادات و التقاليد صار عندي ولد و بنات بس علاقتي وي زوجتي اقل ما يقال عنها منعدمه و هي بنفسهه جانت من النوع الي همهه بس الخلفة و الرجال اخر همهه جانت متعرف شنو علاقة زوجيه بس شغل و جهال و طاعة و حتى من جنت اكللهه اجيبلهه خدامة و تتفرغ الي متقبل تكلي بيتي ما ادخل احد غريب ووو جان تفكيرهه قديم و ما احس وياهه بأي أُلفه و اني معروف احب يكون الزواج مشاركة حياة و اهتمام و حب و راحة و جنت احاول اعودهه على جوي طلعات و مطاعم و سفرات بس هي تكلي الكعده بالمطعم كدام الزلم حرام لو الجو بارد، الجو حار، الحو مو مال طلعه، عندي شغل و ما الحك.. اكلهه اني اساعدج متقبل تكلي انت رجال ميصير تشتغل رغم الرجولة مالهه دخل و جانت تنضف مرتين و تكعد تخيط من ما يبقى شي تسويه تكول ما احب اكعد بدون ما اسوي شي، زين خلي نطلع تكلي لا عندي خياطه و هي اساسا تخيط بوقت فراغهه وووو تضل تطلع اعذار.. طبعا حتكولين ليش ديحجيلي هالتفاصيل..