الڪاتبة:سارَه
#بانيقيا_السلام
_______________________
...- ها ولك ادك عليك ما ترد
بهدوء- ما شفت الاتصال
...- شوكت تجي
بهدوء لدرجة الهمس- ليش
...- غير اشتاقينالك
- تشتاقلك العافية بس تعرف دراسة عندي
...- دراستك اهم من اهلك و قابل شكد حتضل بس نشوفك ما صايره هاي تجي بس بالعطلة الصيفية و فوك ال8 اشهر يله نشوفك
- يابه...
الاب- وليدي انتهى النقاش تجي يعني تجي
- تمام تدلل
الاب- عفيه بوليدي الما يكسرلي كلمة
سلمنه و سديته.. دخلت للحمام سبحت و حضرت غراضي حتى احجز و خابرت اخذت اجازه و همه يعرفوني.. و اساسا هالسنة امتحاناتنا الكترونية فميحتاج ارجع
ثاني يوم حجزت طيارة و بالليل تقلع
اجه الليل و رحت وي وائل للمطار و اني اودع شوارع المانيا الي درست بيهه جامعة و ماستر و هسه دادرس دكتوراء
وصلت للمطار و بعد تعب طويل.....
وصلت لأرض الوطن الضهر ماكلتلهم اجي و خابرت مُلهم يجيني
شفته ابتسمت و تحاضنه
مُلهم- هلا برو اشرقت و انورت بغداد بيك
- حبيبي نورك هذا
صعدت بسيارته و وصلنه بالباب و جان تطلع حور و بنيه وياهه
- هاي منو؟!
مُلهم- اليانا بنت عمي تميم
تفاجأت ضليت صافن عليهه
- معقولة!!! كبرانة بنيتي
مُلهم- اي و جدي متخبل عليهه
طبعا ما لحكنه لان من شفتهن كبل صعدن بالسيارة قبل لا نوصللهم.. نزلنه و دخلنه للبيت سلمت على الكل
____________________________
اليانا
كاعده بالدرس و مركزه لان ماريد يصير بيه مثل النصف الاول
الاستاذ- هسه حلو هذا المثال: رجل فصيلة دمه o- من امرأة AB+ اوجد مجموعة الدم و ال RH
مشت الدروس و اني تركيزي كله عليهم و الامتحانات اليومية كله فول مارك (درجة كاملة)
خلص الدوام و رجعنه حور دخلت قبلي و اني وكفت احجي وي جاسر ضلينه نسولف و انوب طب ردت اطب و طلع كدامي شخص غريب رجعت لوره و جنت بباب البيت وراي حديقة و انصى من الباب بشوية بيهه كم درجة فردت اوكع لزم ايدي
****- الله شبيج شفتي جني
جريت ايدي منه
- عفوا بس انت منو
أنت تقرأ
بانيقيا السلام
General Fictionفتاة تأخذ من عائلتها لبيت غريب و هي تضن ان اهلها باعوها بعد ان فشلوا بتزويجها قسرا.. فهل تم بيعها ام هناك اسرار اخرى ستعرفها في بيت الغريب من انا و لما انا لم استطع العيش بهنا ولدت لأعيش العنا حتى اصل للسنا
