الڪاتبة:سارَه
#بانيقيا_السلام
كان قلبي يحترق , ثم أصبح لا يشعر بشيء ، لقد تغلف بالحُزن.
______________
اليانا
كعدت على صوت صياح من جوه.. يا ستار شصاير، كمت غسلت و بدلت و طلعت لكيت حور ستوهه دتصعد
- شكو شصاير
حور- عمامي ديتعاركون
- منو و على شنو؟
حور- ماعرف ما فهمت شي مدري منو خاطبج
- خاطبني؟!
حور- اي هيج سمعت ابوج يكول بنتي ما انطيهه
- ليش منو يريد ينطيني
حور- محد
- لعد على شنو يتعاركون و عمامج يعني عمامي شلهم دخل حتى يتعاركون
حور- والله مادري ما فهمت شي
ردت انزل لزمت ايدي
- نعم؟!
حور- جدو كال لا تنزلين
- وخري ايدج
حور- جدو ميقبل تشوفين اهلج لان حتى امج اجت
فرحت من عرفت كلهم جايين اريد اعرف منو اهلي
وخرت حور و نزلت سمعت صوتهم بالاستقبال
آسر- بسسس كلنه ما ننطيهه كافيي مالهه داعي هالهوسه هاي
تميم- بويه بنتي اريدهه
آسر- حجينه بهالموضوع سابقا ما الك بنيه يمي
تميم- يابه انت ابويه و تاج على راسي بس الموضوع بنتي و اذا ما انطيتنياهه.. .
آسر- كمل ليش سكتت شتسوي
تميم- ماسوي خير
آسر- هو انت بيك خير حتى تسوي خير
تميم- مشكور يابه
آسر- من. النهاية ما الك بنيه عندي و حتى مسجله بأسمي
تميم- اكو تحليل DNA
آسر- مقتنع انو اذا اثبتت انت بايعهه او مو بايعهه انت انطيت تاج راسك بدون مقابل.. حيخلوهه عندك
بالأضافة انت و امهه متطلقين يعني حينطوهه لأمهه و اعرف شلون اخذهه من امهه فانت الخسران.. خسران سمعتك
يعني انطوني ببلاش!!!!!!! احس شي نكسر بداخلي احس كلبي نعصر
سمعت مره هادئ و مبين تبجي
المرة- عمي الله يخليك بس خليني اشوفهه.. ماريد شي بس اشوفهه
آسر- ما الج حق تجيبين طاريهه مو تشوفيهه و هسه الكل بره ماريد اشوف احد
رادوا يحاجوه بس صاح بيهم طلعوا من البيت.. طلع جدي من الاستقبال و نصدم من شافني و دموعي تنزل لأول مره..
أنت تقرأ
بانيقيا السلام
General Fictionفتاة تأخذ من عائلتها لبيت غريب و هي تضن ان اهلها باعوها بعد ان فشلوا بتزويجها قسرا.. فهل تم بيعها ام هناك اسرار اخرى ستعرفها في بيت الغريب من انا و لما انا لم استطع العيش بهنا ولدت لأعيش العنا حتى اصل للسنا
