الڪاتبة:سارَه
#بانيقيا_السلام
_______________
اليوم بالمدرسة و يوم النتائج.. وصل لأسمي و اخذت نتيجتي
رجعت من المدرسة و حور فرحانه بنتيجتهه معدلهه 98 وصلنه للبيت و هي طبت قبلي و صاحت
حور- ثماااانيةةة و تسعييين معدلييي
كلهه فرحتلهه و توجهت الانظار الي و سألوني عن معدلي
- اول شي اكول لجدو انوب اكولكم
كاهان- على اساس المعدل الذهبي اصلا زين اذا طلعتي ناجحة
ابتسمتله و عفته و مشيت و هو ضل صافن
سألت الخدامة كالت جدو بغرفتة.. رحتله دكيت الباب
آسر- تفضل
فتحت الباب شافني كام و علامات القلق واضحة عليه
آسر- ها بشري
تقربت من و طلعت النتيجة من جنطتي و انطيتهيا.. شافهه ضل صافن
آسر- عود صدك؟!!!!!!!
- شسوي لعد
باوعلي و باوع للنتيجة مصدوم
و فجأة شالني لفوك و يفتر بيه و يضحك نزلني و حضني بقوة و يبوس براسي
آسر- عفيةةةة ببنيتييي ما خيبتيي ضنيي
ضل حاضني و انوب وخر و بوس خدودي
آسر- انتي رفعة راسي
باس كصتي
آسر- خليني دوم مفتخر بيج.. و حور؟
- معدلهه 98
آسر- ههههه والله خطية صارلهه شهور تدك بالمواد و انتي مترهيه تالي فرق 3 درجات انتي 95 و هي 98
- لعد هي باخر الايام قرت قليل و بأيام الامتحانات تنام اني ما شفت النوم
آسر- الحمدلله بنياتي عفيه
طلعنه و هو حضن حور و كلهه سألت على معدلي فانطيت النتيجة لكاهان شافهه ابتسملي و انطانياها
ام آدم- ها يمه بشري
- عمه 95
ام آدم- صلوات على محمد و آل محمد
طبعا مرة عمي ام آدم ولدهه آدم مسافر و التوأم كاهان و مُلهم و مرام
كلش حبابه و تعاملني حالي حال بنتهه و اذا احتاجيت شي او ردت استفسر عن شغلة بناتيه أروحلهه
صعدت ارتاح و ابدل هواي تعبت و بعد التوبة اذا خليتني بحصرة الجلب.. سبحت و نزلت كعدنه ناكل و جاسر كاعد بصفي.. ندسني، باوعتله هزيت راسي بمعنى شكو
جاسر بهمس- مبروك
ابتسمت- علينه.. كول شتريد
جاسر- هههه اريد احجي وياج اليوم بالليل تمام
أنت تقرأ
بانيقيا السلام
General Fictionفتاة تأخذ من عائلتها لبيت غريب و هي تضن ان اهلها باعوها بعد ان فشلوا بتزويجها قسرا.. فهل تم بيعها ام هناك اسرار اخرى ستعرفها في بيت الغريب من انا و لما انا لم استطع العيش بهنا ولدت لأعيش العنا حتى اصل للسنا
