بانيقيا السلام

part 7

الڪاتبة: سارَه

#بانيقيا_السلام

_________________

ضليت ساكته و جان ينزل جاسر يركض و علامات الغضب واضحة عليه و كأنو يريد يقتل شخص و طلع من البيت
تفاجأت جدي من ضل ساكت و حتى ما سأله

- شبيه شكو؟!

آسر- يرجع و نعرف

هزيت راسي و كمت صعدت رحت لغرفة حور دكيت الباب سمعته تصيح تفضل.. طبيت ما هي سمعت صوت دوش من الحمام

رحت كعدت عالكرسي شفت ورقة بيهه اسم مخطوط.. شلتهه مكتوب "مُلهم"

الالهام شي حلو.. طلعت و شافت الورقة بايدي احسهه توترت

حور بتلعثم- ءء شدتسوين

- ماسوي شي.. هذا خطج؟

حور- لا اي

- لا لو اي

حور- مادري اقصد..

- شبيج اهدي و بعدين شلون متدرين هههه انني كاتبتهه او لا و ترا ما بيهه شي مجرد تردين الهام يعني ما راح اكص راسج اذا عرفت انتي كاتبتهه

حور- الهام؟

- اي شبيج

حور- ها لا اي هو من اضوج هيج اكتب

رفعت تك حاجب احسهه ضامه شي

حور- حركة جاسر لا تسويهه اتعقد منهه كل ما حجيت وياه و رفعلي حاجب

- عموما باجر شعدنه

حور- عدنه كيمياء و فيزي...

قاطعتهه- دروس صعبه و مهمه؟

حور- هذا سادس و مدرسة اهلية كلشي مهم و صعب

- لعد ما اداوم

حور- جدو ما..

قاطعتهه- ما اداوم و بس

جنت حاطه ايدي عالميز و جوه ايدي اوراق من كمت و سحبت ايدي تطشرن الاوراق

رسومات و كتابات و كلهه مكتوب جوه "مُلهم" حور حيل ارتبكت و كامت تلم بالاوراق و كالت بسرعه

حور- ما صار شي اخذي راحتج

باوعتلهه بشك و طلعت
ما ارتاحيتلهه بس معليه رحت لغرفتي و احس شي بداخلي ضايج.. تمددت و فكرت بأهلي الي بالنجف اوف اشتاقيتلهم

نزلت دموعي بغزارة شمهما كانوا يضلون اهلي و اريدهم مشتاقه لماما اني هنا يتيمة
تجريح اهلي احسن من شعور اليتم
كورت نفسي و ضليت ابجي و اني اتذكر كل فرد من افراد عائلتي
اشتاقيت لزهراء رغم جانت متعبتني بس تضل اختي الصغيرة و هسه الله اعلم شسوت ما سوت هاي مو امان ابد.. و اخواني الصغار شلون بيهم مينامون غير بحضني و مرات عندي قرايه اسهر يحون يبوسوني و يرحون ينامون
زاد بچيي على اخواني حيييييل مشتاقتلهم ذوله مثل جهالي مو بس اخواني.. جالت ذكرياتي من نولدوا و شلون كمت اهتم بيهم لان امي رغم فرحتهه بيهم هاملتهم
كامت ذاكرتي ترجع لوره لأول مره لان ما اركز عالماضي
شوي شوي بدأت اشوف اشياء ما اتذكرهه.. شخص غريب لحيته خفيفة و....