مساء الخير حبايبي نفتتح الرواية بلصلاة على محمد وال محمد
اعذروني اذا اكو اخطاء لان اول رواية اليه بلهجه الغربيه
#قـلـبـه_ثـمـن_لـثـأري
#بـقـلـمـي_بـتـول_حـسـيـن
#الـبـارت الاول
البارت 3000 كلمة
-------------------------------------------
بغداد /الساعة ال 6 صباحاً
رن الجهاز باوعت المنبه يعلن بداية يوم جديد للدوام وتعب الدوام والدراسه صحيح تعب بس احب هذا التعب ومتحمسه اكتشف المدرسه الجديده واشوف صديقاتي واتعرف على مدرساتي
گمت من فراشي وفتحت گنتوري طلعت ملابسي باوعت عليهن بفرح لان من خالتي هدية نجاحي من الثالث متوسط جهزتلي شغلات الدوام كلها هيه هاي السنه
اندگ باب غرفتي ودخلت مرت خالي
ابتهال : صباح الخير در همزين گاعده لعد اني اجيت حتى اگعدچ خاف تتأخرين
در : صباح العسل يا عسل هههه اول يوم اليه تتوقعين در تتأخر
ابتهال : ههههه لا اكيد متتأخر يله ام لسان راح احضرلج الريوگ بين متبدلين وتنزلين
در : اروح فدوه للحنينه اني ههه ،، طلعت ،، واني اخذت ملابسي ورحت للحمام غسلت وبدلت وسرحت شعري ونزلت
گعدت اتريگ ويا خالي وابن خالي اكبر مني ب 5 سنوات تربينا سوه وبنفس البيت لان اني اهلي توفو بحادث واني عمري 6 سنوات
اخذني خالي تؤام امي الله يرحمها وخالتي بيتها بصف بيت خالي ولحد الان ممقصرين وياي بس يبقى شي ناقص بحياتي وهو وجود اهلي وحنية ام
اخذت وقت هواي حتى گدرت اطلع من صدمت فقدهم لحد الان اروح احچي عن يومي وتفاصيله ويا صورت اهلي واحس بوجودهم
بس تبقى الحقيقة راحو ومستحيل اشوفهم بعد او اسمع صوتهم
بسام : بنيتي در اوصلج بطريقي لو بعدچ تتأخرين
در : لا خلصت انتظرني كم دقيقة
بارق : در ليش متتحجبين مو كبرتي وصرتي اعدادي وانتي تصلين ميصير هيج
بسام : بارق اني شگتلك معليك بيها يا ابني افهم الحجاب اقناع من تقتنع هيه وتشوف نفسها جاهزه تتحجب بس اذا تشوف بنات خالتها واغلب الوياها بلدوام بدون حجاب اكيد متقتنع
در : باوعت على خالي وخجلت نزلت راسي اعرف هو ميريد يجبرني بس بنفس الوقت معاجبه اني هيج اطلع يحاول يأنبني حتى اقتنع
بارق : يابه اني شحچيت هسة هو اريد افهمها حتى تقتنع مجابرها اني بس احاول اتفاهم وياها
در : طلعت ويا خالي وصلني بسيارته وراح
دخلت للمدرسه وبديت اكتشفها وقابلت صديقاتي بس مو بنفس الصف وهذا الشي ضوجني لان ندرس سوه وحده تسوي واهس للثانية
أنت تقرأ
قـلـبـه ثـمـن لـثـأري
General Fictionحاصلة على المركز الرابع بتاريخ 2022/7/28 قصة عراقية حقيقية بريئة و عنيدة وبذات الوقت لا تقبل الضعف ولا الأنكسار حولها كثير من الظلم والظلام والاسرار حولها اشخاص بوجهين هل تكتشف هذه الوجوه ام البراء التي بداخلها اكبر من الخبث الذي بداخلهم وهل يستطيع...
