قـلـبـه ثـمـن لـثـأري

الـبـارت الـثـانـي عـشـر (12)

#قـلـبه_ثـمـن_لـثـأري

#بـقـلـم_بـتـول_حـسـيـن

#الـبـارت_الـثـانـي عـشـر (12)

------------------------------------------

مادري شوكِت ناوَي تحسَ
بالنار آلـ بصّدري ؟
والمأذيني بالموضوَعَ : ( أغار وانته ماتدري ) ..!🖤"

-------------------------------------------

در : انصدمت بكلامة يحچي بكل برود عادي عنده
شفته گام من مكانه نزلت بسرعة حاولت ابتسم بوجه حتى ميحس اني عرفت شي ورحت للمطبخ وهو صعد للغرفة

حاولت اهدء بس مفاد توترت ورجعتلي الرجفه شربت مي وطلعت من الباب الخارجي للمطبخ طلعت برا البيت احس النفس يجرحني من اخذه تذكرت كلامة من يگول لعمي بس اصير الشيخ ازوج اربعة يعني عادي عنده

مستحيل اقبل بهذا الشي حتى اذا چنت مكسوره وماعندي سند ما اسمحلة هيج يسوي بيه ويزوج واني على ذمته يحلم غصب عنه يطلكني اذا يريد يزوج

اوووف شگد غبيه اني شنو منتظر مني طبعاً يزوج اذا اني زوجتة بس على الورق ،، بس هو گال يحبني وهو متحملني لحد الان معقولة مل مني وراح يزوج

شنو اسوي هسه اني ما بأيدي شي اني ما اگدر اكون زوجة اله وما متأكدة اذا العلاج راح يفيدني او لا اني مو من حقي امنعة

لا شنو مو من حقي ليش اضل غبيه اني حبيته وتعلقت بي ما اتركة لغيري ما اخلي يزوج بس بنفس الوقت ما اگدر احچي لان مايعرف مشاعري واني اتفقت ويا بس بلورق ومن يريد يزوج يطلگني شلون بيه ياربي

گعدت وصرت ابچي احس الدموع تطلع من داخل گلبي ليش هيج يصير وياي والله اني حبيته بس مو بأيدي الاسوي بعد كل الصار وياي احس كلشي تخربط بحياتي هو الشخص الوحيد السندني طبعاً احبه

دموعي متقبل تتوقف هيج راح يعرف اني چنت ابچي رحت غسلت وجهي وصعدت لغرفته شفته نايم بس فراشه بصف الجرباية الغرفة ضلمه وعطره تارس الغرفه اخذت نفس اترس روحي بعطره احس ارتاحيت

حاولت اطلع صوت حتى اذا گاعد يتحرك بس متحرك تقربت للجرباية شغلت التيبلام گعدت قريبة منه صفت عليه مبين تعبان كلش نايم ماحاس بشي

ركزت بملامحة اول مره اشوفه بهذا القرب حواجبه كلش سود وكثيفات ولحيته هاملها هاي الفتره
بشرته حنطيه ورمشه كلش كثيف رفعت ايدي اتلمس رمشي مو مثله كلش كثيفات حواجبه ورمشه

اخذت نفس وزفرته ،، معقولة ينتهي كلشي وبعد ما اشوفك لان اذا زوجت مستحيل ابقه على ذمتك وبهذا البيت ما اگدر اشوفك ويا وحده غيري وتهتم بيها مثل متهتم بيه ،، مجرد اتخيلت هذا الشي دموعي بعد ماسيطرت عليهن احسهن حرگن وجهي

گمت بسرعة من يمه حتى ميسمع صوت شهگاتي رحت للحمام  غسلت وجهي ورجعت للغرفة ضليت گاعدة على الجرباية وباوع عليه ابد ما اجاني نوم جنت مقرفصة رجلية ومخلية راسي عليهن وگاعدة