#قـلـبـه_ثـمـن_لـثـاري
#بـقـلـم_بـتـول_حـسـيـن
#الـبـارت_الـرابـع
اعرف موعد النشر بعد يومين بس هذا
البارت هدية للمتفاعلين بلواتباد كلش فرحني تفاعلكم وتوقعاتكم
------------------------------------------
در : الكل سكت بس صوت دگات گلبي اسمعها وعيوني متروسه دمع وتنتقل بين عمي وردام وثنينهم عرفتهم متعصبين من حركتهم من يتعصبون يخلون ايدهم على لحيتهم يعدلوها بعصبيه
ابو ردام : ابو بدر وابو محمد على راسي بس يول البنت صارلها كم يوم هين وهيه تدرس واني وعدتها من دخلت لهذا البيت صارت وحده من بنواتي ودر ما انطيها
اريدها تگمل دراستها وترفع راسي ول يابه وشوفت عيونكم دموعها واني اعرفها قبل ماتفتح حلگها وتحچي در مامفكره بلزواج وبعدها مامتعوده علينا وعلى عيشتنا اني بعدني اقنع بيها حتى تضل هنا يول الله يسلمكم مو وقت هذا طلبكم هههه راح تشرد هيج
در : باوعت لعمي ومسحت دموعي ورفعت راسي ردام ترخص وطلع من البيت
ابو بدر : ابو ردام لازم نسألها واني هم اوعدها اذا وافقت اعز من بنواتنا اخليها بعيوني بلقران ولا تخافين يول مو هسه الزواج من تگملين اعدادية
ابو ردام : شتگولين يابه در
در : لا عمي اني ممفكره بلزواج هسه اريد اكمل دراستي وبس وباقر انشاءالله تلگون بنت الحلال التناسبه
ابو ردام : يله بنيتي روحي لغرفتج ارتاحي وانشاءالله خير
ابو بدر : حنا هم نترخص
در : ضل عمي ابو ردام يقنع بيهم وهمه زعلو منه وطلعو كلهم راح عمي يوصلهم للباب الرئيسي التطلع منه السيارات واني ضليت بمكاني خايفة من الصار
وسام : ها در شبلاج يول هههه وجهج صار اصفر
در : زعلو من عمي بسببي واخاف عمي يجبرني اوافق حتى يحچون وياه
حسام : ول يابه انتي لا تخافين بلقران اخلي ردام ينهي عليج وما انطيج لباقر لو تخلص الزلام كلها هههه عجل هاي الورده ننطيها لهذا الطلي حتى ياكلها
در : هههههه حلو التشبيه
وسام : ول يابه هسه يجي الشيخ ويسمعج لا در عيب يضل ابن عمج واكبر منج احترمي
در : اسفه اسفه ،، طبعاً حسام ووسام گاعدين ويانا بس ما يقبل عمي يدخلون نفسهم بهيج شغلات
رجع عمي ووياه ردام
ابو ردام : يله يابه روحو نامو
در : مبين ضوجو عمي بلكلام عافنا وراح لغرفته ينام وميس وطيبه واسراء ابد ماحچن وياي كل وحده راحت لغرفتها واني هم صعدت لغرفتي بس ما اجاني نوم
أنت تقرأ
قـلـبـه ثـمـن لـثـأري
Ficción Generalحاصلة على المركز الرابع بتاريخ 2022/7/28 قصة عراقية حقيقية بريئة و عنيدة وبذات الوقت لا تقبل الضعف ولا الأنكسار حولها كثير من الظلم والظلام والاسرار حولها اشخاص بوجهين هل تكتشف هذه الوجوه ام البراء التي بداخلها اكبر من الخبث الذي بداخلهم وهل يستطيع...
