#قـلـبه_ثـمـن_لـثـأري
#بـقـلـم_بـتـول_حـسـيـن
#الـبـارت_الـسـادس_عـشـر(16)
---------------------------------
در
وإن كان وصولي اليكِ سيُؤذيني
بَلغ الأذىٰ أنني قادِم وتَعطـر ..🔥🚶🏼♂️
--------------------------------
در : رجعنا للبيت اني وحسام بليل گعدنا بلصاله لان كلهم گاعدين يتعشون اتعشيت وياهم بس ما اكلت غير شي قليل
اسراء انتبهت عليه اشرتلي شصاير واشرتلها بعدين من نصعد لغرفتي انتبهت ردام يباوع علينا ترخصت صعدت لغرفتي بدلت ونزلت اساعد البنات غسلت المواعين ورتبت المطبخ وغسلته
وتفكيري بطلب الدكتورة ليش تريد تشوف ردام ووحده تريد تحچي وياه ،،
اسراء : طيبة اخذي الجهال نيميهم يول دخت من هوستهم وانتي در تعالي هين گعدي كافي تفترين عقلج وينو ماضل شي تا تنظفي
در : ها
اسراء : ول يابه اليوم الهبال مصاحبج گعدي هين
در : سحبت كرسي وگعدت يمها وطيبة اخذت الجهال لغرفتهم حتى ينامون
اسراء : شگالت ألج الدكتورة شبلاج هيج ضايجة
در : ماكو شي حچينه شوية وانطيتني علاج وموعد بعد اسبوع وقبل الموعد طلبت تشوف ردام وتحچي ويا بس وحده اني مو ويا وماقبلت تگول السبب
اسراء : گولي لردام ومن يرجع اسألي شنو صار وتعرفين
در : ما اعتقد يقبل يروح واذا راح مستحيل يسولف
اسراء : لا تحچين ويا روحي لعمي وگوليلو
در : اي اني هم هيج فكرت اگول لعمي لان اذا طلبت اني من ردام ميقبل يروح ،، راحت اسراء لغرفتها واني لغرفت عمي وسولفتلة شنو طلبت الدكتورة
ابو ردام : لا تحچين ويا اني افهمو واذا راح او ماراح عادي لا تهتمين وضحي للدكتورة مايقبل وخلص
در : ماشي ،، طلعت من غرفة عمي شفت ردام بلممر اليدخلون منه للغرف يريد يدخل لغرفته ،، مشيت بسرعة اريد اعبر من يمه لزمني من ايدي
ردام عوف ايدي هسه يجي واحد من اخوانك عيب وعمي شنو گالك
ردام : شنو صار وياج اليوم شگالت الدكتورة
در : گلت لعمي روح اسئلة
ردام : عليش ضايجة اليوم مو كل جلسة ترتاحين من نرجع من الدكتورة شبلاج اليوم
در : خليني اروح ،، جر نفس وزفره وترك ايدي مشيت بسرعة من يمه وصعدت لغرفتي ،، ضليت اتنفس سريع ودگات گلبي تخربطن من لمست ايده
دائماً قربه مني يوترني بس احساسي بلخوف منه بده يتلاشه صرت احس بأمان من لمسته رغم كلشي صار گلبي يعاندني على حبه وكل دقيقة يزيد حبه
أنت تقرأ
قـلـبـه ثـمـن لـثـأري
General Fictionحاصلة على المركز الرابع بتاريخ 2022/7/28 قصة عراقية حقيقية بريئة و عنيدة وبذات الوقت لا تقبل الضعف ولا الأنكسار حولها كثير من الظلم والظلام والاسرار حولها اشخاص بوجهين هل تكتشف هذه الوجوه ام البراء التي بداخلها اكبر من الخبث الذي بداخلهم وهل يستطيع...
