#قـلـبه_ثـمـن_لـثـأري
#بـقـلـم_بـتـول_حـسـيـن
#الـبـارت_الـخـامـس
---------------------------------------
أنــــه مبــلل رموشـــي بدمعة المحتاز
أنه دموع الفرح مـــــــا وصلت لرمشي
وكَت الخير عشته ومــا شفت بي خير
صاحولي ملك بس مـــا شفت عرشي
عندي عيون بس محسوب ع العميان
أنه مفتح ولكن مــــــــا شفت كلشي
أحــلم بالفــرج وأترس الظلـــمه حجار
ظل هواي ليش نكَول مــــــا ظل شي
---------------------------------------
در : قبل يومين من بدايه دوامي طلبت من عمي يرجعني لبغداد وعمي گال حضري نفسج ردام يرجعج
حضرت نفسي وشفت البنات ضاجن لان تعودن عليه وعدتهن بس اخلص امتحانات نهاية السنه ارجع
اسراء : يول در احچي ويا ميس حتى تقنع اخوها يعوفج
ردام : يول لا تسوين هيج شنو خايفين منه ول يابه اذا فتح حلگة اكسر سنونه لا تكبرين راسه وبعدين هيه هسه شعلت النار اكثر بنت عمي واعرفها
در : اي تركيهم ولا تتواصلين وياها حتى متتوترين وتاخذ منج كلام وتنطيج كلام وتوتريني وياج اني عندي دراسة
ردام : يول فضيها راح نتأخر هيج نوصل بلوحده بليل
در : شراح يخلص الطريق لو چاي عمي وياي حتى متضوجني
ردام : يول المفروض تشكريني راح اسهر اسوق وتعب كم ساعة وياج حتى اوصلج هيج تحچين عليه
در : ياا خطيه راح ابچي قهرتني يله امشي
ردام : يول گصري لسانج اشتغل عندج تگولين امشي
يله للسيارة ترا ابطل ما اخذج
در : رحت للسيارة بعدني مصاعدة ردت عنب ههه
ردام حباب روح جيب عنب اخذ وياي والله احبه
ردام : يول انتي شبلاج مو صاحيه يول اني اشتريلج عشر كيلوات بس صعدي خلي نروح
در : باوعت عليه بزعل ،، اني اگدر اشتري بس احب هذاك العنب وبطلت ماريد ،، صعدت للسيارة وهو ضل ينفخ بعصبيه وراح للبيت
طلع بأيده علاكة وراح للبستان واني بعدني زعلانه
ربع ساعة يمكن ورجع طلعن اكثر من علاكة بأيده فتح باب السيارة الوره وخلاهن وصعد
ردام : يول لا تغندبين هيج جبتلج عنب وتكي ونبگ بعد اكو اوامر ثانية
در : باوعتله بطرف عيوني ورجعت اباوع على البنات يضحكن عليه ،، شغل السيارة وطلعنا من البيت حسيت بضوجة بس بنفس الوقت اشتاقيت لبيتي العشت طفولتي وتربيت بي
ردام : يول اكيد فرحانة لان راح ترتاحين منه وترجعين لبيت خالج
در : ألتفتت عليه باوعتله بدون ما احچي ورجع بعدت وجهي عنه
أنت تقرأ
قـلـبـه ثـمـن لـثـأري
Ficción Generalحاصلة على المركز الرابع بتاريخ 2022/7/28 قصة عراقية حقيقية بريئة و عنيدة وبذات الوقت لا تقبل الضعف ولا الأنكسار حولها كثير من الظلم والظلام والاسرار حولها اشخاص بوجهين هل تكتشف هذه الوجوه ام البراء التي بداخلها اكبر من الخبث الذي بداخلهم وهل يستطيع...
