#قـلـبه_ثـمـن_لـثـأري
#بـقـلـم_بـتـول_حـسـيـن
#الـبـارت_الـتـاسـع_عـشـر(19)
----------------------------------------
در : ماحسيت غير ردام گعد يمي وصار يخزرو بعيونه للولد اني تركت المكان ورجعت گعدت ويا عمي
وردام ضل ويا الجهال نص ساعة ورجعو وماقبل ردام نضل اكثر رجعنا للبيت صعدت لغرفتي اخذت ملابس ودخلت للحمام سبحت وبدلت
بس تعمدت لبست دشداشة كلش قصيره فوك الركبه وبدون ردن بس تعلاكة لونها وردي وابيض وطلعت اخذت علاجي وشغلت التلفزيون تمددت على الجرباية
دخل ردام للغرفة ضل واگف بلباب ومبين من نظراته اكتشف خباثتي سمعته اخذ نفس وزفره واستغفر ،، اني ابتسمت من شفته انزعج
راح للكنتور اخذ ملابس ودخل للحمام بدل وطلع راح للاضوية وطفاهن بس التلفزيون يشتغل طلع فراش ونام بصف الجرباية وضل يتابع الفلم وياي بهدوء
ومن خلص الفلم گمت بس تعمدت افوت بصف ردام طفيت التلفزيون ورجعت من نفس المكان ،، بعدني موصلت للجرباية سحبني من ايدي سيطرت على نفسي ماوگعت بس گعدت بصفة على الفراش
ردام : يول جاهل يمج اني هاي الحركات منو فطنج عليها هااا ،، ماتفيدج
در : شنو تقصد شمسوية اني
ردام : اي خطيه ماتعرفين على شنهو احچي اكيد اسراء تعلمج على هاي الحركات
در : وهو يحچي فجأة سحبني حيل اني گاعدة بصفة ماشفت نفسي غير وگعت عليه وهمس بأذني
ردام : بس اليسوي فعل يتحمل رد الفعل من المقابل وهاي الحركات مو ألج لان انتي جبانه
در : ابتعدت عنه وحاولت اسحب ايدي بس هو اقوه مني ،، اني مو جبانه ومامسويه شي من الحچيت عنه
ردام : روحي نامي لان باجر عندج دوام الصبح
در : دوام شنو يعني ارجع للمدرسه تقصد
ردام : اي ولا تفرحين بحركاتج لان اليوم ابوي رجعج للمدرسة وماگدرت اكسر كلامة
در : وانت راح تضل هيج ماتحچي وياي مو كافي زعل
ردام : روحي نامي
در : رجعت للجرباية بس ماگدرت انام من الفرح لان راح ارجع اداوم بعديت تذكرت ملابسي وكتبي فوگ الكنتور گمت من الجرباية شغلت الاضوية
ردام : شبلاج ما نام اليوم
در : كتبي وملابسي فوگ الكنتور بس انزلهن اريد اغسل ملابسي ،، گعد واخذ نفس وزفره بأنزعاج
اخذت طبله وصعدت عليها نزلتهن ورجعت الطبلة لمكانها ورحت للحمام اغسل ملابسي
كلش فرحانه وما اعتقد اگدر انام من الفرحة ،، جففت الملابس وطلعتهن برا بلصاله ورجعت للغرفة طفيت الاضوية وتمددت على الجرباية بس ماگدرت انام
أنت تقرأ
قـلـبـه ثـمـن لـثـأري
Ficción Generalحاصلة على المركز الرابع بتاريخ 2022/7/28 قصة عراقية حقيقية بريئة و عنيدة وبذات الوقت لا تقبل الضعف ولا الأنكسار حولها كثير من الظلم والظلام والاسرار حولها اشخاص بوجهين هل تكتشف هذه الوجوه ام البراء التي بداخلها اكبر من الخبث الذي بداخلهم وهل يستطيع...
