#قـلـبـه_ثـمـن_لـثـأري
#بـقـلـمـي_بـتـول_حـسـيـن
#الـبـارت_الـثـالـث
البارت اقل من 3000 كلمة
----------------------------------------------
در : گعدت على صوت الباب فتحت الباب
ميس : يول انتي ماتشبعين نوم البنوات تغدو والجهال نامو والناس راحت وعمي والولد بلصاله وابن خالج هين
در : انصدمت بارق شنو هنا شوكت اجه ،، رجعت لجهازي ماكو اي اتصال ولا رساله رجعت الجهاز ولبست حجابي سمعت صوت رساله
عبالي من بارق بسرعة اخذت الجهاز وقريت الرساله من ردام وكاتب نزلي بسرعة
باوعت لميس بس تضحك عبالها اكو شي بيني وبين بارق من نظرات عيونها فهمتها ،، ماكو داعي هيج فرحانه لان ماكو شي من التفكرين بي ولو اكو ما اضمه ولا اخاف ولا استحي لان ربينا بنفس البيت
وبارق ضايج لان راح اتركهم واعيش هنا وكل اخ هيج يضوج على اخته من تتزوج وتترك البيت ،،
بسرعة وجها انگلب وراحت الضحكة وسألت
ميس : تتزوج ؟؟ ليش انتي راح تتزوجين هين
در : اني شرحتلج مشاعره اني ما ازوج بس راح اترك بيتهم هيج قصدت شبهتلج الموقف بلبنت التزوج وتترك بيت اهلها واني هيج مشاعري هم مقهوره لان راح اترك اهلي الربوني وتعبو عليه
ميس : يول كلنا اهلج هنا وراح نخليج بعيونه
در : اعرف مراح تقصرون وياي بس تضل صعبه عليه
نزلت والكل نظراته عليه يسألون بعيونهم اذا اعرف
هلا بارق شلونك ليش مگتلي راح تجي
بارق : اشتاقيتلج البيت مو حلو بدونج متعودين عليج
در : گال هيج وتقرب حضني وباسني ،، كلش ضجت من تصرفه هذا وباوعت الكل ضاج مو بس اني
حاولت اغير الموظوع
ماما ابتهال شلونها اكيد ضايجة خطيه
بارق : اي والله بس لا تخافين خالتج وبناتها دوم يمها
در : واني اگول مخابرت عليه ابد
ابو ردام : شلون صرتي يول اني ماخليتهم يگعدونج گتلهم براحتها هو صار بيتها
در : گعدت بصف عمي ،، زينه بس نومتي تخربطت
واكيد صار بيتي وانتم اهلي
ردام : يول اتغدي وتعالي سولفي
در : عفتهم يسولفون وماعاجبهم وضع بارق يومين واشتاقلي واجه حتى اني مقتنعت يمكن عباله مو زينين وياي او اجه يتأكد اني زينه ومرتاحة عدهم
تغديت وضليت اسولف وياهن بلمطبخ و گتلهن اني اسوي العشه وضحكن عليه لان يطبخن هواي وتحديتهن اگدر
أنت تقرأ
قـلـبـه ثـمـن لـثـأري
Aktuelle Literaturحاصلة على المركز الرابع بتاريخ 2022/7/28 قصة عراقية حقيقية بريئة و عنيدة وبذات الوقت لا تقبل الضعف ولا الأنكسار حولها كثير من الظلم والظلام والاسرار حولها اشخاص بوجهين هل تكتشف هذه الوجوه ام البراء التي بداخلها اكبر من الخبث الذي بداخلهم وهل يستطيع...
