قـلـبـه ثـمـن لـثـأري

الـبـارت الـثـامـن

مساء الورد

#قـلـبه_ثـمـن_لـثـأري

#بـقـلـم_بـتـول_حـسـيـن

#الـبـارت_الـثـامـن

توضيح مهم بنات هواي تلحون على النشر اغلب التعليقات بلفيس يگولن تتاخرين كلش بلنشر
اني انطيتكم موعد بين يوم ويوم البارت وملتزمة وقبل وقته انزل البارت وكم مره نزلت يومي لان صار عندي فراغ وكتبت ونزلت ترا اني عندي مسؤليات وبيت واطفال اليزعجها هذا الشي ومتگدر تصبر عادي اتركو القصة ومن اختمها تنوروني اقروها براحتكم

-------------------------------------

ردام

سأكون الأمان الذي لا يتخلئ عنك ابداً ♥.

در

‏مرّة فقط تلمسك دوّامة الشّك تظلّ للأبد لا تأمن شيئا .

------------------------------------

در : لعد براحتك والله ما اتراجع عن گلامي هذا ،، ماچنت اعرف المسدس مجهزه من تعاركو هو وباقر ومرجعه لمكانه بعد المشكلة بدون مياخذ حذره لان متأكد محد يدخل للغرفة ،، بعدني ممكملة كلامي تقرب مني وردت فعلي وجهت المسدس عليه وصوبته

شمرت المسدس بسرعة من ايدي واني مصدومة من الصار ضليت ارجف بمكاني باوعت عليه گام من مگانه هو چان لابس فانيله تعلاكة الباب ضلت تندگ واصوات صارت برا وهوسه

نزع الفالينه شفت دم بصفحته اليمنه جوه ايده اعتقد بوقتها الله لطف بيه وماصارلة شي مجرد جرح بس اني عبالي تصوب وراح يموت من شفت الدم ميوگف

ضليت اصرخ ،، والله مو قصدي مادري شلون هيج سويت مادري الله عليك لا تموت ردام لا تموت مادري والله مادري ردت بس اطلع من هاي الغرفة واطلگني انتم مافهمتوني اني گتلك لا تجبرني على شي ارتاحيت هسه راح تموت

هو احتار الباب راح تتكسر علينا واني ابچي واحچي بصوت عالي ومنا جرحة ينزف ،، ضل يصيح

ردام : ماكو شي روحو هسه نطلع ماكو شي بس اسراء خلي تضل بلباب اريدها ،، در يول حسچ سگتي يول يمصگوعة فضحتينا

دحچي علي مابيه شي يول راح افتح الباب واگول لاسراء تشوفلج ملابس اذا شافوج بنفس ملابسچ ننفضح يول

در : شوف دمك وانت خايف منهم لا ننفضح هسه اطلع اگولهم كلشي خلي يگتلوني ويخلصوني بسببك وبسببهم وصلت لهاي الحاله

تقرب گعد يمي ما اشوف ملامحة الدموع تارسه عيوني مامصدگة الصار

ردام : دحچي علي يول اني ماخايف منهم اني خايف عليچ بلقران ثقي بيه در اعرف اني غلطت من سويت هيج وتزوجتج وفجأة شفتي نفسج بغرفة وحده ويا زلمة

صعب تتقبلين هذا الشي اعرف بس يول بلقران انجبرت ماعرفت شلون احميج منهم كلها تريد سبب حتى ياخذوج من بين ايد ابوي ويكسرو بيج