#قـلـبه_ثـمـن_لـثـأري
#بـقـلـم_بـتـول_حـسـيـن
#الـبـارت_الـثـامـن عـشـر (18)
لا تگولون البارت قصير انتم ضليتو تلحون حتى انزل البارت اني ردت اتركة لباجر اول مره انشر بارت ب 12 يله تفاعلو حتى يصيرلي واهس للكتابة
-------------------------------------
در 💔
احبك
ولكنني لستُ شخصًا رائع
أنا بائسٌ ومتعبَ
ولكن روحي تبدو جميلة معك فقط
-------------------------------------
در : شفته وگع بلگاع وراسه صار ينزف هواي ماعرفت شنو اسوي گعدت بلگاع ومصدومه من الصار
بعدين گمت من مكاني ورجعت امشي للمدرسة قررت اروح لبيت اية لان ردام اذا عرف بلصار مستحيل يسامحني رجعتلي الرجفة واكثر مشيت واني امسح بدموعي
وصلت لبيتها ودگيت الباب هيه فتحته
اية : يول رجعتي عرفتج راح تخافين تروحين وحدچ هيج مخوفج ردام هههه فوتي اگول لأمي واوصلج لبيتج
در : حضنتها وصرت ابچي
اية : شبلاج در عليش هيج ترجفين شصار
در : طلعت امها ومن شافتني هيج دخلتني لغرفة اية حاولن يحچن وياي ما حچيت شي ضل منظر الولد كل شوية يجي گبالي اية ماتندل بيتنا بس تعرف ردام وحسام لان دائماً يوصلوني للمدرسة وتعرف ردام شيخ تعرف عمامي بس ماتندل بيتهم
ضليت عدهم لا اكلت ولا شربت شي والرجفة ماراحت وبس ابچي امها خافت من حالتي وگالت لابوهم وحاول يعرف شبيه وماحچيت ابد
اتفقو هو واية باجر ياخذ رقم ردام من المديرة ويتصل عليه خافو من المشاكل والقلق بين بوجهم بس اني خايفة الولد مات وخايفة من ردام شنو راح يسوي من يعرف ضامة عنه هذا الموظوع
ضلت اية طول الليل گاعدة وياي وتحاول تعرف اي شي بس ابد ماحچيت ايست مني احچي ونامت وگعدت الصبح بدلت وحاولت اية وياي حتى اكل بس ما اكلت
طلعت اية للدوام وبعدها بنص ساعة سمعت صوت ردام بيت اية خفت كلش شنو راح يسوي بيه ردام
شوية ودخل للغرفة مارفعت راسي ابد جنت گاعدة وحاضنه رجلية تقرب مني ورفعني من ايدي سحبني وطلعني من الغرفة بدون اي صوت طلعني من بيت اية وصعدني بلسيارة ورجع يحچي ويا اهل اية
شوية وصعد بلسيارة ورجعني للبيت نزل من السيارة وفتح الباب وسحبني من ايدي شفت الكل واگف باب البيت وعمي گاعد بلكرسي المتحرك بس تقربنا عليهم الكل يسأل وين چنت وشنو صار ماحچه ولا كلمة استمر يمشي وماترك ايدي صعدنا للغرفة وقفل الباب وترك ايدي
استعديت للحساب بس كلشي ماحچه وياي طلعلي ملابس من الكنتور
ردام : دخلي للحمام سبحي وبدلي
أنت تقرأ
قـلـبـه ثـمـن لـثـأري
General Fictionحاصلة على المركز الرابع بتاريخ 2022/7/28 قصة عراقية حقيقية بريئة و عنيدة وبذات الوقت لا تقبل الضعف ولا الأنكسار حولها كثير من الظلم والظلام والاسرار حولها اشخاص بوجهين هل تكتشف هذه الوجوه ام البراء التي بداخلها اكبر من الخبث الذي بداخلهم وهل يستطيع...
