#قـلـبه_ثـمـن_لـثـأري
#بـقـلـم_بـتـول_حـسـيـن
#الـبـارت_الـعـشـرون (20) والاخير
---------------------------------------
وصلو الحچي لفلانه وخل تفهم زين
انتي بگلبي ومايرهم بلگلب اثنين
وصلو الحچي وفهموها الشوگ البيه
گلبي حبج مايرضة بغير بنيه
---------------------------------------
در : خلصت الاربع ايام بسرعة ماحسيت بيهن وبدينا نطلع اني واسراء للسوگ حتى نحضر للعرس
وردام كلش فرحان بس اني خايفة ومتوترة وهذا الشي احسه خرب فرحتي وواهسي للعرس
بعد مرجعت من السوگ صعدت لغرفتي وصرت اتأكد من الملابس وارتبهن بكنتوري گعدت على الجرباية واني افكر بعد 5 ايام شسوي ردام تحملني هواي واخاف يصير شي واتذكر الصار وياي مستحيل يسامحني ردام اذا صار هذا الشي
ضليت ابچي حايره وماعندي غير دكتورتي احچي وياها واني على هذا وضعي دخل ردام للغرفة ،، بسرعة مسحت دموعي
ردام : عليش تضمين دموعج عني تعالي سولفيلي سبب الدموع
در : گعد بصفي على الجرباية وسحب راسي خلاه بحضنه ،، خايفة يخلص صبرك وياي
ردام : لا تخافين ونامي مرتاحة انطيتج وعد اني واستمر على هذا الوعد انشاءالله حبيبتي لا تخافين ولا تخربين فرحتنا اتصرفي براحتج والعرس مو شرط يتم كلشي بنفس اليوم فهمتيني
اعتبري مثل حفلة الخطوبة صار شگد اني وياج بغرفة وحده جبرتج على شي
در : لا
ردام : واذا مو جاهزة نستمر نفس الوضع وميتغير شي
در : لا جاهزه بس خايفة بنفس الوقت ردام لا تشك بحبي ألك والله احبك واريدك بس خايفة
ردام : انسي الخوف در وفرحي مره بلعمر هاي الفرحة
در : صح كلامك لازم اترك كلشي بوقته والكاتبة الله يصير
ردام : در راح احچي وياج بموظوع بس ماريد تنقهرين
در : خفت من گال هيج ابتعدت عنه وعدلت گعدتي ،، شنو الموظوع
ردام : اول سنتين ماكو اطفال انسيهم وابدي من اليوم اخذي مانع حمل
در : ليش هيج تحچي ردام متسمع عمامي وزوجاتهم يسألون ليش لحد الان ماصار عدنا طفل
ردام : در العلاجات الاخذتيهن يضلو فتره بجسمج الدكتورة شرحتلي هذا الشي اول بدايتو لعلاجج فتره يله ينضف جسمج من الادوية اذا صار عندج حمل راح يصير تشوه ولازم تنزلي
اني وافقت تكملين علاجج وطلبت من الدكتورة ماتحچيلج شي عن هذا الموظوع اني ردت افهمج عليه ،، اذا تم كلشي على خير راح تتركين العلاجات كلها ،، وماكو حمل غير بعد منتأكد جسمج نضف من الادوية
أنت تقرأ
قـلـبـه ثـمـن لـثـأري
General Fictionحاصلة على المركز الرابع بتاريخ 2022/7/28 قصة عراقية حقيقية بريئة و عنيدة وبذات الوقت لا تقبل الضعف ولا الأنكسار حولها كثير من الظلم والظلام والاسرار حولها اشخاص بوجهين هل تكتشف هذه الوجوه ام البراء التي بداخلها اكبر من الخبث الذي بداخلهم وهل يستطيع...
