#قـلـبه_ثـمـن_لـثـأري
#بـقـلـم_بـتـول_حـسـيـن
#الـبـارت_الـسـابـع
---------------------------------------
در : شنو تريد تسوي وشلون تحل المشكلة بكيفك سوي اليعجبك بس بعيد عني لا تفكر مجرد تفكير اصير زوجتك لان ساعتها اني راح احل كل مشاكلكم واموت نفسي
ردام : يول انتي مو تگولين بسببي خلي اني اتحمل المسؤلية واحل مشاكلي مو بس مشاكلج
در : اطلع برا كافي كافي تعبت كافي حس شوية اني مطايقة نفسي كارها كلشي واكثر واحد انت اطلع ،،
باوعلي بنظرات عجزت افسر معناها وطلع من الغرفة وسد الباب قفله عليههسه اني شنو اسوي شراح يخلصني لو منتحره واني بيت خالي ولا هذا العذاب والمشاكل الله ينتقم منك بارق اشوف بيك يوم
ماگدرت انام واني كل شوية يخطر شي بالي ونهايتي ماعرف شنو ولا واحد موتني وخلصني احس كلهم حيوانات كل واحد راكض ورا شهواته كل واحد يفكر بنفسه وبس
محد حاس بلعشته والچاي اعيشه هسه محد يفكر شنو شافت در وشلون تحملت هيج شي وشنو تحس ولا واحد حاول يعرف
خايفة عمي يموت وخايفة يطلع من المستشفى ويخذلني والتفكير دمرني ونهايتي مجهولة لحد الان
ماعرف شوگت غفيت من التفكير بس گعدت على فتحت الباب وطيبة دخلتلي الريوگ واخذتني للحمام وسبحت وبدلت ورجعت تريگت وانطتني علاجي وطلعت العلاج ماعافته بلغرفة
عرفت هاي الاوامر من ردام يخاف اموت غبي اذا متت يرتاح هيج بس ميعرف يفكر شگد حقدت عليه يوم عن يوم اكرها اكثر من تصرفاته
سألت طيبة عن عمي وشنو وضعة گالت صار عنده شلل نصفي وهنا احس مصيبه وگعت على راسي وفقدت اخر امل واخر سند ضليت ابچي واشگي همي لطيبة دخل وسام للغرفة
خفت منه بس هو اجه حضني وباس راسي
وسام : لا تبچين يول كلنا سند الج بلقران لا تهتمين ولا تنزلين راسج
در : عمي وسندي واخر امل عندي تمرض منو اليه بعد من يسمع كلامي هسه كلها تريد تجبرني على شي ما اريده
وسام : لا تگولين هيج يول ادعيلو يطلع بلسلامة در انتي كسرتي لابوي وبين هسه شگد يعزج وشايل همج واخر كلامة ويا ردام من گاله شصار امنج عنده ومايمس شعره منج
وبعدها تخربط ونقلناه للمستشفى يگول الدكتور يحچي انشاءالله بس ايدو ورجلو يعني صفحتو اليمنه مايگدر يحركهن بعد
در لا تزعلين مني بس اريد اتأكد بارق بس تحرش بيج لو سوالج شي يول گولي اذا مسويلج شي لو يروح لسابع ارض اطلعو واموتو
در : ضليت مصدومه من كلامة شنو يعني غير ردام مسولفلهم كلشي شنو ماگدرت احچي شي ،، مثل مسولفلك ردام صار
أنت تقرأ
قـلـبـه ثـمـن لـثـأري
General Fictionحاصلة على المركز الرابع بتاريخ 2022/7/28 قصة عراقية حقيقية بريئة و عنيدة وبذات الوقت لا تقبل الضعف ولا الأنكسار حولها كثير من الظلم والظلام والاسرار حولها اشخاص بوجهين هل تكتشف هذه الوجوه ام البراء التي بداخلها اكبر من الخبث الذي بداخلهم وهل يستطيع...