اسف جدا جدا عن التأخير و الاختفاء المفاجئ لكن حتى اللي متابعيني على الفيس شافوا اختفائي برده و ده لان حصلت لي ظروف طارئه .
المهم انا رجعت و هحاول اعوضكم على قد ما اقدر و الله بس انا مصره اراجع الرواية لان وقت نشرتها على دريمي كنت ببقى مستعجله اوي و لقيت اخطاء املائيه و لغويه كتيره جدا يمكن كنت ممكن اقبلها الاول لكن دلوقتي انا الحمد لله وصلت لمستوى كويس في الكتابه و بقى صعب اقبلها و لو في وقت كنت راجعت كل رواياتي عشان تظهر بالمستوى المطلوب .
بس برده انا حابه التباين و التطور الواضح في كتاباتي و يا رب افضل اتطور و اكون عند حسن ظنكم .
في نقطه تانيه مهمه و هي ان عقود دريمي اوشكت على الانتهاء بمعني ان وقتها الروايات هترجع مكانها في واتباد بالملفات الاصليه لكن فاضل شهور قليله بامر الله .
بالنسبه لرواية نابغة بعصر الاغبياء و لأن عقدها جديد ف لسه شويه عليه و طبعا اتقفل فصولها و هحلها زي ما عملت مع باقي الروايات لكن هيكون في ملف باسم الروايه و غلاف كمان .
دمتم سالمين و قراءه ممتعه.
~~~~~~~~~~~~~~~~
المرأة لم تخلق للحب ، بل خلق الحب لها .
نزار قباني .
~~~~~~~~~~~~~~~~~~~
جلس برفقه اخويه و زوجته مستمتعا برفقتهم و لكن خرج ساهر عن المرح متحدثا بقلق:
_انا مش مطمن يا فارس ...قبل كده حد حاول يقتلك و دلوقتى كارما تتقل، الموضوع شكله كبير .
رد فارس مطمئنا :
_متقلقش انت و خِليك فى مذاكرتك وعلى العموم انا زودت الحراسه عليكم و على البيت .
التفت ينظر لچنى و هو مقلصا حدقيته بتركيز عليها و اكد بحزم :
_بس على الله تهربو من الحراسه .
ابتسمت لعملها انها المعنيه بالحديث فهى دائمه الهرب من حراستها لشعورها بانها مراقبه فردت بمزاح :
_رجالتك هم اللى خايبين .
رفع حاجبه هاتفا بصرامه :
_چنى انا مبهزرش، اياكى تهربى من الحراسه ....فاهمه ؟
ردت باحترام :
_حاضر .
نظر لياسمين و قال بحب :
_و انتى يا حبيبتى خروجك من البيت يا معايا يا بالحراسه حتى لو رايحه لاهلك ...مفهوم ؟
ردت ياسمين و هى تحتضن ذراعه :
_حاضر يا حبيبى .
وقف مهندما ثيابه و اخبرهم :
_طيب انا هروح اتمرن شويه على العشا ما يجهز .
انتفضت ياسمين متحدثه برجاء و ترقب :
_مش قولتلى قبل كده انك هتعلمنى ازاى اضرب نار ؟
اومأ بحب و رد بإيجاز و هو يمد راحته ناحيتها :
_تعالى .
سحبها معه للخارج و ذهبا سويا لغرفه الرمايه و بدأ فارس بتعريفها على انواع الاسلحه المختلفه و ايضا انواع الطلقات .
امسك بيده احد الاسلحه و بدأ بالشرح بجديه :
_بصى بقى دلوقتى فى نوعين اساسين من الاسلحه و كمان الطلقات، الاسلحه ( مسدسات و بنادق ) و الطلقات ( حيه و مطاطي ) تمام .
أنت تقرأ
أحببت طريدتي وترويض الفهد (الجزئين بعد التعديل) مكتملة
Lãng mạnما لكَ في قلبي الا مكاناً صغيراً يُقدر بحجم قبضه يدي و لما شَعُرت بتخمه عِشقك ذهبت لطبيب العشاق ... و سألته ما بالِ اتألم بحضوره و فراقه و مكانه فى قلبى يُضاق ؟ فقال لي اچابةٌ ولجت لنفسى كالمحراب اچابته كانت الا تعلمي ان حجم القلب قبضةٌ من يدك و...
