"တောက် တောက် တောက်"
ခေါင်းရင်းမှ သစ်တောက်ငှက်တို့ သစ်ပင်ကိုခေါက်နေသံကြောင့် Haruto အိပ်နေရာမှ ရုတ်တရက် နိုးကာ ငုတ်တုတ်ထထိုင်လိုက်တယ်။
စားပွဲပေါ်ကနာရီကို ကြည့်လိုက်တော့ မနက် 7နာရီခွဲရှိနေပြီဖြစ်တာကြောင့် ကမန်းကတန်း ထပြီး ရေချိုးရန်ပြင်ဆင်လိုက်တယ်။နောက်ကျနေပြီဆိုတဲ့အတွေးနဲ့ အလောတကြီး လုပ်မိရာမှ ပိတ်ထားတဲ့ရေချိုးခန်းတံခါးကို ခေါင်းနဲ့ဝင်တိုက်မိသွားတယ်။
"ဒုန်း"
"အား ကျွတ်ကျွတ်သေပါပြီ"
Harutoခေါင်းကိုပွတ်ရင်းပြောလိုက်တယ်။
ရေမိုးချိုးပြီးတော့ မနေ့ကDoyoungတို့ယူလာတဲ့ စားစရာများကို ပြင်ဆင်ပြီး စားလိုက်တယ်။ထို့နောက် အိမ်အပြင်သို့ ထွက်လာကာ မနေ့ကပြုပြင်ပြီးခါစရှိသော ပန်းခင်းမြေနေရာကို တချက်ကြည့်လိုက်တယ်။မြေဆီဩဇာ အတော်ကောင်းမွန်တာကြောင့် အိမ်ကပါလာခဲ့သော Cosmosပန်းမျိုးစေ့များကိုချက်ချင်းယူကာ စနစ်တကျ စိုက်လိုက်တယ်။
ရေသေချာလောင်းပြီးနောက် Harutoဝက်သစ်ချပင်အောက်မှာ ထိုင်ရန်အတွက် အိမ်အနောက်ထဲရှိသော သစ်သားများကို ယူပြီး နှစ်ယောက်စာမျှထိုင်လို့ရသည့်သစ်သားထိုင်ခုံလေးရိုက်လိုက်တယ်။
"ဟူး"မောလွန်းတာကြောင့်လေပူတစ်ချက်မှုတ်ထုတ်လိုက်တယ်။မောပေမဲ့လဲ သူကိုင်တိုင်ရိုက်ထားတဲ့ သစ်သားခုံလေးကိုကြည့်ပြီး အပြုံးတွေဝေဆာနေတယ်။
လေနုအေးအေးလေးတိုက်ခတ်လာတာကြောင့် လေနတ်မင်းကျန်းမာချမ်းသာပါစေဟုသာ ဆုတောင်းပို့နေခဲ့တယ်။Harutoရဲ့ဝါသနာအတိုင်း အိမ်ထဲကစာအုပ်တစ်အုပ်ကိုယူလာပြီး ထိုသစ်သားခုံလေးပေါ်မှာ ထိုင်ဖတ်လိုက်တယ်။
အတော်အတန်စာဖတ်ပြီး မျက်စိညောင်းလာတာကြောင့် အနီးအနားထပြီး လမ်းလျှောက်လိုက်တယ်။
ရုတ်တရက်ဆိုသလို Cosmosပန်းမျိုးစေ့များ စိုက်ထားသောနေရာကို မျက်စိရောက်သွားတာမို့ သေချာကြည့်မိလိုက်တယ်။ကနုတ်ခတ်များနှင့်အပြာရောင်ဖိန့်ဖိန့်တောက်နေပြီး အရွယ်အစားအားဖြင့် သာမန်ထက်အနည်းငယ်ကြီးတဲ့ လိပ်ပြာလေးက ထိုနေရာမှာပျံဝဲနေတာကို မြင်လိုက်ရတယ်။
