ابكم سحرني
الجزء الثالث
اوتار حزينه
،،،
ثم ماذااا
ثم انه يمر عليك يوماً مريراً في حياتك لا تستطيع نسيانه او تجاوزه ، وتظل تذكره للابد
كان الدنيا قد توقفت بهذا اليوم ولم
تعد تراها كما كانت
حتى انت لم تعد كما كنت كأن جزء من روحك
مات واندثر
،،،،
كمت مثل كل مره غسلت وجهي وتمشيت للصاله
ماجان الي واهس العب رياضه
عفت التمارين ونزلت جوه رحت للمطبخ اخذت بطل مي ورجعت اريد اصعد لفوك وكفت من سمعت صيحه
قويه رجت البيت جانت عيطه
مره بس بخووف
جان الصوت جاي من الصاله الجوه
مشيت بسرعه طبيت شفت ريم
كاعده وشكلها خايفه وتباوع بارتباك للبيت
هااا شكووو شصاير
سمعت صوت ورايه وشفت اهلي كعدوا على صوتها
امي راحت بسرعه عليها كعدت يمها وسألتها
بقلق
اسم الله يمه شبيج صحتي خوما بيج شي
وعي رجع شويه شويه وانتبهت لروحي بدون شال
دورت بعيوني علي وشفت عمار دار وجهه وطلع
خليته على راسي وجاوبتها بخجل واني احس
كل جسمي يرجف
مابيه شي عمه
ياابه ريم بيج شي ايدج توجعج
هزيت راسي بلااا وعمه سالتني
تكدرين تدكومين وياي حتى اخذج للغرفه الجوه
هزيت راسي باي وكمت وياها مشيت بتعب
خالو من جهه لزمني وهي من جهه
وهي كملت
من شفتج غفيتي كلت لخالج خطيها خليها
تنام بمكانها لاتكعدها
طبيت لغرفه كبال غرفتهم وصايره بصف الدرج شفت جربايه يم الشباج كعدت عليها ومااكدرت اتمدد لان خالي واكف
ابو ياسر ظل يمها راح اروح اجيبلها اكل
وشي تشربه خطيه ماتعشت ولا اكلت شي
حجت عمه رتذكرت اني صارلي يومين مو ماكله شي بس يمكن المي طب بزردومي
اجتي وره دقائق وجايبه وياها صينيه بيها لفات وشربت ومي كعدت يمي وحجت
يله هاج اكلي حتى يصير بيج شويه حيل
مااااريد مااشتهي اكل
جاوبتها كووه وخالو حجه بحنيه
لاااا ريمه تره ازعل عليج اذا مااكلتي شي
سكتت وعمه لزمتني لفه بأيدي وكالت
اكلي لخاطري اني وخالج
اخذتها منها وظلت بايدي خالو حجه
ام ياسر ظلي يمها اني راح اروح انام
اي عيني روح ارتاح باجر وراك دوام من الصبح
أنت تقرأ
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
