ابكم سحرني
الجزء الثاني والعشرون
بقلم اوتار حزينه
،،،،،،،،
انه الداريتك !!!
لحد ماخذاني اللوم وي روحي!!
ريم
طلعت وي عدي الجان لازمني بهداوه
صافنه ومصدومه واحس بگلبي راح يوكف
حيلي انهد ورجلي ثگلن
ريم اكعدي
درت وجهي على القاعه ودموعي تنزل
على وجهي وهدومي
حجيت گوه
عدي هذا عمار موو
سالته بجمود واحس بروحي فرفحت
وكمت اشهك بصوت قوي
اصعدي ريم
عيوني غوشت من شفت سياره الزفه لزمت
الباب بقوه وهو اجه وصار چدامي
وحجه
اصعدي رحمه لاهلج لايصير بي شي
صعدت من شفت العيون صارت علينا وهو اجه
بسرعه ركب وشغل السياره
سندت راسي على الجامه
ظليت ابجي واشهك واسمع عدي يحجي
وي خالو سد الخط وظل يفشر على عمار
غمضت عيوني وهناك بظلامها شفته شلون
فرحان ولا هامه السواه بيه ولا بابنه
السياره وكفت ومانزلت لان حسيت بروحي بس
اخلي رجليه بالكاع راح اكع
تعالي ياابه
درت وجهي وشفت خالو يدحك عليه
بوجهه احمر دم ووراه ماما الجانت تبجي
حجيت گوه
خالو عمار تزوج
حجيت وشفت وجهه انطعن نزلني هو ومرته
واشوف عدي يفتر يمنا ومبين علي التوتر
مشيت هايمه على وجهي واسمع ابوه
يسب بي ويغلط علي اكثر من مره ردت اكع على وجهي ويلزمني هو وماما
هاي الرداها ابنج شوفيها شصار بيها
راح تروح من ايدينا هي والي بطنها
مااعرف شلون وصلت للغرفتي ولاا عرف
شلون ظليت اتنفس ردت الموت ومااجاني ردت
اروح من هاي الدنيا لان تعبتني كلش
ردت حوبتي تطلع بعمار ردته مايتهنى بالاخذها
يضوك المر الي شفته وينذل مثل ماذلني
ردت الايام تكسر خشمه وتجيبه ليمي
حتى يبرد گلبي
وجع بطني زاد وكمت الوب الف مره كلت
راح يموت ابني ودعيت من الله اذا اخذه
ياخذني ويا
ماما گوه خلت الدوه بحلگي وشربته وخالو راح بسرعه
جاب مضمده وضربتني ابر المثبت
الليله كله مانمت ممدده والوجع يروح ويجي
واهله فوگ راسي خايفين لايصير بيه شي
وره الفجر حسيت بيهم نامو
اني نايمه بفراشي ودمعتي بعيني
جريت جهازي رحت للواتس فتحته
وصفنت على صورته البدلها وره ماسوه العمليه
شفته موو هو غير واحد
غدار وماله امان كتبت بايد ترجف واني
مااشوف الحروف من وره دموعي
أنت تقرأ
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
