ابكم سحرني
الجزء الخامس عشر
بقلم اوتار حزينه
،،،،،،،،،،
الي مايجيك بلهفه ليش تتلهف
علي شبيك تنطي مي للشابع مطر
،،،،،
وووينج ولج
فزيت وكتبت بسرعه
هياني
اسمعيني زين هذا اسمه ماتجيبي على لسانج
لا هو ولا ذاك القندره الخ وماعليج باي شي يصير
اريدج عميه طرشه خرسه الي اكلج علي
يصير بدون نقاش
قريت الكتبه اكثر من مره وجان المفروض ارفض
يتعامل وياي هيج بس حبي اله جان عاميني
وعبالي هاي غيره وحب وحرص منه
جاوبته واني مااريده يزعل
اي عمار
ماطلعت بعد الصار
ظليت بغرفتي لان جنت مستحيه اشوف احد
خفت لاااسمع حجايه وتغثني يعني هاي مرتين عمار يتعارك وي عدي من ورايه
ظليت اسال بروحي هذا شبي وليش هيج ديسوي
يوميا مسويله مشكله وجايب اسمي على لسانه
ومتعارك وي عمار
وشوكت حبني هي كم مره شايفني
صفنت وي روحي وتذكرت كم مره من جنا نطلع اني وماما اشوفه يوكف ويصفن عليه
ومرات بحجه يحجي ويا ماما يبتسم الي
ويصفن بوجهي امشي واعوفهم
لان جنت اضوج من نظراته
هو طلع يحبني واني مااحبه
حجيتها بگلبي والزمن شوفني نفس قصه عدي
بس وي عمار
ريمه وينج تعالي
سمعت صوت ماما من صاحت وطلعت
التهيت بالشغل وياها والحلو بيت خاله خديجه
وماما مايلزكون بالسالفه التهوا بغير سوالف وعبالك ماصتير شي
عمار ماشفته لان جانو كلهم كاعدين بالاستقبال
خلينا الغده وكملت شغل وانسحبت للغرفه
العصر اني داحضر العصريه
الجرس اندك وخالو طلع سمعنا يحجي بالكراج
وعرفنا من اجه ليمنا وكال
ام ياسر سووو ضيافه هذا
ابو عدي وولده احمد وامجد اجوي يعتذرون من عمار ومني
ياا شوفهم خطيه شلون اجوي بسرعه والله
جار العمر واهل بس نعله الله على الشيطان الي دخل بين ولدنا
تصير ام ياسر وتنسي ريمه يابه خلي كلاصات مي
بالصينيه وانطيهن لريسان
اي خالو هسه
ظليت احور بالمطبخ واسمع ماما تمدح بيهم
وخاله خديجه تأيدها لان تعرف ام عدي وكاعده وياها
ااكلج ام ياسر احمد طلع منهم موو
اي عيني بنه مشتمل بحي الجامعه وكعد بي
هاا وشصار عنده
ولد وبنيه وخطيه مرته حامل بس حملها ضعيف
وجايه يم ام عدي حتى اداريها
أنت تقرأ
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
