ابكم سحرني
الجزء الخامس والعشرون
بقلم اوتار حزينه
،،،،،،
مرتضى حرب يگول لچموا...
ڪلبي بحجآيات" حتئ بنومتي# يصلن
ريم
كاعده اصفط بالهدوم مالتي وعيني على ابني نايم ومبين علي مرتاح ابتسمت وحسيت بالراحه
لان رجع لبيتنا وصار بحظني الباب اندك
طبت ماما وحجت بتردد
ريم عمار اجه ويريد يشوف ياسر
عگدت حواجبي بضوجه وحسيت بخنگه مو طبيعيه
ماحجيت شي هي اجتي سمت اسم الله وشالته
ابتسمت وحجت ويا بحنيه
بابا ظل باله عليك واجه يريد يشوفك
كمت وراها من طلعت سديت الباب
لان مااردت اشوفه ولا اسمع صوته بس عرفت بي هنا توترت كلش وكمت افتر بالغرفه واني ضايجه
عمار
عيوني غوركت من شفت ابني بحظني حسيت
بأحساس ماعرفت افسره فرح لان صار عندي ولد
وحزن لان اني بجهه وامه وهو بجهه ثانيه
ظليت صافن علي وگلبي يدگ بسرعه
ابتسمت من شفته اشگر ويشبه اخويه ياسر
دحگت لامي جانت صافنه عليه ودموع بعيونها
حجيت بغصه
يشبه اخويه الله يرحمها
دموعها نزلت وجاوبتني بخنگه
اي يمه يشبه للغالي
جاوبتني
وسكتت من خنگتها العبره هزيت راسي بقهر
وذبيت حسره سالتها وره شويه
يمه هو شلونه. هسه وشلون وضعه ريم
ذكرت اسمها واخذت نفس وذبيته كملت بقهر
شلونها وشلون صارت
الحمد لله اثنينهم زينين لايظل بالك
سكتت والموقف كله خلاني احجي گوه
واني صافن على ابني بعيون مغورگه
يمه كولي لابويه خلي يرضى عليه
اريد ارجع يمكم بعد مااتحمل البعد اريد ابني
بحظني هو ومرتي
امي سكتت ومن طولت حجيت بقهر
فهميني يمه شلون اني اظل هيج اني بجهه
وهم بجهه ثانيه
كامت واجت ليمي شالت ياسر وحجت
جيب الولد خلي اخلي بفراشه مو زين يظل
هيج بعده صغير ومايتحمل
اخذته من حظني وراحت تودي لريم
كمت واني ضايج وظليت افتر بالصاله تمشيت ووكفت يم الباب الداخلي وشفتها طلعت من
الغرفه
حجيت بسرعه
اريد اشوفها اريد احجي وياها
حجيت وتمشيت ليمها هي لزمتني وحجت
بعصبيه
أنت تقرأ
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
