ابكم سحرني
الجزء الثامن
بقلم اوتار حزينه
،،،،،
عفتهم يحجون ونزعت العبايه والشال بالمطبخ
لان حاره كلش جنت عبالي عمار ماموجود
شربت مي من يم البراد
تمشيت للغرفتي واني اتمايل وادندن وي روحي
جمدت بمكاني من شفته چدامي
ويدحك عليه بنظرات خلت گلبي يدك بسرعه
رمشت بعيوني اكثر من مره وبعدين صحت
عيوووونك ولك
هي صيحه وشمرت العبايه والشال بوجهه
وانهزمت للغرفه
طبيت بسرعه وسديت الباب بس شنوو
لشتي كلها ترجف وگلبي يردم بقوه
رجلي من الهبطه صارن خيوط مشيت
كوه للجربايه وكعدت وره شويه ردت روحي
وحجيت
هذااا شجابه هسه لخاطر الله حظي خوما حظي
لاااا وشافني مفرعه وبدون حجاب
استغفر الله ياربي واتوب اليك
سكتت للحظه وبعدين كملت بضوجه
وج ثوله شكو ذبيتي العبايه والحجاب
مجان اظلين بيهن هيج احسن
خلاج تركضين وماتلحكين
سكتت ودورت بعيوني على العبايه وشالي
وسالت روحي
هذني وينهن وين خلتهن ايدي
صفنت وجان اضرب خدي وصحت من تذكرت كفخته بيهن
يبووو صخام الصخمج ريمه هاااي شسويتي
راح يجيج يخنگج بيهن وووج گووومي اقفلي الباب
هذا مخبل ومرفوع عنه العتب
كمت بسرعه ورحت اريد اقفل الباب وجان ماما اطب اول ماشفتها كمزت من مكاني وصحت
يممممه
اسم الله وووج ،، هاي شبيج فزيتي
وفززتني وياج
ردت اخرب بمكاني لان عبالي هو وجريت نفس طويل وذبيته وجاوبتها
لااا ماكو شي هاي عبالي ام عطوب طبت علي
والله شلون مااشوف لو انتي مخبلتها لو هي مخبتلج
سكتت وهي كملت
هاج عبايتج وشالج شنوو ناسيتهن على المحجل
هااا
وج شبيج بسج تتصفنين شجاج بيج شي
صحيت على روحي وجاوبتها
لااا مابيه شي
يله بدلي،وتعالي يم خالج حتى يدرسج
ماما مايصير اليوم ماادرس
جاوبتها بارتباك وهي اشرت براسها بلاا
وجاوبتني
هااا ريمه بدينا بسوالف الكسل وين خالج ويسمعج الا يسمعج محاضره شطولها
أنت تقرأ
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
