ابكم سحرني
الجزء الثالث عشر
بقلم اوتار حزينه
،،،،،،، ،
لافرق بين قلبي وعقلي
ذاك ينبض لك وهذا يفكر بك
كلاهما انت ولا أعرف أين انا
ريم
ثاني يوم الظهر جنت خاتله بغرفتي واستحي اطلع
امي دگت علي وجان مبين عليها الفرح
وتبجي من فرحتها
وكالت راح نجي باجر عليكم اني وعمامج
ونسوانهم
كملت وياها حجي وراحت
جهازي بعده بأيدي واجتني رساله على الواتس
گلبي كام يدك بسرعه من شفتها من عمار
فتحتها وقريت
شلونج هسه
هي كم كلمه بس حسيته يحجيها بصوت
واسمعها باذني كتبت بايد ترجف
الحمد لله
جاوبته وعيوني على صورته هو واخوه
وضحگته الحلوه خلتني اصفن علي ومااعرف بشنو احس
اعتذر لان ضربتج
رمشت بعيوني وابتسمت من قريت اعتذاره
واجه بالي الراچدي من ضربته بالمخزن
انتبهت لروحي تأخرت وكتبت بدون تفكير
وحده بوحده
شنوو
سالني واستحيت اجاوبه
غلست وهو رجع كتب
شنوو ماافتهمت
ماما طبت وحجت بسرعه
ريم جهزي روحج العصر حتى نروح ليم سوزان نتفق وياها واحجزلج بدله لباجر
گلبي فز وارتبكت كلش عبالك كالت باجر زفتج
على عمار. وكملت
همزين بيت خالتج خديجه راح يجون العصر هم وبيت خالج قاسم وكالو لاتشيلين هم للشغل روحي دبري روحج وي عروس عمار
ابتسمت وكملت
وعرروس ابني شبيها اليوم خاتله ومحد شافها
خجلت منها كلش وهي ضحكت وحجت
يله كوومي وياي خالج يدور عليج هو وواحد
يمممه وين اروح وين اختفي
حجيت وي روحي وجاوبتها بصوت گوه طلع
ماما والله استحي ااطلع خليني هنا عفيه
لااا عيني مو على كيفج امشي كدامي وخلينا
نخلي الغده وان جان على عمار تره هو بالصاله
وياكل وحده يعني الدار امان
حجت ودفعتني للباب
طلعت ودحكت للباب الصاله وگلبي يدك
سريع مشيت بسرعه وطبيت للمطبخ واسمعها تضحك ورايه
يااربي هاي شلون ورطه
حجيت بخجل واني احس بحراره صعدت لوجهي
وجان اشوف خالو كاعد ويدحك عليه وهو مبتسم
ماحجه شي اشرلي اكعدي يمي
أنت تقرأ
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
