ابكم سحرني
الجزء الخامس والثلاثون
بقلم اوتار حزينه
__________________________________
گلي هلا ومرحبا و التعب كلة يروح
عبد الكريم القصاب
ظليت احور فوگ واني صاير اعصاب طبت ورايه
سدت الباب ووكفت يمه سالتني
شبيك عمار شصاير
مااتعرفين خااتون مسوويه نفسج ماااتدرين
صفنت علي وشفته صاير اعصاب جاوبته بهدؤ
لاتصيح وفهمني شبيك
يووولي تعرفين شبي وتعرفين شجاااي تسوين بيه
صحت باعصاب وضربت الكنتور برجلي
هااا عمار هم رجعنا لهاي الاعصاب هم رجعت تصيح
وتكسر بالغراض شبيك ماتعرف تحجي بهدؤ
الا يعلى صوتك وتفضحنا بالبيت
جاوبته بعصبيه وهو اجه عليه والوجهه احمر دم
ماخفت منه للان اعرفه ماراح يضربني
اشر بايده بوجهي
منوو السبب موو انتي ردتني اتغير وتغيرت تصخمت
وبطلت كلشي لخاطرج ولخاطر جهالي واهلي
واانتي خاتون بلحظه تغيرتي بس شفتي موقف
صار بيه واني مالي يد بي
سكتت وهو صاح
مااتحجين ليييش سكتي وين لسانج بلعتي مووو
ماعندج رد موو ااحجي
زين اني هسه شمسوويه الك فهمني اريد اعرف
تساااليني ريم
رفعت حواجبي وجاوبته بهدؤ
اي اسالك لان داشوف نفسي مو مقصره وياك
بشي انت كلي اني مسوي شي الك وماادري بروحي
درت وجهي وفرگته بقوه ورجعت دحكت عليها بغضب وجاوبتها
وين اهتمامج وين اللهفه من افوت للبيت واشوفها
بعيونج وي بووستي
ابتسمت من حجه اخر كلمه
رفعت حواجبي من ابتسمت ونزلت راسها
حجيت بضوجه وعصبيه
يوولي اشوو تضحگين
عضيت شفتي بقوه لان مااردت اضحك
مااتحجين
صاح بيه رفعت راسي واحس وجهي كله يضحك
هو شاف خلقتي ضرب ايد بأيد ومشه
من يمي وهو يگول
يااربي شحجي وياها اني صاير نار وهي
ثلج وكاعده تضحك
راح انزل
حجيت گوه واني كاتمه ضحكتي
وووين والله ماتروحين الا اعرف ليش ضحكتي
اجه وصار جدامي وسد الباب وقفله
ااحجي ولج ليش جااي تضحكين
أنت تقرأ
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
