ابكم سحرني
الجزء الثالث والثلاثون
بقلم اوتار حزينه
______________________________
القهـر حتـه بوصيتـي..
محلف أهلي عليك
أنتَ اليدفن .. اليغسل .. اليچفن ..
______
من سمعنا هيج كبت العيطه بيتنا وصار عدنا
عزه بلا ميت التمو علينا الجوارين والولد راح يتراكضون للطب العدلي
لساني انلجم وظليت كاعده واهز بروحي
امه ملخت روحها هي وخاله خديجه وامي وياهن حسيت گلبي راح يوگف وبأي لحظه راح اموت
بطني لوتني ومادرت بال عيني على الباب
واحجي وي روحي بخبال هسه راح يجيبو
ميت وبالتابوت
اختي غسلت وجهي وهي تبجي وتوسلت
بيه اشرب شويه مي ماقبلت وظليت اهز براسي
بلااا امه صاحت بيه
وووج ريم مااات عمار دعيتي علي وراح من
ايدج وايدي
عطت وملخت وجهي وشگيت ثوبي وكمت الطم
اختي ومياده لزموني گوه
ماردت اظل عايشه واسمع الملامه
من امه وابوه
ردت اموت والحكه شسوي بروحي
وبالدنيا وهو راح من ايدي ساعه مرت واحنا نبجي
وندعي يطلع جذب خابرنا ريسان وكال مالكينا
جذبوو علينا ماصدگنا وانتظرنا يرجعون
رجعوا مهدود حيلهم وخالو گوه يمشي
وعرفنا هم مدورين علي بالثلاجات ومالگو
بليل خابرونا وكالو هاي گرصه اذن
حضروا الفلوس لا مره الثانيه صدگ تصير وتلكون ابنكم بثلاجه الموتى خالو توسل بيهم بس يسمع
صوته من سدو الخط انهار وكام يبجي
رجعوا دگو وره دقائق وسمعنا صوته
عمار
مرت عليه ايام واني بهاي الغرفه اعرف اجاني
الليل من الجلاب ادكوم تعوي وجان واحد وياي بگبر ابويه هم مخطوف اسمه حجي خليل
يجي واحد يخلي بحلكي لكمه ويشربني
مي ويروح
سالته ثالث يوم
انتو مو اخذتو الفلوس العندي بعد شكو
لازميني هدوني واني ماابلغ عليكم
ضربه اجتي برجلي وكفخه على راسي وصاح بيه
ااانجب ولك ولاتظل تلغي اااخذنا فلوس
ابو حلك وهو طاك وسيارته ذيج السياره هو وابوه وبيتهم بارقى منطقه نريد بعد قشمر
واذا ماانطونا اهلك نطكك طلقه براسك وگبل نشمرك
باقرب مزبله
وولك بالقران اذا الزمك بايدي الا اخلي هاي
قندرتي بحلگك
اني حجيت هيج وهو استلمني
دفرات وبوكسات
كمت افشر علي واغلط فقدت وردت بس
افگ روحي
مكدرت
سمعت هوسه زلم طبو وجروو مني
اانعل صفحه اهلكم ياكووايد ولكم عارات بس هدوني وشوفو شراح اسوي بيكم
حجيت وواحد غيره كفخني راجدي
وصاح بيه
أنت تقرأ
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
