ابكم سحرني
الجزء السابع
اوتار حزينه
،،،،،،،
ريم
جاوبته بعصبيه وعلى شنووو تكسر رجلي خليها الك احسنلك واشبع بوصخها
الوجه صار احمر دم وعض شفته ودفعني
على الكنتور وحصرني بأيده الاثنين
وووخر مممخبل
صحت وجان يخلي ايده على حلكي وكتم صوتي
دفعته من صدر بأيدي بس هو لزمهن بايده الاثنين
ودفعني بعد اقوه على الكنتور
من حلاه روحي عضيته من صدره بقوه
ودفرته برجلي وخر مني ورفع ايده يريد يضربني
وجان اصيح بي
مدددد ايدك وشوف شراح اسوي بيك
والله اذا انت مخبل اني اخبل منك واريد من الله تطخني بعد الا اخليك تندم طول عمرك
وكول ريمه كالت
حجيت هيج ومااشوف الا بوكس فلش باب الكنتور
وطلع صوت طرش اذني وراها جرني من ايدي
ودفعني بره ورگع الباب ذيج الرگعه
تصنمت بمكاني واني مو مستوعبه الصار لان كلشي صار بسرعه وحجيت بصوت كوه طلع
رجلي وينها هااااا هيانها ولج امشي ثوله شبيج
لزگتي بالكاع حركيها وانهزمي
من الهبطه كوه نزلت الدرج وگبل لغرفتي طبيت
ورحت كعدت على الجربايه لشتي جانت ترجف كلها
وگلبي يردم بسرعه وين يله ردت روحي
وكدرت اذكر شحجيت
خرب يومج ريم ووووج شلون اجاوبي هيج
لو جااي هذا البوكس بوجهج الا يفلش خشمج خاف ذيج المره سلم بهاي يروح ويطب جوه بخلقتج
لزمت خشمي بايد ترجف وبعدين حجيت بعصبيه
يستاااهل فوك مايشكرني يريد يكسر رجليه
الخبل شاايف روحه على شنو ماادري
اشو لا خلقه ولا اخلاق
الباب اندك وفزيت ماما طبت وخلتني احجي بسرعه
هاا هاي انتي عبااا
سكتت من ردت اكول اسمه
اسم الله ماما شبيج فزيتي من طبيت
صاير شي
ردت احجي الصار بس سكتت لان اعرفها راح تنقهر
وهي خطيه البيها كافيها
هزيت راسي وجاوبتها
لا ماكو شي خالو اجه حتى نخلي العشه
هي صفنت عليه للحظه وبعدين سالتني
اكيد ريمه ماكوو شي
هزيت راسي باي ورحت امشي ليمها وحجيت
يله خلي نروح نخلي العشه اكيد خالو هسه جوعان وكاعد ينتظرنا
هزت راسها وطلعنا سووو هي راحت للدرج وصاحت عمار واني رحت للمطبخ خالو جان كاعد ويقره بكتاب دحك عليه وحجه
هاا يابه اليوم ماكو شعجب متعلم اطب للمطبخ والكيج بي
هاا والله جنت ملتهيه بشغله كملتها واجيت
أنت تقرأ
ابكم سحرني
Romansaفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
