ابكم سحرني
الجزء الرابع عشر
بقلم اوتار حزينه
،،،،،،،،،،
شفت وجهها لو شفت العافيه ابتسمت
الها وهي رمشت بعيونها وسوت حركتها
رجعت ابتسمت الها ومديت ايدي الها بتعالي
ظلت واكفه بمكانها وتتهزم من نظراتي
رفعت راسها وخزرتها بس ابتسم
صفنت علي واشرت بايدي تعالي وتقدمت عليها
فزت
اشرت براسها لاااا
ومشت بسرعه من يمي وطلعت
عگدت حواجبي وعيوني ظلت عليها شلون مشت
من يمي ومادارت بال اليه
لميت ايدي بعصبيه وضجت كلش من تصرفها
امي اجتي ليمي وحجت بسرعه
شبيها ريم صار شي
جنت صافن شلون مشت وعافتني
سالت روحي شبيها وليش تصرفت هيج
عماار يمه شصارر
اعصابي فلتت وضربت القنفه برجلي الزين
واشرتلها براسي ماادري وبعدين اشرت على غرفتها
اساليها الها
ردت اطلع ولزمتني وحجت بتوسل
ولك اوكف وفهمني شبيكم
انداريت عليها واجه بعقلي ريم مجبوره عليه
اشرت بخبال عليها وعلى الكل
وبعدين ضربت على صدري
شنوو قصدك جبرنها عليك
هزيت راسي باي ومشيت لزمتني وفلتت منها
وطلعت بره ابويه صار بوجهي ومن شاف خلقتي
حجه
هاي شبيك شصاير
ماجاوبته وامي الطلعت ورايه صاحته
ابو ياسر تعال منا العالم
عفتهم ورحت للحديقه كعدت بس شنوو صاير نار
واحس بجسمي كله يرجف وافكار مجنونه تدور براسي
عماار شبيك
ريسان اجه عليه وسالني اشرتله بأيد ترجف جگاره
صفن عليه للحظه وبعدين طلع جگاره ورثها وانطاها اليه
عمر اجه وجايب نرگيله وصاح بضحك
هاا اشوفك رجعت بسرعه عبالك طردنك النسوان
ريسان اشر اله وسكت
كوم وياي،خلي نطلع نفتر شويه
جنت مخنوك وريسان بس كال هيج اشرت براسي باي وطلعنا اني ويا بسيارته
ريم
الي احبه واكف چدامي واشوفه مبتسم وفرحان بي بس اني جنت خايفه كلش
ومااعرف شجاني كل الصار بيه وي زاهر شفته
بين عيوني
امي وامه عافونا وحدنا وجان يريدني اروحله
ايده ظلت ممدوده ويريدني الزمها
تهزمت بعيوني منه وحاولت ابعد عن هاي الافكار
من راسي بس ظليت اردد بداخلي
أنت تقرأ
ابكم سحرني
Romanceفي لحظه خسرت كل شي صمت احاط بي كما احاطت بي نار اشتعلت في كل جزء من جسمي في لحظه الم وضعف ادركت اني خسرت نصفي الثاني خسرت اخي
