كواكب.

البارت العاشر

البارت العاشر....
عدي يومين بحالهم علي أبطالنا.
مالك مكانش بيسيب نادين لوحدها لحظه واحده بيروح الصبح الجامعه يحضر المحاضرات ويجيب الملازم و يتكتب في ملخصات ويطلع علي المستشفي يفضل أعد مع نادين يشرحلها كل حاجه بتفوتها لحد ما يطمن انها فهمت ويمشي بليل يروح عالڤيلا يشوف لو سهيله محتاجه اي طلبات يعملهالها كام يوم من وقت ما نادين عملت الحادثه غيروا خالص في شخصيه مالك اللي مكانش في اي حاجه في دماغه غير الهزار والضحك والسهر والخروج وعلي قد ما هو كان ملتزم اخلاقياً إلي حد كبير إلا انه مكانش مسؤول ولا يعتمد عليه مجرد شاب طايش عايز يجري ويخرج مش اكتر لكن حادثه نادين غيرته تماما ومن غير ما يحس بقي مسؤول ومش بيفكر في اي حاجه غير انه يهتم بيها هي ووالدتها وأختها...مالك كانت جواه شك كبير في ماجي لكن كان بيحاول يكدب في نفسه مش قادر يتخيل انها ممكن تكون بالقذاره دي فا سكت وحاول مايبينش إلا لو فعلا أتأكد.
.........
ماجي وچيمي من بعد ما عرفوا عن حادثه نادين وهنا قلقانين خصوصا ماجي غياب عناد وعدم فتح موبايله كان قالها جدا لكن مكانش في اي حاجه في ايدها تعملها غير انها تسمع كلام چيمي أدام محدش جه سألنا او أتهمنا بحاجه يبقي احنا في أمان..فا حاولت تطمن نفسها وتهدأ وتتعامل عادي.

........
أما عمر كان منتظر بفارغ الصبر اللقاء بين كوكو وكاميليا عشان يخلص من موضوع الجواز ده خالص مكانش يعرف ان في نصيب مكتوب مستنيه لكن لسه معاده مجاش
......
اما كوكو حالها مكانش يقل عن عمر كانت مستنيه تخلص اتفاقها معاه عشان يساعدها في الشغل اللي وعدها بيه يمكن كلام ذكري طول الوقت كان بيجي علي بالها ديما ويمكن كمان التفكير فيه مكانش بيفارقها ابدا لكن كانت بتحاول تشغل نفسها في الشغل علي قد ما تقدر عشان متفكرش كتير من جواها كان عندها أحساس غريب وصوت بتسمعه ديما في داخلها بيقولها كلام غريب كانت بتكدبه ديما و بتحاول تكون واقعيه أكتر وتقول لنفسها ان اللي جواها ده مجرد صوت تمني مش اكتر لكن ديما الصوت ده كان اقوي بكتير من تكذيبها..
............
أما برهومه كانت زيها زي أي ام بتتمني لولادها كل حاجه حلوه..لكن كانت خايفه جدا علي كوكو ويمكن دي كانت اول مره تخاف عليها اوي كده ديما كانت حاسه انها ميتخافش عليها وبنت بميت راجل و تفوت في الحديد زي ما بيقولوا لكن خوفها المرادي كان خوف علي قلبها من الكسر والوجع كانت حاسه انها هتدخل عالم كبير عليها ومفيش في العالم ده غير طريقين
اول طريق انها تبقي من العالم ده وتبقي اسعد واحده في الدنيا..و تاني طريق أنها ترجع من العالم ده لكن كانت واثقه انها مش هترجع منه زي ما دخلته...ندمت انها وافقت لكن صوت قلبها كان اقوي من الرفض و سابتها تدخل العالم ده وهي واثقه أنها هتسيب فيه علامه خاصه..
..................
كاميليا اضطرت انها توافق علي طلب عمر عشان ترضيه مش اكتر لكن هي كانت عامله حسابها انها هترفض من غير اي تفكير بالظبط زي ما عمر كان بيعمل كان بيوافق عشان يرضيها لكن كان بيبقي مقرر الرفض..هي كمان مكانتش تعرف ان في قدر مكتوب اقوي من رفضها.
..............
قبل اللقاء بيوم.
..............
خلص مالك الجامعه وطلع علي المستشفي زي كل يوم وقبل ما يروح راح جاب غدا عشان نادين مكانتش بتاكل كويس ومش راضيه تاكل أكل المستشفي بعد ما سأل الدكتور وقاله عادي تاكل من بره قرر يروح يجبلها اكل من ماكدونالدز ودي كانت اكلتها المفضله.
دخل مالك الغرفه بتاعتها
مالك...مساء الخير
وفاء...اهلا يا مالك تعالي يا حبيبي
مالك...اهلا يا طنط يا وفاء اخبارك ايه
وفاء الحمد لله يا حبيبي
مالك...اطمنتي علي سهيله
وفاء...اه كلمتها مرتين مبسوطه جدا بجد مش عارفه اقولك ايه علي أهتمامكم بيها
مالك...بابتسامه وهو بيحط الامل عالتربيزه تاني هنرجع للكلام ده بقولك ايه تعالي يلا نتغدا احسن انا واقع من الجوع كمان جبت الاكل اللي نادين بتحبه
عشان تبطل حجج بأكل المستشفي
وفاء...تسلم ايدك يا حبيبي والله مالاقيه كلام اقوله ليك
مالك ....ماتقوليش اي حاجه غير انك تبجي تاكلي وبس..وبص لنادين ايه مش هتاكلي برضو🤨🤨
ابتسمت نادين ووشها أحمر لا هاكل خلاص
مالك...طيب يلا
بداوا ياكلوا مع بعض نادين كانت بتاكل بشهيه مش بس عشان بتحب الاكل ده لكن اهتمام مالك بيها كان قادر يفتح نفسها عالدنيا بحالها
بعد وقت بسيط خلصوا اكل
مالك...ها جاهزه للشرح
نادين ..ايوه جاهزه يا دكتور😊
ابتسم مالك بسعاده
وفاء...هروح أجبلكم حاجه تشربوها عشان تركزوا
مالك...تمام انا قهوه
نادين...وانا نسكافيه يا مامي نفسي اوي اشربه
نالك...تمام يبقي واحد قهوه وواحد عصير🤨 متسمعيش كلامها لما تبقي تخرج من هنا بالسلامه تبقي تشرب براحتها.
وفاء....انت صح أسمعي كلام الدكتور بتاعك
ابتسمت نادين وسكتت
وبدأ مالك يشرحلها ويفهمها عدي حوالي ساعتين خلص مالك وبعدها أستأذن ومشي.
فضلت نادين سرحانه و مبتسمه لاحظت مامتها شرودها وعلامه السعاده المرسومه علي  ملامحها.
وفاء...ايه سرحانه في ايه
نادين...ابداً يا مامي معاكي
وفاء...معايا ايه بقي ده انتي روحتي مكان تاني خالص
نادين...بابتسامه خجل خالص يا مامي هروح فين يعني
وفاء...يغني لحد مالك مثلا
بصتلها نادين بصدمه وسكتت
وفاء...بتحبيه يا نادين؟
نادين...مامي انا.
قاطعتها وفاء...طول عمري انا وانتي وسهيله علاقتنا ببعض مش مجرد علاقه ام بولادها وطول عمرنا متعودين علي الصراحه عشان احنا صحاب..مالك شاب كويس اوي وانا ملاحظه اهتمامه بيكي وواخده بالي قد ايه هو محترم و بيساعدك من قلبه بجد اوعي تفتكري يا نادين اني وديت بنتي تبات وسط ناس معرفهمش كده بسهوله..بس انا عمري احساسي ما كدب عليا أبدا هما ناس محترمين جدا يمكن لو كان عندي بديل مكنتش وديت سهيله حتي لو انا مطمنه من ناحيتهم بس مكانش قدامي للاسف لكن مطمنه ان بنتي في امان.عارفه يا نادين انا اول مره في حياتي أكدب علي بباكي و ما عرفهوش اللي بيحصل معانا لو كان قلبي مش مطمن كنت قولتله وخليته نزل يقف جمبنا في الوضع اللي احنا فيه ده لكن انا مطمنه ومحبتش اقلقه...مالك كويس جدا وجدع و وقفته معاكي ومع اختك ومعايا تبين قد ايه انه رغم صغر سنه إلا انه راجل يعتمد عليه طب اقولك حاجه يمكن بباكي هو اللي لينا في الدنيا هو الراجل الوحيد اللي بيحسسني بالأمان لان يعتبر احنا ملناش حد لما حصلك اللي حصل كنت حاسه ان كأني في دوامه وتايهه مش عارفه اتصرف وبرغم صغر سن مالك إلا انه قدر يخرجني من الدوامه دي وحسيت ان لينا ضهر وان في راجل معانا انا للحظه حسيت ان ربنا رزقني بولد واقف معايا وفي ضهري
بصتلها نادين بتأثر بجد يا مامي
وفاء...بجد انا مش بكذب عليكي عشان اطمنك واخليكي تقولي اللي في قلبك بالعكس انا بقول اللي جوايا بكل صراحه ولو عاللي في قلبك يانادين فا هو ظاهر جدا علي ملامحك وواصلي اوي
نادين....انا هحكيلك يا مامي كملت بأحراج انا فعلا بحب مالك يمكن من اول سنه ليا في الجامعه بس هو عمره ما حس بيا مش عشان بيحب غيري هو عمره ماحب او أهتم بالارتباط طول الوقت كان اهم حاجه عنده الخروج والشله كتير اوي كنت بتحايل عليهم كلهم يحضروا مكانش في حد بيسمع كلامي إلا روان وخالد ومش ديما بس كنت حاسه ان مالك مختلف وبجد محترم بس هما اللي مقصرين عليه فضلت وراه لحد ما استجاب وقدر يفهم الدنيا اكتر من حواليه
يمكن يا مامي هو لحد الوقت مش حاسس بحبي ولا حتي يعرف اني بحبه بس انا مش قادره محبوش يا مامي مالك إنسان بجد يتحب يمكن هو كمان ميعرفش قيمه نفسه ولا يعرف انه من جواه إنسان بجد يتساهل انه ينجح ويكبر ويبقي احسن حد في الدنيا لكن كمان حاسه انه بدأ يفوق يا مامي ديماً كنت بحس اني مسؤوله عنه كنت بتعامل معاه علي انه طفل محتاج يتوجه صح اشده من ايده عشان يحضر المحاضرات اخليه يقعد قدامي في الكاڤيتريا وأشرحله افضل اذاكرله واسمعله  كنت بتعامل معاه مش علي انه الشخص اللي حبيته لا خالص.. كنت بتعامل من جوايا بدافع قلب ام عايزه تشوف ابنها ناجح ومهتم بدراسته
لما عملت الحادثه وقاللي انه هيحضر ويشرحلي مكنتش مصدقه انه هيقدر يعمل كده ولو عمل كده مره مش هيقدر يقررها لكن خيب ظني يا مامي ولأول مره أحس ان مالك فعلا بقي مسؤول وقادر يتحمل المسؤوليه اول مره احس ان انا اللي محتجاه مش هو اللي محتاجني فهماني يا مامي.
وفاء بتأثر فهماكي يا قلب مامي وقربت منها حضنتها اوي.
وفاء....صدقيني هيحس بيكي يا نادين انا حاسه انه مهتم بيكي فعلا ويمكن يكون بدأ فعلا يفوق علي ايدك عمري ما شكيت لحظه في تربيتي ليكي انتي واختك عمر ربنا ماخذلني فيكم ابدا.
ربنا يخليكم ليا وافضل طول عمري افتخر بيكم
نادين...بحب ويخليكي لينا يا احسن ام فالدنيا...
..........................
عدي اليوم بسرعه و تاني يوم جه يوم اللقاء المنتظر
كوكو كانت في اوضتها هي وذكري بيجهزوا و بيختاروا مع بعض اللبس اللي هيروحوا بيه المقابله.
كوكو....انا خلاص اخترت الطقم ده
كان عباره عن بنطلون چينس وتيشرت نص كم لونه ابيض وكوتشي ابيض طقم إلي حد كبير بسيط وعادي لكن حلو ذكري اختارت فستان كت وتحته تيشرت نص كم
فستان مش شيك ولا ماركه لكن كمان مكانش وحش.
ذكري ...خلاص تعالي نشيل بقي اللبس ده كله بدل ما برهومه تدخل تعلقنا عالكركبه دي كلها.
كوكو...بقولك ايه شيلي انتي علي بال ما اشوفها احسن تزعل اننا مش هنضف انهارده
ذكري....طيب ماشي
خرجت كوكو لقت ستها نايمه عالكنبه والشيش مقفول مدخل شعاع بسيط للشمس وبره مه فاتحه التلفزيون حاطه ايدها علي خدها وسرحانه مش مركزه في القناه اللي شغاله..
كوكو..ايه يابرهومه اعده كده ليه
برهومه...اعد ازاي يعني يا بنت بطني
كوكو...سرحانه في ايه يا برهومه اكيد زعلانه عشان مش هننضف الشقه انهارده بس ليكي عليا اول ما هرجع هنضفهالك كلها حتي لو هسهر عليها وبعدين اطلع عالشغل بس والنبي ما تزعلي
برهومه...شقه ايه يابت اللي زعلانه عشانها ماهي زي الفل اهي انتي وذكري ايدكم فيها علي طول الله يباركلكم
كوكو...امال مالك يا برهومه حاسه ان في حاجه مضيقاكي
برهومه....خايفه عليكي يا كوكو
كوكو...عليا انا من ايه يا برهومه هو بنتك يتخاف عليها برضوا
برهومه....اوعي يا بت فتحت الصدر اللي انتي علي طول فتحلها دي تخليكي تفكري انك جامده وقويه ومفيش حاجه ممكن تأثر فيكي انتي شكل يا كوكو بتتحامي في الشخصيه اللي انتي بتتعاملي بيها مع الكل لكن اللي جوه قلبك انا بس اللي اعرفه يابنت قلبي
كوكو...بتوتر في ايه بس يا برهومه هتقلبيها دراما ليه ما انا حلوه اهو شيفاني بقطع في شعري ودمعتي علي خدي
برهومه...لا شيفاكي داخله علي عالم مش بتاعك خايفه ترجعي منه مكسوره خايفه الثقه اللي انتي علي كول محافظه عليها في نفسك تتهز لو سمعتي كلمه تقليل من اي حد انتي هتقابلي ناس يا بنتي مش شبهنا لا في طباعهم ولا تعليمهم اكلنا مش شبه أكلنا شربنا مش زي شربهم لبسنا مش زي لبسهم منطقتهم مش زي منطقتنا حتي بيتنا مش شبه بيتهم
تفتكري يا كوكو واحده بطباع والده عمر دي مش ممكن تسمع كلمه توجعك تفتكري واحده زيها مش ممكن تحسسك قد ايه انك اقل منها.
كوكو...وافقتي ليه يا برهومه ما انا جبتلك عمر باشا بجلاله قدره لحد عندك دخل شارعنا الضيق وطلع بيتنا اعد علي نفس الكنبه دي شرب من شرب قهوه من مطبخنا اللي ميجيش متر في بيتهم  ماقولتيش مش موافقه وانتي عارفه اني مكنتش هعارضك يا برهومه
برهومه...بدموع معرفش حاجه من جوايا قالتلي وافقي شوفت بعيني حياتك اللي جايه ممكن تبقي ازاي مقدرتش اقول للنصيب اللي انا شيفاهولك بعيني لا مقدرتش أرفص برجلي الخير اللي مستنيكي.
كوكو...خير ايه يا برهومه انتي هتعملي زي المخبله اللي جوه دي
برهومه....انا ام واحساسي ميخيبش
كوكو...ولما انتي حساسه كده ياست برهومه خايفه ليه الوقت وبتعيطي ليه
برهومه...مش عايزه حد يجرحك يا بنتي هي كمان ام وكل واحده فينا بتتمني لولادها الاحسن واكيد هي من وجهه نظرها هتشوف ان الاحسن لابنها مش معاكي انتي
وممكن تقولك حاجه توجعك
كوكو...بابتسامه حزينه كل الكلام ده انا عرفاه يا برهومه ودار في دماغي اكتر من مره متخافيش عليا لسه متخلقش اللي يهز ثقتي في نفسي ولا اتخلق اللي يقلل مني الاصل مش فلوس ولبس وجاه ومال وعيله كبيره يا برهومه وإلا دكتور عمر كان وافق علي طول عاللي عرضتهم عليه بس نقول ايه بابرهومه في ناس كده عينهم عليها غشاوه بتربط الاصل الطيب بالفلوس والتعليم والمكان.
اوعي تفكري يا برهومه ان طلب عمر ده عدي كده من غير ما يوجعني ويحسسني اني قليله بس مزعلتش منه لاني حسيت انه فعلا ما يقصدش كل همه يخلص من تحكمات والدته وطريقه تفكيرها كان ممكن ارفض وافرج عليه الدنيا ما انتي عرفاني مبقدرش اسكت لاي حد يحكلي علي مناخيري بس معملتش كده عشان عارفه نيته سليمه لكن كمان خدت عهد علي نفسي يا برهومه اني مش هخرج من العالم ده غير وانا مغيره طريقه تفكيره...هخرج كسبانه يابرهومه مش خسرانه هخرج راسي مرفوعه واخليكي تفتخري بيا وبتربيتك ليا راسي مش هتنحني ابدا يا برهومه هديهم درس عمرهم ما خدوه قبل كده درس مش بيتدرس في مدارس يا برهومه...ولو عالكلام اللي ممكن اسمعه صدقيني مستعده ليه ومش مضايقه ولا هضايق بس اوعدك يا برهومه كل كلمه هسمعها هرد قصادها بدرس يعلم فيهم...خلصت كوكو كلامها وباست ايد برهومه وقامت باست راسها ودخلت علي اوضتها
ابتسمت برهومه ومسحت دموعها وهي قلبها بيدعي لكوكو.
..................
عدت الساعات بسرعه وصل عمر تحت البيت خد كوكو وذكري وراح بيهم علي الڤيلا...
عمر...بابتسامه ايه الشياكه دي كلها يا كوكو انتي وذكري.
كوكو...دي اقل حاجه عندنا🙄 م
عمر...بضحك طبعا طبعا بس علي فكره انا والله بتكلم جد يعني كل مره كنت بشوفك بلبس الشغل بقي لكن المرادي بشوفك وانتي خارجه.
كوكو...متقلقش يا باشا هنشرفك وبعدين لبس الشغل حاجه ولبس الخروج حاجه تانيه احنا برضوا بنعرف نلبس زيكم
عمر....يا باشا انتي بتلبسي احسن مننا كمان
ابتسمت كوكو وبصت من الشباك.
عمر...مقولتليش يا كوكو ابه الشنطه اللي في ايدك دي.
كوكو...دي علبه شكولاته يعني مايصحش ندخل علي كامليا هانم بأيدنا فاضيه احنا نعرف الاصول كويس
عمر...بضحك طب تعبتي نفسك ليه بس
كوكو...ولا تعب ولا حاجه بالف هنا عاللي هياكلها.
ابتسم عمر من غير ما يعلق طريقتها وكلامها بيبهروه يمكن عشان حاسس انها غريبه عن طباعه لكن مكانش قادر ينكر ان فيها حاجه غريبه ومش موجوده.
وصل عمر اخيرا ركن عربيته.
بصت كوكو عالمكان بانبهار لكن محاولتش تبين ده عكس ذكري اللي كانت مصدومه ومش مصدقه ان في حد ممكن يعيش في اماكن زي دي
كوكو بصوت واطي....اقفلي بوئك ده اللي اتفتح علي وسعه😒
كوكو...انتي يابت مش شايفه اللي انا شيفاه
كوكو...لا يا اختي شايفه بس عادي بيت زي اي بيت المهم الراحه يا اختي
عمر...في حاجه يا كوكو.
كوكو...لا ابدا
عمر...طب يلا بينا
كوكو...يلا...وقربت من ذكري اتعاملي عادي يا حزينه حسسيهم ان اللي انتي شيفاه ده عادي واقل من عادي كمان مفهوم.
ذكري..طيب طيب مفهوم.
دخلوا مع بعض كان الكل موجود في استقبالهم حتي سليم ونادر.
دخل عمر معاه كوكو وذكري وانبهار هم بالمكان من جوه كان لايقل عن انبهار هم بجمال الفيلا من بره كانوا سامعين صوت عالي وتشجيع من مالك وسليم ونادر  كانوا بيلعبوا بلاي ستيشن مع بعض
مالك....يالهوي علي ده جون تعالي يافيروز شوفي حضره الظابط وانا برقصه.
فيروز...عاجبك كده كسفتني
نادر...كسفتك ايه والله انا جايب فيه تلاته وهو اتنين هو بس فرحان بالجون.
عمر...السلام عليكم جميعا.
الجميع...عليكم السلام
في نفس الوقت ده كانت كاميليا هانم نازله من علي السلم
شهاب...اهلا بالبنات الحلوين نورتوا البيت
كوكو...البيت منور باهله ياباشا.
عمر...اعرفكم بكوكو ودي ذكري بنت خالتها.
طبعا انتوا عارفين نادر وسليم شوفتوهم قبل كده.
كوكو ..اهلا يانادر باشا 
نادر...بابتسامه اهلا يا كوكو منوره
كوكو...نورك يا باشا
أزيك يا دكتور سليم
سليم...ازيك يا كوكو
عمر....ده بقي الباشا الكبير شهاب باشا والدي
كوكو...منور يا باشا
شهاب...ده انتوا اللي منورين.
عمر...دي بقي تبقي فيروز اختي دكتوره تجميل وتبقي خطيبه نادر .
كوكو...بابتسامه اهلا يا انسه
فيروز...بابتسامه جميله اهلا بيكي انتي يا كوكو قوليلي فيروز عادي اهلا يا ذكري
ذكري...اهلا بيكي يا حبيبتي
عمر...وده مالك اخويا الصغير اخر سنه في الجامعه الامريكيه.
مالك...ايه العسل ده منورين انا مالك
كوكو...بأبتسامه ازيك يا مالك انا كوكو
مالك...انا بخير اوي كنت نفسي اشوفك من كلام عمر عليكي
بصله عمر وهو بيبرقله😡
كوكو...بضحك وياتري الكلام كان حلو ولا مش اوي
مالك...بضحك لا والله كان حلو.
عمر...سيبك منه ده مجنون دي بقي ست الكل كامليا هانم امي
كوكو....اهلا يا ابله كامليا
كامليا...😳😳 ابله اسمي كامليا هانم او ممكن تقولي طنط
كوكو....طنط حلوه بلاش ابله لو ضايقتك
الكل كان واقف كاتم ضحكته بالعافيه
مالك بص لكوكو من بعيد وشاورلها بايده👍😂
غمزتله كوكو بابتسامه😉😂 اتفضلي يا طنط
كامليا...ايه ده.
كوكو...دي علبه شكولاته تستاهل بوئك
كامليا كانت حاسه ان هيغم عليها🙈
خدها عمر من ايدها حطها عالتربيزه.
شهاب...تسلم ايدك يا كوكو.
كوكو...تسلم يا باشا
عمر...طب ايه مش هنتغدا ولا ايه.🙈
كاميليا...الاكل جاهز أتفضلوا..😏
راحوا اعدوا كلهم مع بعض عالتربيزه و بدأوا ياكلوا.
بصت كوكو عليهم كلهم ماسكين الشوكه والسكينه و بياكلوا الرز بالشوكه فقررت انها تبدأ اول درس وتاكل بطبيعتهامسكت المعلقه تاكل بيها الرز
كاميليا...درستي ايه يا كواكب ولا تحبي اقولك يا كوكو.
بص عمر بصدمه هو ونادر وحسوا ان كوكو هتقوم تفتح دماغها😳
كوكو...وهي بتاكل ومش سأله فيها عادي يا طنط قولي اللي تحبيه
كاميليا...اصل عمر قالي انك مبتحبيش اسمك و فتحتي قبل كده دماغ ولد غلبان عشان قالك كواكب.
ضحكت كوكو وهي بتهز راسها حموءه غلبان طيب..عموما يمكن مكنتش بحب اسمي بس من بعد ما عرفت عمر بصراحه حبيته اصل هو قاللي ان اسمي حلو ومميز فا بصراحه اقتنعت فا حوار الاسم ده مبقاش يفرق معايا وبقيت مسالمه خالص ومبضربش حد يناديني بيه.
كلهم خبوا وشهم وهما بيحاولوا يضحكوا خصوصا شهاب اللي كان مستمتع جدا.
كوكو...اما بقي بالنسبه للدراسه فا انا خريجه حقوق.
كاميليا...حلو بتشتغلي محاميه يعني.
كوكو...لا بشتغل بياعه في محل اتنين ونص.
كاميليا...يعني ايه اتنين ونص.
كوكو...يعني اي حاجه بتتباع فيه باتنين ونص
برقت كامليا 😳😳
طيب ساكنه فين
كوكو...ميت عقبه ارض الرجاله
كاميليا....نعم🙄
عمر...بضحك ايه يا ذكري مش بتاكلي ليه.
ذكري...وهي بوئها مليان مانا باكل اهو يا باشا.
كامليا...بصت علي المعلقه اللي بتاكل بيها الرز كانت خلاص علي اخرها..علي فكره في شوكه قدامك يا كواكب اصل الرز بيتاكل بالمعلقه..وهنا حضر اول درس🙈
كوكو...بصتلها رز بشوكه طول عمري باكله بالمعلقه النبي عربي يا طنط النبي كان بياكل بايده وبعدين مش هتفرق شوكه ولا معلقه المهم اننا ناكل ولا ايه.
بصتلها كوكو بغيظ.
😡😡😡
شهاب...بالف هنا ياكوكو.
كوكو....وعليك يا باشا
كاميليا...بصوت واطي لفيروز انا هيغم عليا
فيروز بضحك ليه بس يا مامي امسكي نفسك عشان عمر.
بعد وقت بسيط خلصوا اكل وراحوا اعدوا مع بعض.
ذكري...سفره دايمه يا طنط.
كاميليا...يعني ايه
شهاب...يعني بتشكرك علي الاكل يا كاميليا.
كاميليا...اه ميرسي.
مامتك بقي يا كواكب بتشتغل ولا لا يعني اقصد بتصرفوا منين.
كوكو...برهومه بتشتغل طبعا
كاميليا....مين😳
كوكو...برهومه دي امي بتشتغل علي تاكسي ابويا الله يرحمه سابه قبل ما يموت.
مالك...بضحك لعمر مامي فاضل ثانيه وتقوم تجيب رقبتها😂😂😂😂
عمر...اسكت بقي شويه😂🙄
كاميليا...سواقه
كوكو...اه سواقه في مشكله
كاميليا...لا ابدا بس اول مره اشوف ست بتسوق تاكسي.
كوكو...يمكن عشان عندك عربيه بسواق يا هانم مجربتيش تنزلي الشارع وسط الناس وتركبي مواصلات ويمكن عشان متعرفيش ان في ستات بميت راجل عندهم استعداد انهم ياكلوا الظلط ويشيلوا الطين عشان ياكلوها بالحلال.
حبت كاميليا تضايقها عشان تخلص بقي من اللقاء اللي مش راضي يخلص ده
علي كده بقي ممكن تشتغل معايا يا كواكب اصل بصراحه السواق اللي عندي ده مغلبني
حس عمر انها وجعتها وافتكر كلمه برهومه متخليش بنتي تتوجع.
عمر...كاميليا هانم من فضلك.
كاميليا..في ايه ياعمر
انا مقصدش حاجه مش هي بتقول اهم حاجه يكون شغل حلال.
كوكو...بأبتسامه عكس اللي جواها سبها يا عمر هي مغلطتش علي فكره... بس احب اقول لحضرتك ان برهومه شغاله علي ملكها شغاله في حاجه تخصها مبتشتغلش عند اي حد
كاميليا...حتي لو هتاخد ضعف اللي بتاخده.
كوكو ..بابتسامه فخر حتي لو هتاخد اكتر من الضعف عشر مرات اصلك متعرفيش برهومه...برهومه بتركب اللي علي مزاجها لو حد جه يركب معاها معجبهاش مبتركبهوش يعني اسفه لو انتي نفسك معجبتيهاش وفرشتلها الارض فلوس هتعديها وهتسيبك وتمشي .
بصت كاميليا بغضب
وابتسم شهاب ابتسامه فخر والكل كان مبهور من ردود كوكو.
كاميليا...احممم طيب بعد اذنكم هقول للشغالين يعملوا حاجه تشربوها وهطلع اوضتي ونازله علي طول.
كوكو...اتفضلي يا طنط.
مشيت كاميليا والكل بصلها.
شهاب...حقك عليا يابنتي كاميليا طيبه والله هي بس اللي ليها طبع كده مش اوي.
كوكو...بابتسامه في وش الراجل اللي أرتاحتله من اول ما وصلت...ولا يهمك يا باشا يا ما دقت عالراس طبول وانا عارفه انها طيبه وجدا كمان اصل انا بشوف الناس من جوه مش من بره هي بس عليها شويه تراب كده عايزين يتنفضوا مش اكتر.
فيروز...علي فكره بقي انا حبيتك خالص.
كوكو...تسلمي يارب من القلب للقلب.
مالك...والله وانا كمان
عمر..اسكت انت
كوكو...بضحك انت ميت من الضحك ليه بقي
مالك...بصراحه طريقتك عسل اوي واول مره حد يقدر يقف قصاد كاميليا هانم
كوكو...لو عالوقفه متقلقش انا مش هتحرك واضحك للصبح بقي😂
سليم....ازيك يا ذكري
ذكري..الحمد لله يا دكتور.
سليم...علي فكره انا ليا عندك حق الساندوتش اللي خدتيه مني
ذكري...بصحك وانا اقول بطني وجعتني ليه ساعتها اتاري عينك فيه.
ضحكوا كلهم .ونزلت فالوقت ده كاميليا من تاني وفجأه🙄🙄🙄🏃🏃🏃🏃🏃
#أميره_أسامه
#كواكب
#وفجأه
#صاحبه_البطل_الواحد