كواكب.

البارت الواحد والثلاثون

البارت الحادي والثلاثون....
وصل چيمي لمعاذ واول ما وصل شاف كوكو وهو داخل.
كوكو...بأبتسامه ايه ده مالك ايه المفجأه الحلوه دي.
مالك...بأبتسامه حزينه كوكو حبيبتي عامله ايه
كوكو...الحمد لله ..مالك فيك ايه.
مالك...مفيش انا تمام
كوكو...لا فيه هو انا تايهه عنك
مالك...بضحكه بسيطه اتنيلي هتعملي فيها عرفاني من زمان.
كوكو...مش محتاجه أعرفك من زمان عشان اعرف انك مضايق ومش بس مضايق انت شكلك معيط كمان.
بص مالك بعيد بحزن انا روحت زورت چيمي قبل ما يترحل.
كوكو...بصدمه😳ليه تعالي معايا
خدته كوكو وبعدت شويه عن مكان التربيزات.
كوكو....روحت ليه يا مالك هو اللي طلبك.
مالك....لا انا اللي كنت عايز أروحله كان جوايا ميت سؤال لازم أسهألهم ليه.
كوكو...وسألته؟
مالك....قولت كل اللي جوايا عشان أرتاح
كوكو....وهو قالك ايه؟
مالك....متكلمش مسمعتش صوته
كوكو...يعني روحت تعبت نفسك عالفاضي.
مالك...بالعكس مين قال كده انا ارتحت جدا.
كوكو...من غير ما تعرف الاجابه علي أسألتك اكيد مش هترتاح
مالك....صدقيني يا كوكو انا رايح وانا واثق ان چيمي مش هيرد ومع ذلك رحت عشان أسأله
او تقدري تقولي كنت محتاج أقوله علي اللي جوايا هو بالذات.
كنت محتاجه يسمعني
دموعه اللي كانت بتنزل من غير صوت جاوبتني علي كل الأسئله اللي كانت تعباني.
صدقيني يا كوكو اوقات السكوت
بيكون رده ابلغ من الكلام
الصمت في اوقات كتير بيجاوبك علي كل الأسئله اللي شغلاكي
وچيمي مكانش عنده رد لأي سؤال لانه مكانش عنده اي مبرر للي عمله ولا كان عنده كلام يدافع بيه عن نفسه وإلا كان ناقشني عارضني دافع عن نفسه لكن هو كان عارف ان كل كلامي صح.
چيمي كان مكسوف يرفع عينه فيا
كان مكسوف يسمعني صوته
حتي صوت عياطه كان كاتمه
سكوته ريحني لان هو عارف ان مفيش اي كلمه ممكن يقولها تشفعله اللي عمله.
بس علي الاقل انا ارتحت اني فضفضت معاه حتي لو كانت الفضفضه دي او الوجع اللي كنت حاسس بيه هو السبب فيه.
والاهم اني فضفضت معاه لأخر مره💔
كوكو....بحزن طيب انت ليه حزين اوي كده ادام عملت اللي يريحك
مالك....شكله وهو مكسور قدامي كسرني اكتر يا كوكو رغم كل اللي عمله فيا مش قادر اكرهه ولا قادر افرح فيه انه خد جزاءه صعبان عليا بجد .
كوكو.....هو انت ممكن تسامحه عاللي عمله معاك يا مالك؟
مالك ...اسامحه اه لكن يرجع في حياتي من تاني مستحيل.
اللي يخون مره يخون الف مره
حتي لو اتعلم الدرس وخرج وبقي احسن من الاول و أتمنالي الرضا
عشان ارضا هيفضل في جوايا شرخ من ناحيته مش هقدر اديله الأمان يا كوكو ولا هقدر اثق فيه
ديما هحس اني قلقان من ناحيته
ومخونه اللي تكسر عمر ما بيتصلح يا كوكو اللي اتكسر بيجرح و بيعور و بيسيب اثر.
فهماني يا كوكو.
كوكو...بابتسامه طبطبت علي كتفه فهماك يا مالك بس هقولك كلمه..
الايام علمتني طول ماهي بتمر
بتخليك تنسي يمكن مش بتداوي الجرح لكن كمان وجعك بيقل بعد فتره لحد ما بيجي عليك يوم تنسي انك اتوجعت او تفتكر الوجع ده وتضحك وتقول انك كنت عبيط لما أتوجعت
لكن في حالتك يا مالك وعلاقتك مع چيمي اللي انا واثقه رغم كل اللي عمله معاك انه بيحبك بجد
الايام هتداوي جرحك ومش بعيد تسامحه وترجع معاه من تاني
مالك...مظنش يا كوكو.
كوكو.....يمكن عشان الوجع لسه صاحي يا مالك بس صدقني انت بتثق فيا صح
مالك...اكيد
كوكو...چيمي بيحبك بس هو في الاول والاخر بني ادم والبني ادم خطاء في ناس بتغلط وبتفضل تتمادي في الغلط وحباه الناس دي عمرها ماحبت ولا كان عندها إخلاص لكن چيمي من الناس اللي
اللي غلطوا وغلط كبير مش سهل لكن هيتعلم منه انا واثقه هو الشيطان ضحك عليه وغواه والشيطان ده اتمثل في ماجي اللي هي في الاخر من الانس.
وربما يكفيك شر شياطين الانس يا مالك لان دول بيكونوا ألعن من شياطين الجن.
مالك....سيبك انتي ربنا يهديه واتمني سواء هو معايا او مش معايا يكون اتعلم الدرس كويس
كوكو....هيتعلم وان شاء الله الفتره دي تعدي وتنساها يا مالك وترجع احسن من الاول.
مالك...يارب يا كوكو المهم انتي معانا يوم الجمعه ومش هقبل منك أعتذار زي ما عملتي امبارح
ارجوكي يا كوكو زي ما انتي قاعده تنصحيني كده فكري تنصحي نفسك عمر بيحبك وانتي عارفه كده كويس بلاش تتعبيه وتتعبي نفسك معاه وافقي بقي يا كوكو علي السهره بتاعت يوم الجمعه وحاولي تدي عمر فرصه
كوكو....بالنسبه ليوم الجمعه ان شاء الله هكون معاكم
مالك...بفرحه ايوه كده هو ده طيب وبالنسبه لعمر.
كوكو....انا مش هدي عمر فرصه لانه بأختصار معملش معايا اي حاجه وحشه تستاهل اني اديله فرصه عليها عمر مفيش زي قلبه لكن لو في حد محتاج الفرصه دي بجد يا مالك فا هو انا..
انا اللي محتاجه اخد هدنه وافكر بهدوء محتاجه الم اللي اتهز فيا
مالك....كوكو عارف انك تقصدي مامي واللي كانت بتعمله معاكي بس صدقيني انا مش هدافع عنها عشان هي امي ولا هدافع عنها لاني عارف انها ضايقتك كتير
لكن صدقيني مامي بتحبك وهي عرفت انها كانت غلط
كوكو...عارفه يا مالك عشان كده بقولك ان الهدنه دي مش هديها لعمر ولا حتي لمامتك انا بجد اللي محتجاها اقولك سيب كل حاجه تمشي بهدوء وانا واثقه ان ربنا هيعمل اللي فيه الخير ليا ولعمر
مالك...بحب وانا واثق ان قريب اوي هتبقي مرات اخويا مش اختي وبس
كوكو...بابتسامه طب يلا امشي بقي خليني اشوف شغلي
مالك...يالهوي يا ناس انتي بتتكسفي😂
كوكو...ولا اظبط كده بدل ما اروقك😡
مالك...بضحك اهو ابو دومه ده سبب رئيسي في اللي انتي فيه عارفه لو تتخلي عنه شويه او حتي تديله أجازه هتعرفي تاخدي قرار 😂😂😂
كوكو...بضحك ابو دومه ده ملازمني طول حياتي مقدرش استغني عنه😂😂
مالك....طيب يا اختي اللي جابلك يخليلك انا داخل اشوف معاذ واقعد معاه شويه.
كوكو....تمام وانا هشوف شغلي اللي عطلتني عنه😡🙄
مالك...بضحك انا برضوا مش انتي اللي بترغي
كوكو...طب يلا روح 😂 اشوفك يوم الجمعه
مالك...ان شاء الله يلا باي
كوكو....باي.
..............
سابها مالك ودخل لمعاذ سلم عليه وبدأ مالك يشرحله كل حاجه عمر عايزها عشان يبدأوا يجهزوها قبل السهره اللي هتجمعهم ببعض.
..............
بعد ما خلصت كوكو شغلها روحت
علي البيت أتعشت معاهم
لكن طول ما هي كانت قاعده معاهم حاسه ان فيهم حاجه غريبه نظراتهم همساتهم حاولت تعرف في ايه او بيتفقوا علي ايه
لكن محدش فيهم قال اي حاجه وأقنعوها كمان انهم طبيعين وهي أقتنعت وبعد وقت بسيط دخلت عشان تنام وترتاح لحفله العيد ميلاد اللي هتكون في المطعم
وقررت انها لو قدرت تخرج بدري تروح تشتري طقم جديد تحضر بيه الخروجه بتاعت يوم الجمعه
ولو ملحقتش قررت تنزل بدري يوم الجمعه تشتري.
كان في حاجه جواها مخلياها تفكر في نفسها لأول مره .
ولأول مره تبقي فرحانه انها هتشوف عمر وكانت محتاجه تشوفه وهي كل حاجه فيها جديده من بره ومن جوه كمان.
................
في صباح يوم جديد
صحيت كوكو من النوم علي طريقه برهومه اللي بقالها زمان
مصحتهاش بيها.
وكالعاده دخلت برهومه تصوت وتقولهم حرامي 😂😂🙈
وكالعاده قامت كوكو وذكري بفزع وهما واقعين عالارض.
برهومه...بضحك عليكم واحد😂
كوكو....😡😡 وربنا يا برهومه انتي عيله مش هتكبري بقي علي الطريقه دي.
برهومه....بضحك بقالي كتير مصحتكوش بطريقتي وحشتني قولت ابدا لازم ارجع لأمجادي من تاني.
كوكو...وهي بتقوم من عالارض
مش هتوردي علي جنه يا برهومه بسبب اللي بتعمليه فينا ده
برهومه....بضحك شوف يا اختي البت بتدعي عليا يا حزينه
ذكري...وقعتي قلبي حرام عليكي
كوكو...معلش يا بنتي خالتك حالفه تقطعلنا الخلف
برهومه...يلا انتي وهي عالحمام
عشان تلحقوا تروحوا شغلكم
ذكري....انا مش راحه انهارده يا برهومه سبيني انام شويه والنبي
كوكو...مش راحه ليه يابت انتي تعبانه ولا ايه
ذكري....اه حاسه اني داخله علي دور برد مكسر جسمي و بقالي كتير مخدتش اجازه قولت اخد انهارده وابقي ارتحت خميس وجمعه
كوكو....طيب تمام خلاص نامي شويه
برهومه...قومي انتي وهي نامت عليكم حيطه يلا بلاش كسل
كوكو....معلش يا بنتي ربنا عالظالم
ذكري....يلا هتروح من ربنا فين😒
برهومه....انتي يابت هتغني والتانيه ترد عليكي قومي بدل ما أشغل ابو ورده.
كوكو....لا والنبي مش وقت ابو ورده انا انهارده عندي شغل قد كده في المطعم مش ناقصه فرهده وقلت قيمه.
برهومه...طب يلا قدامي.
قاموا الاتنين وبدأت كوكو تجهز
وخرجت فطرت معاهم وبعد شويه سلمت عليهم ونزلت راحت لشغلها..
..................
وصلت كوكو الشغل وعلي غير العاده لقت كل زمايلها واصلين قبلها.
كوكو....صباح الفل
الجميع...صباح النور يا كوكو
كوكو...خير جايين بدري يعني من يوم ما أشتغلت معاكم وانا تقريبا اول واحده بوصل
عبد الرحمن...انهارده في شغل كتير في المكان لازم نلحق نظبطه قبل الساعه 6
كوكو...هو مش العيد ميلاد هيبدأ 8
عبد الرحمن...ايوه بس لازم نسلم المكان لمستر معاذ وهو جاهز قبلها بساعتين وارد اي حد يجي بدري.
كوكو...طيب انا هدخل أغير واجيلكم.
دخلت كوكو غيرت ولبست اليونيفورم وبدأت تجهز المكان هي وزمايلها.
عدي كام ساعه المكان كله جهز
وبقي شكله يجنن
وقفت كوكو وزمايلها يبصوا علي المكان برضا.
كان كل المكان مليان شموع السقف كله مليان بلالين باللون الاحمر
علي كل تربيزه فازه مليانه ورد احمر. ومفرش ابيض من الستان
الاضاءه كمان أتظبطت وأتحول المطعم شبه قاعه الأفراح.
متغطي كله بالورد و البلالين.
كوكو....الله بجد المطعم شكله كده بقي تحفه.
صفاء...فعلا تسلم ايدينا
كوكو....بيتهيألي العيد ميلاد ده مش لحد سنه صغير.
عبد الرحمن....لا مستر معاذ قال انه شاب جه حجز المكان كله لزميلته او حبيبته بقي مش عارف و عازم كل أصحابهم يعني كلهم شباب في بعض
صفاء....كمان الشاب طلب ان الأستاف كله بتاعنا يلبس يونيفورم ابيض
كوكو...احنا ازاي يعني طب واحنا مالنا هو احنا معزومين😒
صفاء...بضحك يا بنتي مش احنا اللي هنكون وافقين نشوف الطلبات ونقدم والكلام ده
هو طلب ان البنات تلبس فساتين لونها ابيض والشباب كمان هيلبسوا بدل بيضه
كوكو....بأبتسامه طيب حلو ده فين الفساتين دي بقي
صفاء....الوقت هنروح نبلغ مستر معاذ ان المكان جهز وهيسلمنا اليونيفورم.
كوكو...طيب هو عرف مقاستنا أزاي🤨
عبد الرحمن...يابنتي انتي بتفهمي ازاي مش مقاستنا موجوده هنا عشان اليونيفورم بتاع الشغل
كوكو...اه صح غبيه معلش 😂
عبد الرحمن ..اوي😂😂
صفاء...يلا بينا بقي
دخلوا بلغوا معاذ ورجع معاهم شاف المكان كان مبسوط جدا من شغلهم وسلمهم اليونيفور
وقالهم قدامكم ساعه تكونوا جهزتوا فيا قبل وصول الناس.
كوكو...تمام يا مستر معاذ.
صفاء...يلا بينا
معاذ....عبد الرحمن تعالي انت ومحمود وعيسي معلش لحظه
رحوا انتوا اجهزوا يا بنات عشان متاخدوش وقت
صفاء....تمام يامستر بعد اذن حضرتك.
.........
مشيت كوكو وصفاء ومروه زميلتهم التالته علي الحمام يغيروا.
اما الشباب فا وقفوا مع معاذ
معاذ....الله ينور يا شباب كل حاجه زي ما طلبت بالظبط
عبد الرحمن....كله بفضل توجيهاتك يا مستر
معاذ....المهم الوقت انا مشيت البنات عشان ننفذ باقي الخطه تمام
العلبه دي يا عبد الرحمن تاخدها تحطها عالتربيزه هي وبوكيه الورد ده.
عبد الرحمن...تمام يا مستر
معاذ....محمود انت وعيسي هتروحوا بسرعه تعلقوا البوستر ده وتبلغوا شادي بانه يقفل الأضاءه عن البوستر خالص.
وبعد كده تروحوا تلبسوا بسرعه عايز قبل ما البنات يكونوا جهزوا تكونوا انتوا خرجتوا
مش عايز كوكو تخرج خالص علي الصاله بره
عيسي...تمام يلا بينا يا محمود بسرعه.
خرجوا الشباب كملوا اللي طلبوا معاذ ودخلوا بسرعه لبسوا وجهزوا وخرجوا علي طول
........
عند كوكو وزمايلها
كوكو....انا بقي عايزه افهم حاجه اشمعني انا الفستان بتاعي لونه ابيض وانتوا لونكم ازرق
هو ده الابيض يا متخلفه😒
صفاء...بضحك شكلي سمعت غلط حقك عليا😂😂😂
كوكو...اي ه بس برضوا ليه مش كلنا زي بعض
مروه....شكل دي المقاسات اللي كانت متوفره من اللون بس عموما الفساتين حلوه اوي واحلي حاجه ان احنا هناخدها لينا شكل الشاب اللي عامل العيد ميلاد ده كريم اوي.
كوكو....بفرحه ايه ده بجد هو هيسبلنا الفساتين دي😳
صفاء...اه والله مستر معاذ قال كده
كوكو...نفسي اعرف بتجيبوا الاخبار دي منين ما انا معاكم علي طول
مروه...يابنتي ده قالها الصبح لما جينا قبلك.
كوكو...مش مهم بس بجد الفساتين شكلها حلو اوي وكانها معموله عشانا واحلي حاجه ان بكره عندي خروجه مهمه كنت ناويه اروح بكره اشتري فستان كأن ربنا سمعني ولعتلي الفستان من غير ما اضيع اي فلوس من المرتب.
صفاء...والله انتي تستاهلي كل خير وبجد الفستان قمر عليكي.
كوكو....طب بقولكم ايه ماتيجوا نتصور كام صوره كده
مروه...تعالي الاول اظبطلك شعرك
كوكو...ايوه صح يلا ظبطي
وقفت مروه تظبطلهت شعرها وصفاء تحطلها ميك اب رقيق
كوكو...بضحك انا نفسي اعرف انتوا جايين تشتغلوا ولا جايبن كوافير واحده جيبالي مكوه شعر والتانيه ماشيه بشنطه مكياچ
انتي بتروحي فين بعد الشغل انتي وهي يابت😒😒😒🔪
ضحكت مروه وصفاء ومقدروش يمسكوا نفسهم
صفاء....والله ما بنروح بس انا عن نفسي المكياچ مبعرفش اخرج من غيره خصوصا لما بيكون في حفله عيد ميلاد او اي حاجه لازم نبقي شكلنا حلو
مروه.... وانا زيها والله انتي عارفه ان شعري مش حلو اوي شويه مجهود يطلع عرق ابص الاقي شعري واقف😂😂😂😂
كوكو....بضحك ايوه والناس تخاف منك وتطفش علي ايه😂😂
بعد وقت بسيط خلص ا البنات كوكو كانت زي القمر
كوكو...احيه لما احنا طالعين كده امال البت صاحبه العيد ميلاد شكلها ولبسها عامل ازاي
صفاء...اكيد قمر طبعا مش شايفه المكان معمول ازاي عشانها.
كوكو....ربنا يسعدها شكله بيحبها اوي.
مروه....واضح طبعا ده صارف ومكلف
كوكو....اعوذ بالله دول هينفجروا
من عينكم يا بعده😒😒😒
صفاء...بضحك هي ومروه متخافيش عنينا بارده يلا بينا بقي نتصور
وقوفوا البنات يتصوروا مع بعض وشويه وخرجوا انضموا للأستاف
معاذ....ايه القمرات دول انا بفكر بعد اللبس ده أغير اليونيفور
كوكو....بقرف صراحه ربنا بعد اللبس ده بفكر اني استقيل لو مغيرتوش يونيفورم الممرضين اللي بنلبسه ده😏
ضحكوا كلهم علي كوكو.
معاذ...بضحك بقي كده يا كوكو الفستان خلاكي اتغيرتي علينا بس ليكي حق عموما ياستي ماشي هنغير اليونيفور
كوكو...اهو ده الكلام..بقول ايه صحيح الساعه بقت 8 هو ليه محدش جه لحد الوقت
معاذ...زمانهم علب وصول
كوكو...🙄ربنا يستر مايكونش ماتوا اصل صفاء ومروه هروهم قر 😒😒😒
مروه...صفاء😂😂😂متصدقهاش
وفجأه جات رنه علي موبايل معاذ
كنسل وحج الموبايل في جيبه وكوكو وزمايلها واقفين بيتكلموا ويضحكوا.
معاذ....صحيح انا نسيت كوكو معلش تربيزه رقم سبعه عليها علبه روحي هاتيها عشان فيها الاسامي بتاعتكم اللي بتعلقوها.
كوكو.... حاضر
دخلت كوكو الصاله الكبيره بتاعت المطعم الانوار فيها كانت بسيطه وقبل ما توصل للتربيزه اتقفلت الانوار خالص وفضل نور الشموع
كوكو....😒😒بركاتك يا صفاء انتي ومروه اهي بدأت بالنور
سمعت ضحكهم من بعيد
وقربت شويه من التربيزه
لمحت بوكيه ورد هي متأكده ان محدش فيهم حطه لكن مهتمتش اوي رغم انها مكانتش مرتاحه لكل اللي بيحصل حواليها.
لمست الورد ورفعته براحه و أبتسمت وفكرت بينها وبين نفسها ان البوكيه ده يخص صاحبه العيد ميلاد رجعته تاني مكانه ومسكت العلبه شكلها كان غريب علبه قطيفه لونها ازرق
وبمجرد ما مسكتها أشتغلت موسيقي هاديه وانوار ملونه فضلت تدور حواليها والدخان ملأ المكان للحظه حست كوكو انها طايره والغريب ان ضربات قلبها زادت اوي وفضلت تبص حواليها
وفجأه النور اتسلط علي حيطه معينه بصت كوكو عليها وفجأه
اتفتح البوستر اللي زمايلها ركبوه
وفي اللحظه دي كل سم في جسم كوكو اتنفض وبسرعه عينها لمعت بالدموع وهي بتقرأ اللي مكتوب.
........................................
❣️❣️ ❣️❣️
🔥من اول يوم🔥