كواكب.

البارت السادس عشر

البارت السادس عشر...
عمر...حمدالله علي السلامه نورتوا
الڤيلا.
برهومه...منوره بصحابها.
كواكب...ماشاء الله اكبر
عمر...علي مهلك يا كواكب
كواكب...تعالي يابت يا كوكو نزلي
رجلي مش قادره اخرجها.
كوكو...حاضر يا ستي
لفت كوكو عشان ترفع رجلها بره العربيه و تنزلها للأرض وقبل ما توطي عشان تمسك رجلها اتفاجئت بعمر مسكها من كتفها رجعها لورا من غير ولا كلمه
ومسك هو رجل كواكب وبدأ يساعدها في النزول.
وقفت كوكو في مكانها من غير أعتراض لأول مره و بصتله من غير اي كلام كان حاسس عمر انها بتبصله او يمكن تكون مستغربه
تصرفه لكن مبصلهاش و أتعامل عادي في الحقيقه يمكن يكون عمر جواه ملغبط للدرجه اللي مخلياه مش قادر يترجم ايه هو السر وراء اللغبطه دي لكن حاسس ان كل حاجه بيعملها الفتره البسيطه دي غريب وغير مألوف
برهومه كانت ماشيه بتبص علي الڤيلا بإعجاب وحاسه انها في الجنه معقول يكون في ناس عاديه زيها عايشين في مكان زي ده يمكن عشان هي محبوسه جوه دنيتها وأول مره تخرج براها
دخلوا اخيرا الڤيلا وأستقبلتهم فيروز وكاميليا وشهاب
شهاب...يااهلا وسهلا نورتوا الدنيا
برهومه...منور بصحابه يا شهاب باشا
شهاب...تسلمي نورتينا يا حاجه كواكب
كواكب...النور نورك يا ابني
كاميليا...اتفضلوا واقفين ليه
كواكب...ايوه والنبي قعدوني احسن انا مش قادره
شهاب...بضحك ايه يا عمر انت جايب الحاجه كواكب مشي ولا ايه شكلها تعبانه
كواكب...لا والله ربنا يحميه يارب متعبنيش خالص جايبني من تحت البيت بس انا مش متعوده علي المشى  والخروج ده انا بمشي في الشقه بالعافيه.
برهومه...امي اول مره تخرج من سنتين يا شهاب باشا والله يمكن في المرتين دول خرجت مرتين بس وعشان تروح المستشفي.
شهاب...ليه كده بس ده المشي ده صحي ومفيد ليكي جدا.
كواكب...مبقدرش والله يا ابني انا بروح الحمام بالعافيه عشان اتوضاء زي ما انت شايف الوزن تقل والسن كبر والصحه مبقتش زي زمان.
فيروز....طيب ليه مش بتفكري تعملي ريچيم بسيط يقلل وزنك شويه عشان تقدري تمشي
كواكب...مبعرفش والله يا بنتي
شهاب...بابتسامه هو في حد يدوق اكل الست برهومه ويعرف يعمل ريچيم برضوا
برهومه...ربنا يجبر بخاطرك يا شهاب باشا بس ياريتها بتاكل والله دي امي اكلتها بسيطه اوي بس العلاج اللي بتاخده هو اللي عامل في وزنها كده
فيروز...فيه كرتزيون اكيد
برهومه....ايوه فعلا الدكتور قال كده وبعدين هي عندها خشونه في رجلها مبتقدرش تقف عليها كتير
فيروز....ايوه بس لو الوزن نزل شويه الخشونه بتقل خالص والحركه بتكون أزيد هي لازم تخس انا ممكن اكتبلها علي نظام صحي تمشي عليه واتابعها بنفسي
كواكب...والنبي يعني ممكن امشي كويس ووجع رجلي ده يمشي
فيروز...ان شاء الله لو إلتزمتي بجد هتلاقي نتيجه مرضيه جدا
برهومه...تلتزم طبعا
ذكري...طيب وانا مفيش نظام ينفعني ولا انا عايزه اتفجر😂
فيروز...بضحك لا طبعا اكيد فيه ليه بتقولي كده
ذكرى..حاولت كتير والله ومبعرفش ولما روحت لكذا دكتور قاللي محتاجه عمليه غير ان الاسعار اللي قالها في السما بس كمان لو الفلوس موجوده اخاف اعملها سمعت ان كل اللي بيعملها بيموت
ذكري...بصي يا ذكري اولا انا مش دكتورة تغذيه لكن بفهم طبعا في النظام الصحي جدا و بتعامل مع دكاتره شاطرين جدا..مفيش حد بيموت زي ما بتقولي غير في حاله واحده انك تروحي لدكتور حابب يريح دماغه فا بيكتب علي طول علي عمليه لان هو كل اللي هامه المكسب وبس.
العمليات دي المفروض تكون اخر نقطه بتوصليها في رحله تنزيل الوزن يعني في الاول محتاجه تحاليل و أشعات محتاجه تعرفي حجم الدهون الزايده في الجسم وتبدأى تشتغلي عليها وطبعا مش هقولك انك بتبدأى رياضه من الاول ده كمان غلط.
ذكري...الرياضه غلط طيب ازاي.
فيروز ...مقصدش انها غلط لكن كل حاجه بتيجي بالترتيب يعني مينفعش يا ذكري اقولك انتي او لطنط كواكب ابداوا رياضه وفي مشاكل كتير زي خشونه صعوبه فالنفس وجع في الضهر فهماني
لازم نبدأ نظام غذائي نمشي عليه فتره واول ما نحس ان الجسم بدأ ينزل والحرق اللي كان كويس جدا بدأ يهدا شويه نبدأ نلجأ لخطوه جديده زي الرياضه وقتها هتقدروا
لان الجسم خف فهمتي
برهومه...والنبي كلامك صح يا دمتوره هو صحيح حضرتك دكتوره ايه.
فيروز...بابتسامه انا دكتوره تجميل
برهومه...يعني بتنفخي الشفايف والخدود وكده
ضحكوا كلهم.
فيروز....يعني مش بالظبط بس انا تخصصي كمان في الجسم عموما ودي اخر خطوه ممكن الشخص يلجألها يعني الجسم اوقات بعد الرياضه كمان مش بيتشد بالطريقه المثاليه اللي اي حد يتمناها واوقات الوزن لما بيكون كبير و بينزل طبعا بيكون في ترهلات كتير في الجلد بيجولي انا بقي معمل شد نعمل نحت نشيل دهون بسيطه متركزه في اماكن متفرقه لكن مينفعش ذكري مثلا تجيلي الوقت تقولي شيلي الدهون دي علي طول ساعات الجسم بيحصله اتاك.
برهومه....باستغراب ايه الاتاك ده.
فيروز...يعني بيتعرض لهجوم وده اكبر غلط ممكن يسبب الوفاه في الحال زي ما ذكري قالت كده فهمتوني.
برهومه....ايوه
فيروز....لو حابين ممكن نبدا الاول نمشي علي نظام غذائي والاول نشوف تحاليلنا واشعاتنا مظبوطين الغدد نحاول نعالجها الاول عشان لما نبدا ريچيم نكون ماشيين صح
ذكري...طيب انا موافقه جدا
فيروز...وانا كمان ياستي بس اهم حاجه بلاش نبدأ ونبقي متحمسين ونرجع بعد يوم او اتنين نزهق.
برهومه...لا لو علي الزهق فا ذكري اخرها معاكي يوم لكن كواكب هتلتزم
ذكري....ليه بس يا خالتي هلتزم والله
برهومه...بضحك اسمعي مني دي لو عرفت اني عامله اكل بتحبه هتبيعك في ثانيه.
ذكري...بضحك طيب مفيش وصفه تكرهني في الاكل😂😂
شهاب...و تكرهي نعمه ربنا ليه بس انتي بس ظبطي اكلك.
فيروز...بالظبط زي ما بابي قال كده كلي كل اللي نفسك فيه بس بكميات مش كبيره ومواعيد مظبوطه يعني مينفعش طول اليوم متبقيش بتاكلي وتيجي تاكلي كل حاجه بليل وبعدين تنامي بصي سبيلي نفسك وانا هظبطك باذن الله.
برهومه...ربنا يحميكي يارب يا دكتوره
فيروز...ميرسي يا طنط.
برهومه...تاني طنط 🤨
فيروز...بضحك ميرسي يا برهومه.
برهومه...يا اختي برهومه طالعه منك زي السكر.
ذكري...صحيح هو فين مالك😂 تعبان من الرقص لسه
فيروز...😂😂لا خالص بس هو لسه مجاش من الجامعه زمانه جاي.
كاميليا....صحيح الڤيلا عجبتكم
كواكب...حلوه الله اكبر ربنا يزيد ويبارك.
برهومه...بأبتسامه اللي موجودين هما اللي محلين الڤيلا.
كاميليا...بأختصار ميرسي اتفضلوا اشربوا العصير لحد ما الغداء يجهز.
برهومه...تسلم ايدك...صحيح يا دكتوره قومي شيلي الحاجه دي في التلاجه عشان ميحصلخاش حاجه.
كاميليا...تعبتي نفسك ليه بس كل حاجه موجوده فالبيت
برهومه...يارب ديما الخير كله عندكم وبعدين دول شويه حجات بسيطه عملاها بأيدي
شهاب...تسلم ايدك ده علي كده بقي هنعزمك كل يوم عشان تدوقينا اكلك الحلو.
برهومه....من غير عزومه يا باشا اللي نفسك فيه اعملهولك و اجيبهولك لحد عندك
شهاب...تسلمي يارب كلك ذوق والله...بص شهاب علي كوكو
ايه يا كوكو ساكته ليه من ساعت ما جيتي
كوكو...لا ابدا يا باشا انا بسمعكم
شهاب...تاني باشا احنا مش اتفقنا دي فيروز حفظت وقالت لولدتك برهومه من غير طنط
كوكو...بابتسامه حاضر يا بابا
كاميليا...بغيظ يلا اتفضلوا الاكل جهز مالك شكله هيتأخر لما يجي هو يبقي ياكل.
شهاب...يلا يا جماعه اتفضلوا.
قام الكل ومسك عمر كواكب اللي بقت قدره وصلها لحد السفره..
......................................
مالك...كده انا خلصت كل حاجه واقدر اقولك ان الماده دي الحمد لله قفلناها في اي سؤال فيها
نادين....لا خالص كله تمام
مالك...امال انا ليه حاسس انك مش مبسوطه او متوتره.
نادين...دي حقيقه انا فعلا متوتره جدا وخايفه رغم ان الماده انا فهماها خالص بس خايفه اوي يا مالك.
مالك...من ايه بس يا نودي ؟
نادين...مش عارفه يمكن الفتره اللي انا قعدتها في البيت و المستشفي والاحداث اللي حصلت الفتره اللي فاتت دي مأثره عليا
و مخليانى مش قادره اركز اوي
مالك ..احنا اتفقنا ننسي بقي يا نودي ونركز
نادين...انسي ايه بس يا مالك الولد اللي عمل كده لسه في غيبوبه ده لولا ان الظابط متعاطف معايا جدا كان ممكن لو ظابط تاني مكانه حبسني لحد ما الحقيقه تبان.
مالك...هيحبسك بتهمه ايه يا نودي اولا انتي موجوده بره علي ذمه القضيه واظن لو الطب الشرعي ما كانش اثبت كل حرف قولتيه كان ممكن يحصل زي ما بتقولي بس كمان انتي مجني عليكي والمباحث لما دورت ورا عماد ده عرفوا انه سمعته مش تمام ده حتي اخوه اللي متبري منه المباحث و صلتله وطلع محترم جدا وقال ان فعلت اخوه
يعمل حاجه زي دي وان دي مش اول حاجه يعملها شبه الحادثه بتاعتك وان سبب من الاسباب اللي خلته يبعد عنه هو شغل البلطجه اللي بيعمله وانه بيتأجر ديما في اي حاجه غير مشروعه
فا مستحيل ما يصدقوش يا نودي المباحث ليهم شغلهم و فاهمين بيعملوا ايه وبيتعاملوا مع مين هما مش أغبيه..
نادين....معاك حق قولي صحيح هو انت بتتواصل مع چيمي او ماجي مش عارفه ليه حاسه بحاجه غريبه من ناحيتهم مختفيين و مسألوش عليا غير مرتين مره في المستشفي ومره لما خرجت حتي مش بيتكلموا في التليفون.
مالك...والله مش عارف يا نودي
بس امبارح انا شوفت چيمي وماجي في الجامعه بس وقفت معاها دقايق بسيطه ودخلت علي المحاضراه خرجت ملاقتهومش
سألت حمزه عليهم قالي انهم مشيوا بس عادي يمكن ربنا هداهم وبدأوا يذاكروا
نادين...معرفش بقي بس ميتهيأليش..
بصلها مالك و بدون مقدمات حط ايده علي كف ايدها اتفاجئت نادين من حركته دي وتنحت😳
مالك...ممكن متفكريش في اي حاجه الفتره دي غير الامتحانات والمذاكره وبس طلعي اللي حصل من دماغك ومتفكريش في چيمي و ماجي واي حاجه ممكن توترك خالص انا مش هقبل اقل من جيد جدا أن ما كانش أمتياز كمان.ممكن يا نودي
بصتله نادين بصدمه وايدها تحت ايده مش قادره تسحبها
ابتسم مالك وفجأه دخلت سهيله
واول حاجه عملتها ركزت علي ايدهم وابتسمت 🙄
سهيله...احممم ازيك يا مالك
سحب مالك ونادين ايدهم بسرعه وظهر علي نادين التوتر الفظيع
مالك...بأبتسامه الحمد لله يا سهيله انتي عامله ايه وايه اخبار الثانويه معاكي
سهيله...كله تمام وتحت السيطره متقلقش انا جيت من الدرس قولت اجي اسلم عليكم قبل ما اطلع اختفي عشان اذاكر
مالك...انا بخير الحمد لله مامي بتسلم عليكي كتير هي وفيروز و بيقولولك و حشتيهم
سهيله...هما اللي وحشوني اوي والله انا قولت لمامي بعد ما اخلص امتحانات لازم ازورهم وهي وافقت
مالك....هنستناكي يا ستي وهما هيفرحوا اوي انتي بس خلصي علي خير بالتوفيق يارب.
سهيله...يارب يا مالك.
مالك..احممم بص لنادين اللي باين عليها التوتر ووشها احمر طيب يا نودي انا همشي بقي عايزه حاجه
نادين...من غير ما تبصله شكرا يا مالك
مالك ....يلا سلام هكلمك
نادين...اوك قامت وصلتله وسلم علي وفاء ومشي سحبت نادين سهيله وراحت علي اوضتها
نادين...😡انتي مش هتبطلي تدخلي زي القطر كده
سهيله...بضحك انا عملت ايه بس
نادين...علي فكره بقي مش عيزاكي تفهمي غلط انا كنت بقوله اني متوتره من الامتحانات وهو كان بيطبطب علي ايدي عادي وانتي دخلتي احرجتيه و احرجتيني.
سهيله....بابتسامه طيب واتحرجتوا ليه بقي ادام الحكايه طبطبه وبس😉😉
نادين...احترمي نفسك وبطلي قلت ادب😡
سهيله...بضحك الله طب وانا قولت ايه بس..بس اقولك علي حاجه🧐
بصتلها نادين.
سهيله...مالك بيحبك علي فكره😉
نادين...وانتي ايش فهمك انتب في الكلام ده انتي لسه صغيره
سهيله...اسمعي مني انا ان صغيره بس مش عبيطه وبفهم برضوا والله مالك بيحبك زي ما انتي بتحبيه.
نادين....بجد يا سهيله🥺
سهيله...بجد يا احلي نودي مالك ده حد جميل ومحترم وبصراحه مش زي باقي الشله بتاعتك
حتي اهله ناس كويسين جدا و صدقيني مالك مهتم بيكي زياده عن اللزوم ولو مش مصدقاني اسألي نفسك ليه محدش من صحابك اهتم بيكي زيه كان ممكن يهتم بيكي يوم او اتنين وخلاص لكن مالك ما سبكيش يوم حتي مامي ملاحظه ده ومطمنه انتي عارفه مامي مستحيل تدخل اي حد من صحابنا البيت بالكتير بنات ولو هي حاسه ان البنات دول مش جايين علي مزاجها بتفضل قاعده معانا وعينها علينا
اه انتوا اعدين عالسفره تذاكروا وهي راحه جايه شيفاكم بس كمان بتدخل المطبخ وبتسيبكم
واكيد انا واثقه انها من بعيد برضوا بتبقي عينها عليكم واظن لو كانت حست بعدم ارتياح لمالك كانت من غير كسوف هتطلب منه ميجيش تاني وكانت هتقولك ابعدي عنه صح ولا ايه.
نادين...معاكي حق هو انتي كبرتي امته يابت انتي
سهيله...بضحك طول عمري كبيره انتوا بس اللي فاكرني صغيره😎
نادين...بابتسامه لا والله
سهيله...من غير هزار بقي اسمعي مني مالك بيحبك بجد اوعي تفرطي فيه يا نودي سمعاني.
هزت نادين راسها وهي بتبتسم
حضنتها سهيله اوي وباستها وخرجت علي اوضتها
وفضلت نادين مبتسمه و سرحانه في كلام اختها الصغيره.
....................................
اتجمع الكل علي السفره شكل السفره  كان حلو جدا طريقة تقديم الاكل وتزيينه شكلها يجنن
شغل فنادق زي ما بيقولوا.
بدأ الجميع في الاكل و كالعاده اهل كوكو بيتعاملوا بطبيعتهم
داقت برهومه الاكل كان شكله يفتح النفس لكن طعمه مش مألوف بالنسباله فا ظهر علي ملامحها عدم الرضا.
عمر...مش بتاكلي ليه يا كواكب
كواكب...مش عارفه يا اخويا اكل ايه الاكل شكله حلو بس انا مش عارفه ايه ده.
كاميليا....اه سوري دي غلطتي انا عشان معرفتكوش علي الأصناف
اللي عملتها..وبدأت تشاور علي الامل وهي بتعرفهم علي أسمائه دي أسمها شركسيه ودي بيكاتا بالشامبنيون وده بيڤ إستراجانوڤ ودي إتشيكن ألاجراك.
برهومه....كواكب...ذكري😳😳😳
ابتسم عمر هو وفيروز وخبوا وشهم.
كوكو...😏 وده اكل اجيبه عادي من السوير ماركت ولا بيتجاب من الصيدليه😏😏
هنا عمر وشهاب وفيروز مقدروش يمسكوا نفسهم من الضحك
وشاركهم الضحك ذكري و برهومه وكواكب.
كاميليا...😡دي اصناف عالميه و الشركسيه دي اكله تركي مشهورين بيها احنا في تركيه
قولت اعملكم حاجه مدوقتهاش قبل كده 🤨
ضحكت كوكو وهزت راسها مفيش فايده في كاميليا لسه العرق التركي المتكبر ناقح عليها.
كوكو....والله ياطنط كاميليا انا افضل ديما اني اكل الاكل بتاعنا المعروف اصل فالاكل بالذات مش بحب اجرب.
كاميليا....هو يعني الاكل مش عاجبك
كوكو...لا خالص بالعكس تسلم ايدك كفايه شكله واهو كمان الواحد بيتعلم درس جديد بس المرادي مش في الحياه لا في المطبخ😉😉
ابتسمت كوكو وكأنها بتديها درس جديد هي الوحيده اللي فاهمه ان كاميليا هتفهم قصدها..
كاميليا...ده علي كده بقي يا كوكو انتي فايتك كتير اوي
كوكو...مكدبش عليكي انا قصاد اكل برهومه فعلا فايتني كتير بس مزاجي مش غصب عني يعني لما ارجع من الشغل واشم ريحه المحشي بتاعها جايبه اول السلم
ولا اشم طشه الملوخيه اللي جايبه اخر الشارع و ياسلام بقي لو بعد تعب يوم طويل ارجع الاقي فته و كوارع و ممبار بنسي نفسي وبصراحه لا يمكن افكر في حاجه تانيه او اتمني اجرب أكله جديده و اسيب اكلها الحلو ده عشان اركز في اسامي اكل محتاج كتالوج قبل الاكل وبعده.
كانت بتتكلم ببرود وهي مكمله اكل عادي.
ابتسم شهاب برضا عن كوكو
شهاب...ياسلام جوعتيني يا كوكو اهي اكله الكوارع دي بقالي سنين كتير مكلتهاش اخر مره كلتها كان قبل ما اتجوز كاميليا من ايد امي الله يرحمها وطبعا لما اتجوزنا محطتهاش في بوئي تاني اصل كاميليا لايمكن تاكل حاجه زي دي ابدا.
برهومه....ده انا اعملهالك علي عيني
كاميليا...معرفش بجد الناس اللي بتحب الاكل ده بتحبه ازاي ده اكل مقزز وبعدين كفايه اسمه والاهم انا ايه اللي يخليني اكل رجل ولا امعاء ازاي اقدر اعمل كده.
برهومه...يمكن عشان مجربتيش تستمتعي بطعمهم وهو بيدوب في بوئك عموما هو الاكل اذواق ياهانم بس في النهايه كلها نعم ربنا مفيش اكل وحش ولا مقرف
طول ما انتي ضامنه نضافه الحاجه يبقي تسمي وتاكل وتحمدي ربنا علي نعمه
شهاب....ونعم بالله
فيروز...انا كمان بصراحه مكلتش عمري الحجات دي بس من كلامكم عنها فتحتوا نفسي اني اجربها
برهومه....بس كده عنيا انا هخليكي تحبي الاكل كله
كوكو...وهي بتاكل لنتوا فايتكم كتير اوي كنت فاكره ان انا اللي فاتني كتير بس اكتشفت ان كلنا واحد وكلنا فايتنا كتير😊😉😉
عمر...صراحه برهومه بتعمل اكل حلو اوي
برهومه....تسلم يارب يا حبيبي ده من ذوقك والله.
بعد وقت بسيط خلصوا الاكل
كاميليا كانت قاعده متغاظه ومن جواها مليانه غضب مش كرهه في كوكو بس كانت مستغربه ازاي كل ما تحاول تجرحها او تحرجها تقابل كلامها من غير اي رد فعل يبين انها انتصرت ازاي بتقدر تكون ثابته وتعلمها دروس جديده في الحياه وبدل ما هي اللي تنتصر علي كوكو كوكو اللي بتنتصر عليها كانت بالنسبالها تركيبه غريبه هي واهلها تركيبن مثيره للاهتمام.
خرجوا قعدوا بره في الجنينه جابتلهم الشغاله الشاي والحلو اللي كالعاده شكل يجنن واسم غريب و كالعاده كوكو بتقذف جبهتها بكل ادب واحترام
وده بيثير اهتمام عمر اكتر وبيسعد شهاب اكتر واكتر.
وصل مالك اخيرا ركن وقرب عليهم وهو مبتسم ورافع ايده.
مالك...انا اسف جدا عالتأخير بس واضح كده ان عدم وجودي مش مأثر فيكم كلتوا وبتحلوا كمان
كده كتير.موحشتكمش ولا ايه
عمر...حد قالك تتأخر
مالك...بقي كده طب ايه هو الغايب ملهوش نايب ولا ايه
كاميليا...هو انت بتعلي صوتك ليه ممكن توطي صوتك وايه الغايب ملوش نايب دي انت بقيت بيئه كده ليه.
مالك....بيئه بس عسل.
ضحكوا كلهم علي مالك إلا كاميليا اللي شايطه منهم كلهم
برهومه....والله انت زي العسل يا مالك
مالك....والله انتي العسل يا برهومه
كاميليا...اسمها طنط يا محترم
مالك...لا بقولك ايه يا كاميليا هانم احنا خلاص صحاب وبعدين هي اللي قالتلي اقولها كده صح يابرهومه.
برهومه...صح يا نن عين برهومه.
كاميليا...بغيظ بعد اذنكم هخليهم يحضروا لمالك الاكل و هاجي علي طول.
كواكب...اذنك معاكي يا حبيبتي
مالك...بضحك كاميليا هتنفخني😂😂😂
عمر...احسن ما انت اللي مش حاطت لسانك في بوئك اشرب بقي
مالك...ازيك يا كوكو وحشاني والله
عمر...هي بتلعب معاك في الشارع وايه وحشاني دي هي واحد صاحبك ما تظبط بدل ما اناديلك كاميليا😡😡
مالك...بضحك لا بقولك ايه ملكش دعوه بيا انا وكوكو احنا صحاب انت هتعمل فيها خطيبها بجد ولا ايه صح يا كوكو.
كوكو...بضحك صح يا مالك😂
عمر...بص لكوكو 😒والله
كوكو...خليك في حالك يا دكتور بقي كل عيش انت كل اللي ليك عندي خطه ولعبه هنلعبها وخلصت الحكايه.
شهاب...صح عليكي نور🙄
عمر....😡😡😡
شهاب...بقول ايه ما تيجي يا ست برهومه نسيب المجانين دول ونتكلم شويه عايز اتكلم معاكي كلمتين ممكن
برهومه...طبعا ممكن اتفضل
عمر...كلمتين ايه.
كوكو...ما تخليك في حالك
شهاب...قوليلوا والنبي احسن ده بقي حشري اوي.
عمر...قرب من كوكو وديني ياكوكو لا هطلع علي جتتك البلاء الازرق .
كوكو...انا بحب الاحمر عندك احمر😎😎
ابتسم عمر غصب عنه وسكت
بصتله كوكو وهي مبتسمه دمك عسل يا بت يا كوكو انا عارفه اني متقاومش😂😂😂
عمر...😒😒 اتنيلي هو حد بيطيقك اصلا
كوكو...مسألتكش 😏😏
عمر....وربنا لا هربيكي😡
كوكو....اللي رباني مات وخلصت ربايته كلها عليا وفر تربيتك يا دكتور للي محتاجها🤨
عمر....قرب عمر منها وبصلها في عينها عارفه يا كوكو
كوكو....لا معرفش😁🤭
عمر...لا ما انا هعرفك قريب😡
هعرفك ان لسانك الطويل ده هيتقص علي ايدي ان شاء الله
كوكو...ده علي اساس انك دكتور وبتعرف تمسك المقص وكده ولا انت شغال ترزي بعد الضهر وانا معرفش
ابتسم عمر غصب عنه وهز راسه بقله حيله مفيش فايده فيكي
والله لا هقص لسانك يا كوكو
كوكو....وانا مستنيه🥴🥴
#أميره_أسامه
#كواكب
#وفجأه
#صاحبه_البطل_الواحد