كواكب.

البارت الحادي عشر

البارت الحادي عشر..
نزلت كاميليا بعد حوالي ربع ساعه كان الكل بيضحك.
كاميليا...ما تضحكوني معاكم.
عمر...ايه أتأخرتي ليه يا أمي.
كاميليا...كنت بطمن علي سهيله بشوفها كلت ولا لأ.
عمر...هي منزلتش كلت معانا ليه.
كاميليا...بصت علي كوكو وذكري ابدا أتحرجت من الضيوف.
عمر سكت باحراج لكن كوكوقطعت الاحراج ده.
كوكو....هو انت عندك أخت تاني.
عمر...لا دي أخت زميله مالك في الجامعه اختها عملت حادثه ومامتها أعده مرافقه معاها في المستشفي ومفيش حد يأعد معاها.
كوكو...اااه الف سلامه علي زميلتك يا مالك
مالك...بابتسامه الله يسلمك يا كوكو عارفه يا كوكو انا حاسس اني اعرفك من زمان
كوكو...ربنا يخليك انت بس شكلك عشري وبتحب الناس بسرعه.
انت عارف يامالك بصت بطرف عينها لكاميليا أعرف ناس حاطه بينها وبين الناس سور
مالك...بضحك اه عارفهم 😂😂
كوكو...بضحك والنبي بيننا هنبقي صحاب.
مالك...بأبتسامه يا باشا أحنا نطول.
نادر...قوليلي يا كوكو ايه اخبار الواد حموءه الجن بتشوفيه ولا اختفي من ساعت اللي حصله.
كوكو...بضحك لا بشوفه يانادر باشا وصالحته كمان وبقينا سمن علي عسل.
كاميليا بصوت واطي ياي 😭
سليم...طيب بمناسبه الأسئله ايه أخبار ابن جارتك.
كوكو...الحمد لله يا دكتور بقي كويس كله بفضلك.
سليم....الفضل لله انا معملتش اي حاجه.
كوكو...ازاي بقي ده لولا مباشرة حضرتك لحالته كان زمانه جرالوا حاجه ربنا يسعدك
سليم...ويسعدك يا كوكو.
مالك...طيب انتي يا ذكري بتدرسي ايه او درستي ايه.
ذكري....انا درست في معهد خدمه أجتماعيه
مالك...سنتين
ذكري...لا أربعه.
مالك...و بتشتغلي ايه بقي.
ذكري...بشتغل في محل ملابس أطفال.
مالك...حاسس بوالدته وهيموت ويضحك بس خايف ذكري وكوكو يفهموه غلط فا مسك نفسه.
فيروز....انتي عايشه مع كوكو يا ذكري.
ذكري....اه انا عايشه معاهم من أعدادي أمي الله يرحمها ماتت كان عندي 13 سنه
فيروز...الله يرحمها طيب و والدك.
ذكري....هو كمان مات بعد ما أتولدت بكام شهر يظهر كده انهم هربوا اول ما شافوني 😂😂😂
ضحكوا كلهم علي كلام ذكري.
فيروز...الله يرحمهم يارب متقوليش كده ده انتي عسوله خالص
ذكري...الله يخليكي يا انسه فيروز
كاميليا....بس سوري يعني انتي ليه سايبه نفسك بالشكل ده مش بتفكري تخسي شويه ذكري...صراحه عادي يعني انا مبحطش الموضوع ده في دماغي اوي يعني خسيت يامرحب بالرشاقه مخستش يبقي يامرحب باللملبن😂😂
ضحكوا كلهم وماتوا من الضحك علي خفه دم ذكري.
كوكو....متصدقوهاش ذكري أصلا مولوده مليانه يعني محتاجه تمشي علي علاج واكل معين عشان الدكتور قال الغدد بتاعتها تعبانه يمكن ذكري بتحب الاكل جدا لكن مش بتاكل بالطريقه الفظيعه اللي تخلي وزنها كبير يعني ممكن تأعد طول اليوم متاكلش عشان الشغل وتروح تتعشا جامد.
فيروز...ايوه بس ده غلط جدا المفروض الاكل يكون طول اليوم عشان الجسم بيكون في حركه لكن بليل مفيش حرق
ذكري...طيب أعمل ايه اتعودت بقي
فيروز ....حاولي تغيري شويه النظام بتاعك صدقيني عشان صحتك قبل اي حاجه
ذكري...بأبتسامه والنبي انتي عسل
نادر...بضحك انتي بتعاكسي خطيبتي ولا ايه
ذكري...واحنا نقدر يا باشا برضوا😂😂
كاميليا...ممكن اتكلم معاكي شويه يا كواكب علي انفراد.
كوكو...بصتلهم وكلهم كان باين عليهم الصدمه.
كوكو...اوي اوي اتفضلي
كاميليا...بعد أذنكم
ــــــــــــــــــــــــــــــــــــــ
في منزل كوكو..
خرجت كواكب وهي بتتسند عالحيطان
كواكب...مالك أعده كده ليه يا برهومه
برهومه...قلقانه عالبت كوكو وذكري
كواكب...وقلقانه ليه هما دول يتخاف عليهم
برهومه...مش القصد يا أما بس خايفه الست اللي اسمها كاميليا دي تسمع البت كوكو كلمتين ميعجبوهاش
كواكب...متخافيش بنت بسبع تلسن محدش يقدر يجي جمبها وبعدين انتي قالقه روحك ليه ما تكلميهم.
برهومه...هي كلمتني اول ما وصلت قالتلي انهم خلاص داخلين عالڤيلا ملحقوش يعني
يأعدوا
كواكب...متخافيش يا برهومه الجدع ده شكله مويس ومحترم
برهومه...عارفه يا اما بس انا مش خايفه منه خايفه علي بنتي تتجرح بكلمتين ملهمش اي لازمه
كواكب...قولتلك البت كوكو ميتخافش عليها
انتي بس بطلي تشيلي و تحطي في نفسك كده واهو لو رجعت  مضايقه او حصل حاجه مش هتروح تاني
برهومه...بشرود ميتهيأليش يا أما دي لسه بدايه الطريق.
كواكب...ربك يسترها البت كوكو غلبانه وربنا مش هيكسرها أبدا.
كواكب...يارب
ــــــــــــــــــــــــــــــــــــــ
في المستشفي عند نادين...
وفاء....كفايه مذاكره يا حبيبتي ريحي شويه
نادين....قربت اخلص خلاص يا مامي دي محاضره واخده مش كتير.
وفاء...هو مشي بسرعه ليه انهارده.
نادين...عندهم ضيوف جايين تقريبا هيتعرفوا علي عروسه جايه لعمر أخوه يا دوب شرحلي المحاضره بسرعه ومشي.
وفاء....ربنا يتممله بخير ان شاء الله اخوه محترم جدا
نادين....فعلا يا مامي هو كويس جدا...صحيح كلمتي سهيله
وفاء....كلمتها الصبح الوقت اتصل بيها تاني
نادين....اوك يا مامي
ــــــــــــــــــــــــــــــــــــــ
عند شله عمر في احد اماكن السهر الليليه..
حمزه....احنا مش المفروض نروح تاني نشوف نادين يا شباب.
ماجي...بتوتر انا بصراحه مش بحب حوار المستشفيات ده
چيمي...خلونا بقي لما تطلع أحسن وتروح بيتها
حمزه...لا ياعم انا هروح بكره مع روان وخالد .
ماجي...خلاص عرفوني هتروحوا امته وهنيجي معاكم.
خالد....اشطا انا هدخل الحمام واجي.
چيمي...وافقتي ليه.
ماجي...عشان مينفعش ما نروحش انت عايزهم يشكوا فينا.
چيمي....عندك حق خلاص نروح و بطلي التوتر اللي بتبقي فيه ده
ماجي....ماشي.
چيمي....هاتي حبايه
ماجي..انت مش بتشبع
چيمي...البركه فيكي مش انتي اللي علمتيني عليه
ــــــــــــــــــــــــــــــــــــــ
في ڤيلا عمر..
شهاب...بضحك يا تري كاميليا عملت ايه في كوكو.
ذكري....بضحك يا باشا خاف علي الهانم من كوكو.
شهاب...بضحك عندك حق.
نادر...واقف كده ليه انت كمان ما تأعد
عمر....قلقان من كاميليا.
سليم...ياراجل قول كلام غير ده هي كوكو قليله.
عمر...مش عايزها تضايقها باي كلمه والدتها موصياني عليها وبصراحه مينفعش قصاد مساعدتها دي تتبهدل من كاميليا.
ذكري....والله انتوا شايلين هم كوكو زياده عن اللزوم قولتلكم متخافوش عليها.
عمر....طيب هروح ابص عليهم كده من بعيد.
ــــــــــــــــــــــــــــــــــــــ
في الخارج..
خرجت كاميليا وكوكو بره في الجنينه واعدوا مع بعض.
كوكو....ها يا كاميليا هانم أتفضلي قولي اللي عندك.
كاميليا...بصي يا كواكب انا مش عيزاكي تزعلي من اللي هقوله بس كمان عيزاكي تحطي نفسم مكاني.
كوكو...سمعاكي
كاميليا...عمر ابني البكري طول عمري نفسي افرح بيه بس كمان مش عشان افرح بيه أجوزه اي حد
متزعليش مني انا تعبت في تربيه ولادي اوي زي ما انتي شايفه خريجين مدارس أجنبيه لفوا العالم اتنين منهم دكاتره والتالت في الجامعه الامريكيه..انتي شايفه اخنا عايشبن فين وانتي فين صدقيني ده مش تقليل منك ابدا يمكن المرادي انا صادقه جدا في كل كلمه بقولها بس فكري شويه يا كواكب في فرق رهيب بينك وبين عمر انا ممكن اتنازل عن اي حاجه عشان خاطر سعادة ابني لكن كمان صدقيني هيجي عليه وقت و يزهق و هيسيبك لما يحس ان في فروقات كتير بينكم و مش هتقدروا تكملوا ديما هيكون في حاجز كبير الغنا والفقر دي حاجه مش بايدنا زي ما انتي مختارتيش حياتك احنا كمان مخترناش حياتنا بس كل واحد فينا قدر يتأقلم مع حياته اللي اتفرضت عليه دي كل واحد فينا قدر يكون شبه البيئه اللي اتولد لقي نفسه عايش فيها.
انتي طريقه وأسلوب وعمر طريقه وأسلوب طيب لو اتجوزتوا وجبتوا ولاد تقدري تقوليلي هتطلعيهم ازاي زي عمر وأخواته
أكيد الولاد هيتأثروا بيكي لان اكيد انتي مش هتتخلي عن بيئتك وطريقتك واسلوبك واكيد كمان عمر مش هيسيب شغله ويأعد يربي هو الولاد طيب بلاش الولاد هيكونوا مشوشين وسط عيلتين ملهمش علاقه ببعض صدقيني يا كواكب في حواجز كتير تخليني ارفض الارتباط ده مش عيزاكي تزعلي مني بس كمان انا بفوقك.
فضلت كومو بصالحها وساكته لكن مبتسمه.
كاميليا...ساكته ليه قوليلي رايك في اللي قولته.
كوكو....عداكي العيب يا هانم انتي عندك حق
ابتسمت كامليا بارتياح لكن سكتت لما كوكو كملت كلامها وكأن لسانها أتلجم.
كوكو...معلش هطول عليكي شويه يمكن الوشوش متتقابلش تاني...
احنا فعلا مخترناش حياتنا ولا اهلنا الفقير مختارش يكون فقير والغني مختارش يكون غني.
يمكن لو كنت أتولدت وطلعت لقيت ابويا وامي بشوات كان زمان في مدارس وجامعات عاليه كان زماني بتكلم بالاجنبي وكان زماني دكتوره زي بنت حضرتك.
كان زماني أعده في بيت شبه بيتكم وعندي جنينه واسعه زي الجنينه دي...بس انا مختارتش حاجه انا طلعت للدنيا لقيت ابويا راجل طيب وفي حاله راجل بركه زي ما بيقولوا ما بيفوتش فرض مكانش يتكلم غير بالقرآن في عز تعبه كان ينزل يشقي ويتعب ويدور علي رزقه عشان عارف ان في رقبته بنت وزوجه.
ابويا ده كان حنيه الدنيا فيه عمري ما طلبت حاجه غير وتاني يوم الاقيها قدامي الراجل الفقير ده مكانش حارم بنته من اي حاجه في حدود امكانياته علمني وكبرني علي قد إمكانياته كان نفسه في ولد لكن لما جيت انا للدنيا كان بيقولي انتي عندي احسن من ميت ولد حط فيا كل ثقته وانا عمري ما هزتها أشتغلت كتير و اتمرمطت اكتر وهو وافق مش عشان الفلوس عشان يخليني قد الدنيا ومتبقاش الدنيا كبيره عليا علمني ان الخوف ده للجبان وبس علمني يبقي ليا رأي اللي عاجبني اقول عاجبني واللي مش عاجبني اقول مش عاجبني علمني اقول الحق حتي لو علي رقبتي مبيقبضش الروح غير اللي خالقها..
علمني ابقي واضحه و صريحه علمني ان اللي يمشي صح عمر ما حد يكسر عينه علمني ان الشغل وسط الف راجل مش عيب طالما بشتغل باحترامي و مبلفتش النظر ليا.
جيت الدنيا لقيت امي الست اللي عمري في حياتي ما هلاقي حد زيها تعبت و شقيت كتير معايا شالت ابويا وهو تعبان عمرها ما قالت جضيت ..
في عز تعبها والحمل اللي كان بيزيد كنت بشوفها تبتسم في وش ابويا بحب وصدق
لما كان يقولها مبقاش ليا لازمه تقوله حسك بالدنيا...والغريب بقي يا هانم ان الست دي جاهله أميه مبتعرفش غير تكتب اسمها وبس
لكن عندها من علام الدنيا اللي اكتر بكتير
من اللي بيتاخد في الجامعات والمدارس الاجنبيه اللي حضرتك علمتي فيها ولادك. علمتني حجات كتير اوي ازاي اقف مع حد محتاجني ازاي اجامل الناس ازاي ابتسم في وش الخلق ولساني يبقي حلو مع الكل علمتني أحترم الكبير ويبقي عندي رحمه بيه علمتني اشتغل واجيب فلوس بالحلال علمتني ان مفيش شغل علي وش الدنيا يتقال عليه وحش قدام الرزق حلال يبقي الشغل تاج عالراس حتي لو كنت بمسح سلالم ولا بشيل زباله علمتني ان راسي تبقي فوق ومتخلقش اللي يكسرني علمتني  اقول اللي في قلبي من غير ما ألاوع.
علمتني أكون جريئه لكن في قلبي مش في جسمي علمتني العفه و ازاي أصون و احافظ علي نفسي علمتني ان البنت سيره وسمعه لو محافظتش عليهم شويه كلام يعلموا عليها طول العمر علمتني ان مفيش حاجه اسمها الفضيحه بتتنسي مع الوقت الفضيحه بتفضل ملازمه صاحبها طول العمر علمتني ان الغلطه بفوره وان غلطه الشاطر بالف علمتني مكدبش الصراحه بتنجي مهما كان العقاب علمتني  مصقفش للغلطان  علمتني اي اكل يتحط قدامي احمد ربنا عليه واقول اللهم دمها نعمه وأحفظها من الزوال علمتني مبصش عاللي في ايد غيري ولا استكترها عليه علمتني  نضافه القلب وازاي اكون صافيه مع كل اللي حواليه من غير حقد وغل والاهم من كل دول انها فضلت ورايا لحد ما اتعلمت وخدت شهاده وبقي معايا ليسانس حقوق
صدقيني يا هانم في حجات كتير اوي لسه التعليم في المدارس والجامعات موصلهاش
دروس الحياه متتقدرش بتمن
يمكن ما نشوفش بعض تاني بس ديما أفتكري كلامي اوعي تفكري اني زعلانه منك صدقيني لا والله.اصلي نسيت اقولك ان ابويا زمان قاللي كلمه عمرها ما خرجت من راسي.
قاللي اي موقف تمُرى بيه وتحسي انه ممكن يضعفك او يوجعك أستفادي منه متخرجيش منه ضعيفه او موجوعه اعتبريه درس يفيدك في الحياه...وكلام حضرتك ليا لا وجعني ولا ضعفني ولا حتي هزني بالعكس كان درس جديد بتعلمه في حياتي واهم حاجه أتعلمتها من الدرس ده ان الفقر الحقيقي مش فقر الفلوس بالعكس الفقر الحقيقي فقر العقل والتفكير.
قامت كوكو وقفت من غير ما تدي فرصه لكاميليا انها ترد
كوكو....فرصه سعيده يا هانم اتشرفت بمعرفتك ثواني هاخد ذكري وهنمشي فورا واه ابقي اعتبريني انا كمان درس في حيات حضرتك..
سابتها كوكو ودخلت وهي مبتسمه.
سمعت صوت ضحكهم كلهم..
كوكو...طبعا ذكري كلت دماغكم
شهاب...دي دمها شربات انا بقالي كتير مضحكتش كده
عمر...ايه كل ده اتأهرتوا كده ليه.
ظهرت من وراها كاميليا وهي ساكته وباين علي تعبيرات وشها التغيير.
كوكو...ابدا الكلام بس خدنا شويه عموما انا هستأذنكم بقي عشان الوقت ميتأخرش اكتر من كده شكرا عالغدا والقاعده الحلوه دي والأستقبال الجميل.
فيروز...انتي لحقتي يا كوكو.
كوكو...معلش بقي حقك عليا اصلي لو اتأخرت برهومه هترفع ابو ورده😂
فيروز...ايه ابو ورده ده.
ذكري...بضحك ده الشبشب لاموأخذه
فطسوا كلهم من الضحك علي جمله ذكري .
مالك...انتوا مشكله والله العظيم انا أزاي معرفتكوش من زمان.
كوكو...تسلم يا مالك ده من ذوقك والله يلا بقي معلش هنستأذن.
عمر...طيب يلا بينا.
كوكو...معلش خليك انت احنا عارفين طريقنا.
عمر...لا طبعا زي ما جبتكم هروحكم
كوكو....مش عايزين نتعبك
عمر...مفيش تعب ولا حاجه يلا بينا
سلموا عليهم كلهم
وبصت كوكو فين كاميليا وابتسمت وخرجت من الڤيلا بكل ثقه👌
.................