كواكب.

البارت الثالث عشر

البارت الثالث..
ثواني بسيطه ويمكن دقايق فضل فيها كوكو و برهومه علي حاله الصدمه بمجرد ما قالهم عمر ان
والدته وافقت علي قرائه الفاتحه.
فضل عمر يمرر عينه بينهم هما الأتنين وبين كواكب اللي قضتها زغاريط.
عمر....هو انتوا هاتفضلوا عاملين كده كتير
كوكو...هو اللي انت قولته ده بجد
عمر...يعني تفتكري اني جاي بيتكم الساعه عشره الصبح عشان اهرج يا كوكو اتصرفي بقي في المصيبه اللي وقعتينا فيها.
رفعت كوكو حواجبها...🤨نعمممم يا اخويا انا برضوا اللي حطيتكم في مصيبه😡😡 ليه هو انا اللي جيت قولتلك تعالي اعمل خطه علي امي.
عمر...وهو بيعض علي شفايفه انتي يابت بتزعأيلي لا بقولك ايه اوعي تفكري ان صوتك العالي و الوش بتاع السبع رجاله اللي انتي لبساه ده هيخوفني انا ممكن اكسر عضمك انا صعيدي الاصل يا بت😡😡
برهومه....حمش الخالق الناطق ابوكي يابت😍
ابتسم عمر لبرهومه بفخر
كوكو...نعممم يا اختي انتي كمان هو ايه اللي حمش يا برهومه.
عمر...انا اللي حمش في مشكله🤨
كوكو...بقولك ايه انا روحي في مناخيري ابعد عن وشي عشان اروح شغلي.
عمر...شغل ايه اقفي هنا مفيش شغل انا لسه مخلصتش كلامي
برهومه....ما تقفي يا بت اسمعي كلام خطيبك امال.
عمر....نعمممممم
كوكو....نعمممممم لا بقولك ايه يا برهومه انتي عايزه تخلصي مني هتلبسيني في الباشا ولا ايه
عمر...ليه يابت من قلت البنات هلبس فيكي انتي 🤨
كوكو....انت صح يلا يا اخويا وريني عرض كتافك كده وروح دور علي واحده تلبس فيها وسبني اروح اشوف شغلي اللي اتخصملي منه يومين بسببك.
وقف عمر قدامها وهو بيتمسكن و اهون عليكي يا كوكو تسبيني كده
مش عارف اتصرف وبعدين انتي مش قولتيلي اني لو احتاجتك
هتقفي في ضهري يا كوكو.
برهومه...عيني عليك يادي الجدع وقعت في ايد واحده مابترحمش
وقلبها قاسي🤔🤔
عندك حق سا برهومه
كواكب...ماتتلمي يابت وتوافقي يعني تتخلي عن الجدع بعد ما بداتوا الخطه
عمر...قوليلها والنبي ينفع كده تاخدني لحم وترميني عضم.
كوكو...لحم ايه وعضم ايه وانتي ياستي اسكتي احسن انا عفاريت الدنيا بتتنطط في وشي السعادي.
انت عايز ايه الوقت؟😡
عمر...بابتسامه نكمل اللي بدأناه
كوكو....مستحيل طبعا احنا كنا متفقين اننا نخليها تشيل الفكره من دماغها وخلاص واظن انا عملت اللي عليا وزياده
عمر...واهو شكلك عجبتيها وبدل ما تخليها تكره فكره الجواز حبته
ووافقت عليكي يعني انتي مساعدتنيش يا كوكو انتي دبستيني فيكي🙄
كوكو....بقولك ايه 😡 انت تخلي بالك من كلامك احسنلك.
برهومه...يابت في واحده محترمه تتكلم مع خطيبها كده.
كوكو ..😡😡يابرهومه اسكتي في ليلتك دي انتي السبب في كل ده
برهومه...ليه يا اختي هو انا اللي كلمتك وقولتلك في معايا ضيف وعايزك😡
عمر...صلوا عالنبي انتوا هتتخانقوا وتسيبوني في المصيبه دي.
برهومه...لا يا اخويا ميصحش.
كوكو...😒😒
عمر...بصي يا ستي اولا اسف عشان كلمتك كده ثانيا لازم نشوف حل يا كوكو
كوكو...ايه المطلوب مني غير قرائه الفاتحه.
عمر...مفيش حل قدامنا.
كوكو...وانا مش موافقه طبعا
برهومه...يابت ليه مالها الفاتحه.
كوكو...مش حفظاها يا برهومه😡
بقولكم ايه اللي بتقوله ده جنان و موافقتك عليه يا برهومه جنان اكتر منه انتي عيزاها تتحسب عليا خطوه.
برهومه...يابت وفيها ايه هو جواز
وبعدين انا نفسي اشوفك بفستان ومتزوقه وعامله شعرك
كوكو...هو ده طموحك يا برهومه
خلاص من بكره اروح الكوافير واعمل شعري واتزوق  والبس فستان واجي افرحك😡😡
برهومه....يابت طب والعريس نفسي اشوفك ايدك في ايد عريسك
كوكو....يا برهومه مش هينفع.
كواكب...وايه اللي مش هينفعه ياحزينه عادي زيك زي اي واحده اتخطبت وسابت خطيبها اهو يبقالك سبقه خطوبه يا معدوله.
كوكو....😒😒 شيليها من قدامي يا برهومه لو مش عايزه تتيتمي
عمر...بضحك ما تبس بقي يا كواكب متعصبيهاش. بصي ياكوكو انا عارف ان اللي بطلبه ده صعب ورخم ويمكن كمان جنان رسمي بس احنا ممكن نعمل كده قاعده عائليه وخلاص من غير ما حد يعرف.
كوكو...اه وتفضل طالع نازل قدام الناس وتسوء سمعتي😡
عمر...ياستي مش هجيلك هنا تاني ولو حصل وحبيت اشوفك ضروري هشوفك بره وهاتي معاكي برهومه ذكري اللي تحبيه
اظن كده انا عداني العيب.
برهومه....وأزح يا اخويا🙄
عمر...قولتي ايه يا كوكو
كوكو...😒🙄
عمر....وافقي بقي
برهومه...السكوت علامه الرضا يا اخويا مبروك يا كوكو وقربت منها حضنتها
كوكو...😳😳😳
ضحك عمر لما شاف علامات الصدمه علي وش كوكو 🤭
كوكو...ماشي يا برهومه استني عليا😒 وانت مش خلاص عملت الانت عايزه سبني اتكل بقي عشان شكلي هرتكب جريمه.
عمر...اسمعي قبل ما تمشي انا محبش خطيبتي تتأخر بره تمشي عدل متكلميش رجاله مبهوك🤨
برهومه...مش بقولك حمش يا بت
كوكو....انا همشي قبل ما اصورلكم قتيل هنا
عمر....انتي نازله وسيباني بكلمك
كوكو...وهي بتجز علي سنانها عايز ايه تاني يا اخرت صبري😡
عمر...انا نزلت من غير فطار عشان اجيلك بسرعه وبصراحه جعان يلا فطريني.
كوكو...😒😒😒انا ماشيه😡
فضل عمر يضحك عليها هو و برهومه وكواكب وهي نازله متعصبه.
برهومه...تعالي يا اخويا افطرك انا
وسبها هي احسن شكلها هتولع😂😂😂😂
......................
في ڤيلا عمر.
شهاب....وايه اللي غير رأيك يا كاميليا في يوم وليله كده عمر صعب عليكي ولا البنت عجبتك
كاميليا...لا ده ولا ده بس انت عارف يا شهاب عمر راسه ناشفه جدا وانا معنديش أستعداد افضل مستنيه ابني البكري لحد ما يحن عليا واشوفه متجوز وعنده ولاد
شهاب....يعني وافقتي عليها🙄
كاميليا...لا طبعا دي مجرد قرائه فاتحه حبيت اطاوعه و أسمع كلامه عشان لما يقرب منها هو بنفسه يعرف انها مش نفعاه ويسيبها.
شهاب...مش فاهم تقصدي ايه.
كاميليا...اقصد ان عمر مصمم عليها يمكن عجبته شخصيتها عجبه انها مختلفه الجو الشعبي
دخل دماغه حاجه من الحجات دي...فا هو فاكر ان هي دي اللي هيقدر يكمل معاها فانا عايزه اخليه يخطبها عادي وانا واثقه ان هو اللي هيجي بنفسه يقولي مش عايزها لما يعاشرها ويعرفها من قرب اكتر اكيد مش هيطيق يكمل معاها ولا حتي هيتخيل حياته الزوجيه معاها فا هيسبها وفالاخر ابقي انا مأثرتش وسمعت كلامه وهو اللي سابها من نفسه ولما اجيبله بقي عروسه بنت ناس بجد يوافق عليها من غير اعتراض لانه هيبقي شاف الفرق فهمت.
شهاب...اااااه تقصدي تخليه يقربلها اكتر وهو اللي يكتشف بنفسه عيوبها .
كاميليا...براڤو يا شهاب هو ده بالظبط.
شهاب....انتي صح معاكي حق واهو برضوا منبقاش رفضنا وخلاص وهو يزعل ويفضل مصمم عاللي في دماغه.
كاميليا....بالظبط الممنوع مرغوب يا شهاب ولا ايه.
شهاب....عمري ما شكيت في ذكائك يوم يا كاميليا.
كاميليا...بابتسامه فخر ميرسي يا شهاب هقوم اجيب القهوه.
شهاب....ماشي يا حبيبتي.
قامت كاميليا تجيب القهوه.
ابتسم شهاب
اهو ذكائك ده يا كاميليا هيبقي سبب ترابط قوي معملتيش حسابه وكمل بضحك
لعبت عليها يا عمر وهي بتلعب عليك وانا في النص مبسوط و مستمتع باللعبه وشايف نهايتها
من عندي والحقيقه اتمني اللعبه تتنفذ للاخر 😂😂
...............
عدي كام يوم
خرجت نادين من المستشفي بعد ما حالتها أتحسنت كتير وطبعا مالك مكانش بيسبها خالص ورجعت سهيله للبيت اخيرا
مفيش لسه اي اخبار عن عماد لسه حالته زي ما هي داخل في غيبوبه.ومحدش عارف هيصحي منها امته...حتي ماجي لسه متعرفش عنه اي حاجه وبدأت تطمن اكتر ان الامور ماشيه الي حد كبير تمام جدا ومفيش اي قلق
لدرجه انها بدأت تطمن وترجع تاني تهزر وتضحك ومبسوطه وكان مفيش اي حاجه حصلت وصدقت انها مجرد حادثه عاديه.
ولكن شرها فضل ملازمها وكأن ربنا اداها فرصه يمكن تراجع نفسها لكن اللي جواه شر مبيتعظش ولو خد مليون فرصه.
اما چيمي فبدا يروح لسكه المخدرات اللي بياخدها لحست دماغه وطول الوقت مش واعي ولا فايق لأي حاجه
مفيش في دماغه اي حاجه غير
ماجي و المخدرات  اللي بياخدها منها وبس حتي دراسته كانت اخر حاجه يفكر فيها.
.............
اخيرا جه اليوم اللي هيروح عمر مع اهله يطلب أيد كوكو.
في الصباح.
نزل عمر ومالك من اوضتهم
عشان يفطروا.
اعدوا علي السفره بهدوء.
وبداوا ياكلوا.
شهاب...انت رايح الجامعه ولا ايه.
مالك...اه يابابي نازل الوقت عندي محاضره وبعد كده هطلع اديها لنادين وفي شيتات مهمه نزلت هروح اديهالها وهاجي علي طول عشان الحق أجهز لخطوبه الدكتور😂😂😂🙄🙄
عمر...😒😒👊👊
كاميليا..😡😡
شهاب...بابتسامه طيب متتأخرش بقي.
مالك...ان شاء الله
فيروز....صباح الخير
الجميع ..صباح النور
كاميليا...بتعملي ايه كل ده
فيروز...معلش يا مامي كنت بلبس صحيت متأخره ومسكت واحده توست بسرعه وبدات تاكلها وتشرب بسرعه من القهوه بتاعتها.
كاميليا...ما تأعدي تفطري زي الناس
فيروز...مش هلحق يا مامي متأخره جدا كنان عشان الحق اجي
كاميليا...هو نادر هيجي معانا
فيروز....لا معتقدش يا مامي عنده شغل.
عمر...محدش فيهم جاي لا هو ولا سليم هما عارفين انها قاعده تعارف وقرائه فاتحه
وتلبيس دبل يعني مش فرح  خصوصا ان كوكو واهلها مش عازمين حد هما قالولي كده هتبقي قرائه فاتحه عالضيق عائليه يعني.
كاميليا...امممم احسن برضوا😒
عمر...طيب انا قايم بقي
شهاب...انت رايح فين مش المفروض انك اجازه يا عريس🙄
عمر....اه يا باشا بس هروح اجيب الدبل يعني هديه بسيطه لكوكو.
شهاب...واجب برضوا الف مبروك يا ابني.
عمر....بابتسامه الله يبارك فيك يا باش.
خرجوا كلهم .
كاميليا....يارب صبرني
شهاب...بضحك ده احنا لسه بنقول يا هادي .
كاميليا....انت فرحان فيا يا شهاب.
شهاب...بضحك انا لا فرحان ولا زعلان انا زي الفل.
كاميليا...انا طالعه اخد مسكن دماغي هتنفجر.
شهاب...بابتسامه وهو حاطت ايده علي بوئه الف سلامه🤭
....................
صممت برهومه ان كوكو وذكري ينزلوا يشتروا فساتين او لبس شكله حلو يليق عالمناسبه دي  ويعملوا شعرهم ومكياچهم في الكوافير
وبعد محاولات من كوكو عشان متنزلش اخيرا نزلت.
................
عدت الساعات بسرعه
رجع مالك من تاني عالبيت ورجع عمر بعد ما راح أشتري هديه بسيطه لكوكو.واول ما رجع شاف شهاب والده اعد لوحده.
عمر...بصوت واطي مساء الفل يا باشا امال فين كاميليا.
شهاب...بضحك بتلبس اللي عالحبل كله ما انت عارفها.
عمر...امال😂😂
شهاب...شايفك يعني مبسوط و مظقطط شكل الموافقه بتاعت كاميليا جات علي هواك بجد
عمر...ولا هوايا ولا حاجه انا شكلي طينتها فوق دماغي كنت مفكر اني ههرب من تحكمات كاميليا دخلت برجلي لعالم كوكو شكل كده
حرف الكاف ليه عندي تار.😒
شهاب...بضحك تصدق اول مره اخد بالي. المهم قولي جبت حاجه كويسه للبنت ولا جبتها اكسسوار عشان لما اللعبه تخلص.
عمر...وتعرف عني كده يا باشا لا طبعا دهب ومش هاخدها من كوكو حتي لما اللعبه تخلص زي ما بتقول دي هتكون هديه بسيطه مني بدل المرمطه اللي مرمطتهلها
معايا.
شهاب.....عقبال ما تزودهلها.
عمر...نعم🙄
شهاب...اقصد العروسه اللي بجد.
عمر...اه ماشي طيب انا طالع عشان اخد شاور وأبدأ أجهز
شهاب...خدني معاك انا كمان.
عمر...يلا بينا.
....................
رجعت كوكو وذكري من الكوافير عاملين شعرهم وفي ايدهم شنط الفساتين.
كوكو...بصدمه ايه اللي انتي عملاه بره ده يا برهومه😳😳😳
برهومه...سيبك من اللي عملاه المهم قوليلي متزوقتوش ليه.
كوكو....بقولك ايه سمعت كلامك وروحت عملت شعري وجبت فستان إنما اروح اتزوق وارجع في الشارع كده مستحيل ده كده بقول للي ميعرفش يعرف😡
بصت برهومه وكواكب لبعض وضحكوا.
ذكري ...احنا هنتزوق هنا يا خالتي..
برهومه....طيب يلا علي اوضتكن البسوا وفكوا شعركم اللي عاملينه كحكه ده خساره الفلوس اللي ادفعت فيه.
ذكري...ماهي كوكو اللي صممت نرفعه كده انا مالي.
برهومه...طب يلا انجزوا
دخلت كوكو وذكري جوه يلبسوا.
مسكت برهومه الموبايل بتاعها واتصلت بحموءه وكلمته بصوت واطي.
برهومه...ايوه يا واد يا حموءه يلا طلع الحاجه.
حموءه طب ايه الدنيا امان.
برهومه...امان متخافش اطلع يلا
حموءه...ماشي ياخالتي برهومه
احنا طالعين اهو.
.............
اخيرا جاءت اللحظه الحاسمه نزل عمر من اوضته كان الكل منتظره
مالك...بصفاره ايه الحلاوه دي كلها لا عريس بحق وحقيقي
بصله عمر بغضب
مالك...بضحك اقصد عريس زي ما قال الكتاب.
فيروز....شكلك حلو اوي
عمر....انفع يعني
فيروز...طبعا تنفع ونص
بص عمر لكاميليا بابتسامه ايه يا كاميليا هانم مش ناويه تقوليلي مبروك.
قلبها كان طاير من الفرحه و اتمنت ان اللحظه دي تكون حقيقيه بجد وفرحتها تكمل لكن مش كل اللي بنتمناه بيتحقق ولكن حبت انها متحرمش نفسها من الفرحه بابنها.
ابتسمت كاميليا بحب..مبروك يا حبيبي ربنا يسعدك ويكملك علي الف خير...
كانت مجرد دعوه بتجامله بيها ولكن كانت من قلبها بجد و مكانتش تعرف ان الدعوه استجابت و ابواب السماء كانت مفتوحه.
قرب منها عمر باس ايدها وحضنها
وباس ايد شهاب
شهاب...مبروك يا عريس
عمر...الله يبارك في حضرتك يا باشا.
اما عن عمر فا كان ضاحي من الصبح عنده نشاط غير عادي حاسس انه مبسوط مش عارف ليه.. يمكن متخيلش اللحظه دي خالص ولا توقع ان اللعبه ممكن متنتهيش واتصدم من موافقه كاميليا لكن كان مبسوط جدا.
..........
خرجوا بره عشان يركبوا اتفاجئوا بسليم ونادر.
نادر...عريسنااااا
عمر...ايه ده انتوا ايه اللي جابكم😳
نادر...معقول نسيبك في يوم زي ده برضوا يا صاحبي.
سليم...ميصحش طبعا ده حدث ما بيحصلش كل يوم.
عمر....ودي تيجي 😡 برضوا وربنا لا هوريكم اخلصوا عشان منتأخرش.
مشيوا كلهم علي العربيات.
نادر بصوت واطي في المعاد مظبوط يا باشا.
شهاب....انا مقولتلكش اي حاجه😒 وإلا انت عارف
نادر....سرك في بير يا باشا😂
شهاب...بضحك مش هما اللي بدأوا اللعبه يشربوا بقي🤭
عايزك انت وسليم تعملوا احلي حفله.
سليم...بضحك اطمن هنخليه عريس بجد😂
ثواني وانطلق الجميع بالعربيات
وطول الطريق سليم ونادر عاملينله زفه بالكلكسات
وعمر يطلع راسه بغضب من الشباك يشتم فيهم🙈🙈
ومالك وفيروز وشهاب ميتين من الضحك اما كاميليا فكانت علي اخرها كالعاده....
واخيرا وصلوا الشارع ومن بدايه ما دخلوا زحام وعربيات وتكاتك وصوت عالي وكل كام خطوه بالعربيه الشارع بيضيق اكتر والبيوت بتقرب من بعض وكاميليا في حاله ذهول من المكان لحد ما وصلوا اخيرا تحت البيت
وفجأه😳😳😳😳
عمر...يانهاااااار اسود ومهبب🙈🙈
..................