كواكب.

البارت السابع

البارت السابع...
صحي عمر خد شاور وخرج لبس هدومه بص لنفسه في المرايا وأبتسم أفتكر الفكره اللي جات في باله
خرج من الاوضه نزل عشان يفطر معاهم
لمح من فوق مالك لسه اعد بلبسه وحواليه الهدايا اللي جاتله وواضح انه لسه مانامش.
عمر...صباح الخير
مالك...اهلا صباح النور
عمر...انت مانمتش لسه ولا أيه
مالك...لا والله مش جايلي نوم قولت اتفرج عالهدايا واعد شويه
عمر...عجبتك الكاميرا
مالك...تجنن ربنا يخليك ليا
عمر...مبروك عليك ياحبيبي.
مالك...الله يبارك فيك.
عمر...انا مش شايف الفطار يعني هو محدش صحي ولا ايه مش بعاده يعني كاميليا هانم تفضل نايمه
مالك...لا صحيت الفطار بيجهز في المطبخ وكاميليا هانم بتشوف الزرع بتاعها في الجنينه كالعاده.
عمر...اممم ماشي بقولك ايه صحيح حوار چيمي اللي كنت بتقول عليه انا حاسس انه عادي علي فكره
مالك...أزاي
عمر...يعني انا بقالي كتير مشفتهوش واظن لو كان في حاجه او اي تغيير كنت حسيت لكن چيمي هو هو مفيش حاجه متغيره
مالك...ماهو ده اللي هيجنني امبارح فعلا كنت حاسه طبيعي جدا وحاسس ان كل حاجه كان بيعملها كانت من قلبه بجد
عمر...انت يمكن تكون زعلته من غير ما تحس يا مالك ومع الوقت نسي ورجع طبيعي تاني عادي يعني بتحصل اوقات بنعمل تصرفات من غير ما نحس ممكن تتفهم غلط و تزعل اللي قدامنا واكيد حصل اي حاجه وانت شايف انها عاديه
مالك...يمكن مش عارف
عمر...عموما چيمي بيحبك متحاولش تبعد عنه او تحسسه انك متاخد منه أتعامل عادي
مالك...ماشي
عمر...انت شكلك كده مش رايح الجامعه أنهارده
مالك...لا بصراحه مش قادر انا مطبق من أمبارح ونادين هتحضر هي وتبعتلي اللي خدوه.
عمر...بقولك ايه صحيح بمناسبه نادين شكلها كده عينها منك يا وحش
مالك....بأبتسامه نادين حتي انت لاحظت أشمعني انا اللي مخدتش بالي
عمر...عشان حمار وبعدين مين اللي قالك غيري
مالك...ماجي.
عمر...البت دي انا مش برتحلها
مالك...ولا انا وحياتك
عمر...سيبك من ماجي وركز مع نادين
مالك...ياعم اسبني من مين واركز مع مين انا الحوار كله علي بعضه مش في دماغي أصلا
عمر...وليه لا البنت شكلها محترمه ومؤدبه وجايه معاها مامتها شكلها كده كيوت في نفسها واضح يعني انها تمام
مالك...هي فعلا مؤدبه جدا ومحترمه
عمر...طب ركز معاها لو حبيت تحط الحوار في دماغك عشان هي تستاهل
مالك...أنت مالك قلبت علي كاميليا هانم كده ليه
عمر...من عاشر القوم بقي نقول ايه وبعدين اسكت عشان هي قالبه عليا من أمبارح
مالك...بضحك لا ما انا لاحظت
عمر...طب بس بقي عشان هي جايه
كاميليا...بونچور يا عمر
عمر...بونچور كاميليا هانم 🙄
نزلت فيروز في الوقت ده صباح الخير
كاميليا....صباح النور يا روحي
فيروز...ايه ده فين الفطار انا مستعجله خالص
كاميليا...حالا هيكون جاهز
فيروز...صباح الخير يا حلوين
مالك...صباحو
عمر...صباح النور
فيروز...غرقان انت في الهدايا
مالك...أحسدينا بقي
بقولك ايه شوفتي نادر جابلي ايه🤪🤪
فيروز...بضحك طب شوفت انت الخاتم ده🤪 جابهولي عشان متقدرش تغيظني
مالك...اه يا ابن ال🤨
عمر...اعد مع شويه عيال والله.
كاميليا...يلا الفطار جهزر
شهاب...صباح الخير يا ولاد
الجميع...صباح النور.
راحوا كلهم عالسفره فطروا وبعد وقت بسيط أستأذنت فيروز وراحت علي شغلها وطلع مالك بعد ما لم الهدايا بتاعته
شهاب....انا ماشي عايزين حاجه
عمر...سلامتك يا باشا
كاميليا...متنساش دوا الضغط
شهاب...حاضر يا حبيبتي يلا سلام.
خرج شهاب ووقف عمر عشان يمشي هو كمان.
عمر...مش عايزه حاجه يا كاميليا 🙄
كاميليا...شكرا
عمر...هتفضلي قافله في وشي كده يا كاميليا
كاميليا...ايه قافله دي يا ولد وبعدين انت حر يا عمر  انا قولتلك اللي عندي
عمر...بجد انا تعبت مفيش فايده في طريقه تفكيرك خالص
كاميليا ...وقولتلك برضو مش شرط تمشي علي طريقت تفكيري فكر انت وقرر  بمزاجك بس خد الخطوه.
عمر...بملل ماشي انا خارج عايزه مني حاجه
كاميليا....لا
عمر...سلام عليكم😡
كاميليا...وعليكم السلام.أعدت كاميليا عالكرسي..و بعدهالك يا عمر في دماغك الناشفه دي.
...............
في منزل كوكو
كوكو...صباح الخير يا برهومه
برهومه...صباح الخير يلا اغسلي وشك وتعالي افطري.
كوكو...انتي فاتحه الشبابيك علي وسعها كده ليه يا برهومه
برهومه...بهوي الشقه وبدخل الشمس
كوكو...شمس ايه اللي بتدخليها اهو الدبان هو اللي دخل وبهدل الدنيا ومش عارفه انام منه خالص.
برهومه...الوقت نقفل النور ونهشه
كواكب...شيشوا الشبابيك دي وافتحوا بابا الشقه شويه هيطلع
كوكو...ابقو قابلوني بقي لو طلع
برهومه...فين البت ذكري
كوكو...الدبان بياكل فيها جوه
كواكب...بضحك زي بعضه خليه يا كل فيها حبه
كوكو...بضحك اه يمكن تخس شويه
برهومه...طب يلا اغسلي وشك علي ما اصحيها
كوكو...ماشي
بعد وقت بسيط كانت نزلت كوكو وذكري من البيت ومعاهم برهومه اللي عملت معاهم حركه جدعنه ووصلتهم لمكان شغلهم ورحمتهم من بهدلة المواصلات
كوكو....بس علي جنب هنا يا سطا
برهومه...اسطا في عينك انا الحق عليا اني وصلتكم وكسبت فيكم ثواب.
ذكري ..معلش يا خالتلي حق عليا دي عيله رخمه المهم قوليلي
برهومه...هااا
ذكري ..بضحك الحساب كام
برهومه...شوف البت وقلت ادبها هي التانيه قال يعني هتدفعوا جتكم نيله مبيجيش من رواكم اي مصلحه يلا يابت انزلي انتي وهي.
نزلت كوكو وهي بتضحك بصتلها من الشباك.ياسلام يا يابرهومه لو اخرج بعد الشغل ألاقيكي وقفالي عشان توصليني
برهومه....وحيات امك السواق الخصوصي بتاع اهلك انا.يلا يابت امشي احسن امشي وانتي راسك جوه كده
كوكو...ماشي يا برهومه خدي بالك من نفسك اوعي حد يعاكسك😉
برهومه...بضحك ماشي خلوا بالكم من نفسكم
ذكري...سلام يا خالتي
كوكو...يلا أتكلي انتي كمان خليني اشوف شغلي
ذكري...ماشي يلا سلام اشوفك بليل
كوكو...ماشي.
دخلت كوكو علي شغلها وبدأت تشتغل عدي حوالي ساعه من أستلام شغلها لقت موبايلها بيرن طلعته
لقت مكتوب عمر
بصت بأستغراب وحاولت تفتكر مين عمر ده وامته سجلت الرقم راح من دماغها خالص دكتور عمر لانها متوقعتش يتصل بيها
فتحت الخط.
كوكو...ألو
عمر...بابتسامه أزيك يا كوكو
كوكو...🤨🙄 الحمد لله انت مين
عمر...انتي مسجلتيش رقمي🤨
كوكو...هو متسجل بس انا معرفش انت مين ولا امته سجلت رقمك اصلا🤨
عمر....معاكي دكتور عمر صاحب نادر باشا أفتكرتيني ولا افكرك بالخناقه اللي عملتيها في عياده دكتور سليم
ولا أفكرك بالعلقه اللي كلتيها لحمؤه الجن وبدا يضحك
كوكو...😳أحيه هو انت أزيك يا دكتور عمر
عمر...الحمد لله يا كوكو😂
كوكو...هموت و اعرف بتضحك علي ايه 🤔
عمر...لا متاخديش في بالك 😂🙈
كوكو..أمال أخد في ايه🙄🤔
عمر ..الله يخربيت عقلك يا بنتي خليني اقول الكلمتين اللي كلمتك عشانهم😂😂
كوكو...أتفضل يا باشا انا سكت اهو
عمر...انا عايز اشوفك ضروي
كوكو..نعممم وده من ايه ان شاء الله
عمر...ابتدينا بت وطي صوتك واتعدلي بدل وربنا اخلي نادر يعملك ضبط وإحضار
كوكو...خير ياباشا
عمر...ايوه كده🤨 بلاش نيتك الشمال دي بجد انت محتاج اتكلم معاكي في حاجه مهمه جدا.
كوكو...حاجه مهمه معايا انا🙄
عمر ...ايوه يا ستي معاكي انتي وبعدين انتي مش بتقولي انك بتحبي تساعدي اي حد يحتاجك اهو انا محتاجك
كوكو...محتاجني🙄🤔لا بص بقولك ايه انا من الاول مش مرتحالك عيون ملونه وشغال دكتور نساء يعني من الاخر كده فيك حاجه مش مظبوطه😒
كوكو...يابت انتي معموله من ايه وبعدين مالك نقرك من نقر دكاتره النساء واللي عيونهم ملونه ليه
كوكو...اهو هو كده مبرتحلهمش
عمر...طب صدقيني والله العظيم انا نيتي سليمه وحقيقي محتاج اتكلم معاكي في حاجه مهمه جدا وعارف ان انتي الوحيده اللي هتقدري تساعدين
حست كوكو من كلامه أنه فعلا صادق.
كوكو...🤔ايوه بس اشوفك ازاي
تمر...المكان اللي يعجبك اختاريه انتي بنفسك عشان تكوني متطمنه
كوكو....والنبي لو هتيجي عندنا البيت برضوا مش مطمنالك 😒
عمر...يابنتي اخلصي متوجعيش قلبي
كوكو...طب عايز نتقابل امته
عمر...لو ينفع يعني الوقت انا جاهز
كوكو ..لا الوقت ايه انا فضيالك😒 انا مستلمه شغلي من يجي ساعه
عمر...طيب امته مش انتي اللي بتسألي
كوكو...يعني عالاقل أكون اشتغلت نص يوم عشان أعرف استأذن.
عمر...طيب خلصي براحتك وعرفيني وشوفي هقابلك فين وانا هجيلك عالمكان
كوكو...بالنسبه لفين دي في مكان جمب الشغل بتاعي مش بعيد بس والنبي ما فاكره اسمه
عمر...تعرفي تبعتيلي لوكيشن
كوكو...مش عارفه ليه بتتعامل معايا علي اني جايه من ورا الجاموسه😒
عمر...بضحك والله ما اقصد وبعدين عادي يعني في ناس مش بتعرف تبعت.
كوكو...لا اطمن بعرف عموما هخلص وابعتلك
عمر...وانا هستني منك تليفون
كوكو...ماشي يلا سلام بقي احسن شكلي كده هتطرد بسببك
عمر...طب يلا روحي😂
كوكو...بالسلامه😒
عمر...سلام.😂
.....
قفل عمر وفضل يضحك عليها اهي دي اللي هتخليكي تتوبي يا كاميليا هانم خالص😂😂😂
............
في فيلا ماجي.
كانت أعده في الجنينه الصبح كل شويه تبص
في الموبايل كأنها مستنيه حد يكلمها.
سراج...صباح الخير علي القمر اللي صاحي بدري
ماجي..بابي صباح النور
سراج...مش قولتي مش رايحه الجامعه انهارده صاحيه ليه بدري
ماجي...ابدا يا بابي مش جايلي نوم خالص
فا قولت اعد شويه في الهوا
سراج ..ماشي يا حبيبه بابي مش عايزه حاجه قبل ما اروح الشركه
ماجي...لا ميرسي يا بابي خلي بالك من نفسك هي مامي صحيت
سراج...لا انا سايبها نايمه
ماجي...اوك يابابي
سراج ...يلا باي
ماجي...باي
خرج سراج من الڤيلا بصت ماجي علي الموبايل وسرحت وهي بتفتكر اللي حصل بينها وبين چيمي لما مشيوا من الحفله.
فلاش باك.....
ماجي...بقولك ايه يا چيمي هو ده انسب وقت تنفذ اللي قولتلك عليه بكره الشله كلها مش رايحين الجامعه
عشان كلنا سهرنا في عيد ميلاد مالك وانت عارف نادين الوحيده فينا كلنا هي اللي هتروح ومش بتفَوت محاضره يعني محدش هَيشك فينا ولا هيجي علي بال حد أصلا اننا ورا اللي حصل
چيمي...لا لا مش هقدر يا ماجي .
ماجي...هو ايه اللي مش هتقدر في ايه يا چيمي انت نسيت أنك قولتلي هتعمل اي حاجه عشان تكون معايا
چيمي...لا منستش يا ماجي بس اللي انتي بتطلبيه ده انا مقدرش اعمله مهما كان نادين انا مشوفتش منها اي حاجه وحشه
ماجي...انت بتعصبني اكتر😡
چيمي...يا حبيبتي مش بعصبك بس دي الحقيقه مهما كان يا ماجي حجم اللي جواكي من ناحيتها متوصلش لكده
ماجي...وانا قولتلك ان هي حصل فيها حاجه دي مجرد صور فضيحه مش اكتر هتخلي مالك يبعد عنها وبعدها نعلن ارتباطنا عشان يبقي ولا طال نادين ولا طالني.
چيمي...يا ماجي انتي عارفه ان مالك اضلا مش بيفكر فيها
ماجي...عارفه بس عشان لو فكر يبعد الفكره خالص عند دماغه
چيمي...هو انتي عايزه توصلي لايه يا ماجي ما ممكن جدا نعلن ارتباطنا وتسيبك من كل ده ولا انتي عايزه تبعدني نادين عشان يكون في مساحه تقدري تقربي منها لمالك
ماجي...لا يا چيمي مالك مش هيرتبط بيا وانا عايزه اوجعه زي ما جرحني وسمعني كلام متخيلتش اني اسمعه منه.لازم اعرفه ان اللي رفضها دي مكانش ينفع تترفض لازم اندمه
اما نادين اللي طالعه فيها دي لازم اكسر عينها عشان متنطقش بعد كده وتفكر الف مره قبل ما تبص علي حاجه مش بتاعتها ها قولت ايه هتنفذ ولا تنسي خالص اننا نكون مع بعض
چيمي...صدقيني يا ماجي مش هقدر مقدرش أكون سبب في اذيه حد قريب مني او بعيد مش هقدر
ماجي...خلاص عندي حل تاني
چيمي...ايه هو
ماجي...انا هشوف حد بطريقتي ينفذ وانت تبعد خالص عن الحوار ده وتتعامل عادي عشان ما توديناش في داهيه قولت ايه
مسك چيمي راسه حاسس انها هتنفجر ويظهر ان الحبايه اللي ماجي بتتدهاله مبقاش يقدر يأعد من غيرها.
چيمي...معاكي حبايه
أبتسمت ماجي بشر طبعا معايا فتحت شنطتهت طلعت منها حبايه وادتهاله.
وطلعت سيجاره ملفوفه وواضح انها سيجاره مش عاديه.
ماجي...خد بقي ولد السيجاره دي هتعلي معاك بعد الحبايه
ولع چيمي السيجاره وبدأ ياخد نفس ورا التاني لحد ما تاه في دنيا تانيه خالص رجع راسه عالكرسي.
ماجي...ايه احسن الوقت
چيمي....بكتيـــــر😇
ماجي...بابتسامه هعمل مكالمه الوقت وبكره استني مني تليفون هعرفك ان المهمه تمت ومتقلقش احنا بعيد عن اي قلق.
هز چيمي راسه باستسلام و كأن تأثيرها الشيطاني اقوي من انه يعترض.
.......
باك.
ماجي..كلها وقت بسيط واخلص منك خالص يا نادين وفضيحتك هتبقي في كل مكان وميبقاش غيري قدام مالك.
..............
في منزل نادين..
نادين...مامي انا راحه الجامعه
وفاء...ماشي يا حبيبتي بابي بيصبح عليكي
نادين..بابتسامه هاتي اكلمه
وفاء...خد اهي معاك
نادين...صباح النور يا بابي
محمد...صباح السكر علي الحلوين ايه رايحه الجامعه
نادين...اه عندي محاضره علي الساعه 12 ومحاضره الساعه اتنين.
محمد...بالتوفيق يا حبيبتي ان شاء الله خلي بالك من نفسك وسوقي براحه يا نادين انا ديما حاطت ايدي علي قلبي من المشوار ده
نادين...يا بابي حضرتك لسه مش واثق في سواقتي وبعدين مش مشوار ولا حاجه دي كلها خطوه.
محمد...خطوه يا مفتربه من أكتوبر للتحرير خطوه واحده
نادين...بضحك متقلقش يا حبيبي انا يوميا بروح خلاص المشوار ده بقي لعبتي
محمد...ماشي ياقلب بابي خلي بالك من نفسك
نادين...حاضر يا حبيبي يلا باي
محمد...سلام
نادين...باي يامامي
وفاء....باي ياقلبي ربنا يحميكي❣️🙏🏻
نزلت نادين من البيت ركبت عربيتها عشان تروح الجامعه طلعت بعربيتها ومخدتش بالها من البنزين اللي بينقط طول الطريق
ولا من العربيه اللي ماشيه وراها.
مسكت موبايلها تتصل علي مالك
مالك...بصوت نايم الوو
نادين...ايه ده انت لسه نايم
مالك...ايوه يا نادين معلش اصلي نايم من ساعتين ولا حاجه فضلت ضاحي لحد الصبح.
نادين...اممم طيب انا قولت اشوفك يمكن غيرت رأيك وهتنزل الجامعه بس ادام منمتش يبقي مش هتبجي
مالك...معلش بقي يا نادين بكره ان شاء الله اشوفك بس ابقي ابعتيلي لما تروحي المحاضرات عشان بكره ابقي مركز
نادين...متقلقش من غير ما تقول اروح بس و هبعتلك الملخصات كلها انت وباقي الشله اصل كلهم مش رايحين برضوا يلا هكسب فيكوا ثواب.
مالك...بابتسامه ربنا يخليكي لينا
نادين...بابتسامه طيب يلا كمل نوم
مالك...اوك يا نادين يلا باي
نادين...باي
قفلت نادين وفضلت ماشيه في الطريق ومشغله اغنيه اجنبي هاديه.لحد ما دخلت في طريق سريع في أكتوبر لكن حواليه صحراء واراضي لسه مش مبنيه فجأه العلامه بتاعت البنزين بقت تنور احمر والعربيه وقفت مره واحده.
نادين...ياخبر ابيض أنا لسه حاطه بنزين أمبارح هعمل أيه ياربي نزلت نادين من العربيه لاحظت ان الارض وراها متغرقه والتانك كله بتاع البنزين فضي عالارض.
نادين...لاااا دي كده عايزه حد يصلحها
فجأه قريت منها عربيه فيها شاب نزل وقفلها.
الشاب...صباح الخير في مشكله
نادين...العربيه وقفت مره واحده والبنزين خلص بس يظهر التانك حصل فيه حاجه
بص الشاب عالارض
ده البنزين كله وقع اكيد التانك أتخبط خبطه قويه خرمته.
نادين...مش عارفه بس انا ركناها بليل كانت كويسه..والوقت فكرت انه بنزين
الشاب...هو لو عالبنزين في بنزينه قدام شويه بس دي محتاجه ميكانيكي اوي اي حد يبصلك عليها
نادين...بس المكان هنا مش فيه اي حد
الشاب...طيب انا عندي حل هربط حبل واوصل عربيتي بعربيتك وفي ميكانيكي قريب انا بتعامل معاه في نفس الطريق وهوديكي ليه
نادين....يبقي ميرسي بجد ليك المهم متعبكش
الشاب...لا مفيش تعب ولا اي حاجه انتي زي اختي هتعرفي تتحكمي في العربيه ولا هتلبسي فيا🤨
نادين...بابتسامه لا متقلقش هعرف
الشاب...تمام لحظه اجيب الحبل
نادين...اتفضل
راح الشاب جاب الحبل وبدا يربط العربيه وبقي كل حاجه تمام.
الشاب...كده تمام بس المهم انتي متأخره او حاجه عشان بيتهيألي ممكن ياخد وقت لحد ما يلحم التانك
نادين...انا كنت رايحه الجامعه
الشاب...اه جامعه اكتوبر طيب مش بعيد
نادين...لا الجامعه الأمريكيه اللي فالتحرير
الشاب...اوبا ده مش ار بس مش مهم هتخلص علي طول ان شاء الله يلا بينا
نادين...يلا.
ركبت نادين وبدأ الشاب يتحرك وشادد عربيتها بالحبل مشيوا مسافه كام متر.. ولف الشاب دخل وسط الخلاء والصحراء
بصت نادين بأستغراب
نادين...ده رايح فين ده كمان ايه اللي مدخله فالصحراء دي.
حست بالتوتر لكن هدا السرعه شويه وخرج من الشباك.
الشاب...معلش هنمشي واحده واحده عشان العربيات متتبهدلش
نادين...هو احنا دخلنا هنا ليه هو مش عالطريق
الشاب...لا مش عالطريق اصلي عطلت قبل كده بسبب مسمار ولمحت لوحه صغيره كده عن ميكانيكي مشيت ورا الاسهم لحد ما و صلتله هو قريب متقلقيش
نادين...اوك
كمل مشي لحد ما بعد عن الطريق شويه
وفجاه وقف بصت نادين حواليها ملاقتش لسه اي أثر للميكانيكي.
نادين ..وقفت ليه
الشاب...الحمل كبير في الطريق ده كله بايظ هفك الحبل واروح انا اشوفه واجيبه معايا احسن
نادين...طيب متتأخرش لو سمحت
الشاب...متقلقيش هجيبه واجي علي طول
هزت نادين راسها لكن من جواها كانت متوتره
فك الحبل ولاقته بيقرب علي عربيتها براحه. فضلت عينها متبعاه لحد ما وقف جمب الباب بتاعها
نادين..بابتسامه توتر في حاجه
بصلها من غير ما يتكلم حست نادين ان قلبها هيقف من خوفها وفجأه فتح الباب وهي مش فاهمه اي حاجه
نادين...في ايه
وفجأه زقها من كتفها نامت عالكرسي التاني
وبدأت تترجم اخيرا انه مكانش بيساعدها وبدأت تقوله بصريخ فيه ايه بتعمل ايه
و لاقته مسك ايدها الاتنين رفعهم لفوق راسها  وربطها بالحبل وهي بتصرخ و بتضربه برجليها بعنف
نادين..ابوس ايدك سبني بالله عليك اوعي تأذيني
وفجأه سمعت صوت البلوزه اللي كانت لبساها بيتقطع صوت صريخها زاد وهو بيحاول يحط ايده علي بوئها.ويضربها علي وشها
نادين...ابوس ايدك انت قولتلي اني زي اختك وانا صدقتك
الشاب...مش هلمسك متخافيش هما يادوب كام صوره ليكي اصل انتي مدفوع فيكي مبلغ محترم يظهر ان اللي عايز الصور دي بيعزك اوي
نادين...ابوس ايدك بلاش بالله عليك بلاش تفضحني وحيات اغلي حاجه عندك انا عمري ما أذيت اي حد انت كداب.
وفجأه حست انه بيسحب البنطلون بتاعها فضلت تصرخ بكل طاقتها وهو يكتم في بوقها وفجأه طلع مطوه من جيبه
الشاب...لو صرختي او صوتك طلع هتلاقي دي رشقت في بطنك وهسيبك هنا تنزفي لحد ما يبانلك صاحب سااااااامعه
سكتت نادين برعب وبدأ جسمها مله يترعش سحب بنطلونها كله فضلت تصرخ وتضرب برجلها لكن كان صعب تنتصر علي شاب في حجم جسمه وكمان وهي مربوطه.
رفع الموبايل صورها كام صوره وقرب منها يجردها خالص من كل ملابسها وسط صراخها
اللي مش بيقف وتوسلاتها اللي مش بتقف
نادين....ياااارب يارب ساعدني يارب
فضلت نادين تضم في نفسها وهي منهاره بتحاول تخبي نفسها منه.
الشاب...باااس بااااس خلاص اهدي خلصت خلاص
نادين...حسبي الله ونعم الوكيل حسبي الله ونعم الوكيل حرام عليك انا معرفكش ليه تعمل فيا كده
الشاب...ماقولتلك خلاص خلصت وهمشي اسكتي بقي
نادين...ابوس ايدك فكني خليني البس قيل ما تمشي مش عايزه حد يشوفني كده ارجوك
الشاب....بس كده انتي تؤمري.
فكلها ايدها قامت زي المجنونه تلبس بسرعه زي المجنونه وهو واقف يتفرج عليها ومبتسم
الشاب...براحه براحه محدش شايفك غيري
بصتله نادين بقرف وهي دموعها نازله
نادين سلام يا حلوه
مسك الحبل وفضل يلفه علي ايده وهو ماشي علي عربيته لمحت نادين حجر كبير عالارض مسكته وجريت عليه بأقصي سرعه وبكل قوته ضربته علي راسه
صرخ ووقع علي ركبه وهو ماسك راسه
فضلت نادين وهي بتصرخ تضربه علي راسه لحد ما فقد الوعي والدم بقي مغرق وشه..
سابت الحجر من ايدها وهي منهاره وجريت طلعت الموبايل من جيبه وفضلت تمسح بسرعه في الصور ودخلت علي المكان اللي بيحتفظ باي حاجه ممسوحه بقت تمسح بسرعه كل صورها اتأكدت ان الصور أتمسحت فضلت تصرخ وهي منهاره وكل جسمها بيتنفض ورمت الموبايل بكل قوتها في الأرض و جريت خدت شنطتها وهي بتحاول تشد البلوزه عشان تغطيها و تداري القطع
خدت مفتاح العربيه وخدت موبايلها وجريت بسرعه علي عربيه الشاب ده شغلتها و ساقت بسرعه رهيبه وكل شويه تبص وراها لحد ما طلعت عالطريق
مكانتش قادره تتحكم في العربيه بسبب الانتفاضه اللي في جسمها وألتفاتها كل شويه وراها عايزه تطمن انها بعدت وفجأه من غير ما تحس خبطت في عمود النور الفاصل بين الطريق طلعت العربيه عالطريق العكسي وجت عربيه بسرعه خبطت عربيتها حركتها مسافه مش قليله واتقلبت العربيه علي جنبها.
بسرعه العربيات بدات توقف والناس تتجمع حواليها غمضت نادين عينها باطمئنان وراحت في دنيا تانيه💔😔
..............
وصل عمر الكافيه اللي كوكو قالتله عليه لقاها اعده مستنياه وحاطيه ايدها علي خدها.
عمر...انا اسف عالتأخير والله
كوكو...😒😒مالسه بدري
عمر...بابتسامه حقك عليا بقي قولتلك اسف الله🤨
طلبتي حاجه
كوكو...لا مطلبتش انا لسه جايه من خمس دقايق
عمر...😳امال ايه اللي مالسه بدري
كوكو....وانا اعد استني ليه من اساسه😡
عمر...طب خلاص قلبك ابيض تشربي ايه
كوكو...انت لسه هتضايفني وتقولي تشربي ايه انا عايزه امشي😒
عمر...ياستي براحه انتي علي طول عايزه تتخانقي كده مش لسه هقولك السبب اللي انا عايزك عشانه نشرب حاجه وهقولك
كوكو...ماشي هاتلي بيبسي
عمر...تمام نادي عمر عالويتر وقاله علي طلباتهم.
كوكو...خير قولتلي انك عايزيني🤔
عمر...تمام الاول اعرفك عليا عشان تفهمي كل حاجه
كوكو...ماشي
بصي يا ستي انتي عارفه اسمي وشغلي طبعا
كوكو...اللي بعده🤔
عمر...😒ماعلينا بصي ياستي انا والدي اصله صعيدي عنده اراضي كتير للفاكهه وعنده شركه كبيره اوي بيصدر منها فاكهه وتقريبا هي الشركه رقم واحد في تصدير احسن انواع الفاكهه لدول كتير
كوكو...ايوه يعني فكهاني🤔
عمر...😳فكهاني شهاب باشا فكهاني
كوكو...ومالهم الفكهانيه معلمين كبار
عمر...يابت بقولك بيصدر وعنده شركه رقم واحد في مصر في مجالها تقوليلي فكهاني ما علينا خليني اخلص.
كوكو...بقولك ايه ادخل في الموضوع انت قولتلي عايزك في موضوع جاي تعرفني عليك وعلي العيله الكريمه ماتخلصني قولتلي انك عايزني😒
عمر..😳ومالك يابت بتتكلمي كده ليه ما تتعدلي🤨
كوكو...صراحه ربنا مش فضيالك😏 عندي حجات مهمه وورايا شغل متلتل🙄
عمر...أتنيلي شغل ايه هو انتي بتسمي شغلك ده شغل يا بتاعت اتنين ونص 😒
كوكو...😒بلاش انت ها ولا نسيت شغل الباشا والدك🙄
عمر...بضحك انا مش هرد عليكي خلينا في المهم.
كوكو...أشجيني🤔
عمر...بقولك ايه انتي بتقبضي كام من شغلك؟؟
كوكو مسكت شنطتها ضمتها لصدرها..😳🙄أحيه أنت طمعان في الكام لحلوح اللي بقبضهم صحيح المظاهر خداعه😏
عمر...بصدمه😳 مظاهر ايه اللي خداعه يابت😡ومالك قفشتي كده في شنطتك انا هسرقك ولا ايه
كوكو....الحرص واجب برده🙄 وبعدين بسم الله ماشاء الله لابس ومتشيك وعندك عربيه تحل ازمه منطقتنا كلها ده غير الشركات والفلوس المتلتله اللي عندكم زي ما بتقول بس هو كده ديمآ اللي زيكم يسيبوا العجل كله ويبصوا علي حتت اللحمه اللي في ايد الغلبانه اللي زيي😒😒
عمر...الله اكبر في عينك انتي يابت بتحسديني وبعدين عجل ايه ولحمه ايه
تصدقي بالله انا غلطان اني جيت واعدت معاكي وغلطان اكتر عشان كنت جايلك في مصلحه هتاخدي من وراها فلوس قد كده بس انتي اللي فقريه.
مسك تليفونه ومفاتيح العربيه ولسه هيقوم.
كوكو..😳استني هنا مالك خلقك كنز كده ليه مقصدش يا باشا😁
عمر...😒😒الوقت بقيت باشا.
كوكو...خلاص بقي حقك علي راسي انا كده ديما مدب واللي في قلبي علي لساني ذله لسان يلا قول قول يا باشا يعني هتدقق مع عيله زيي🙄
عمر...امري لله بصي يا ستي...انا كنت عايزك في مسأله حياه او موت ومفيش غيرك هينجدني الحكايه يا ستي ان انا كبير اخواتي وامي مش بتعمل اي حاجه غير انها كل شويه تجبلي عروسه وبصراحه رغم انهم مال وجمال وعيله بس هما مينفعوش يكونوا زوجات اصلا يعني لبس ومكياچ وسهر وسفر وانا مليش فالجو ده خالص وهي للاسف مش مقتنعه خالص وشايفه اني بتحجج وشرطت عليا عشان تشيل الموضوع ده من راسها خالص يبقي انا اجيبلها عروسه
كوكو..😳أحيه. وعايزني انا اجي امثل دور العروسه دي🤔
عمر...بضحك مش بالظبط لكن عايز اعرفها اني لاقيت العروسه دي واخليها تشوفك وطبعا هي بمجرد ما هتش فك هترفضك وانا هقولها يا هي يا بلاش جواز خالص
كوكو...وترفضني ليه ان شاء الله وحشه ولا وحشه🤔
عمر...بضحك ياستي المشكله مش في الشكل بس انتي وكاميليا متنفعوش مع بعض خالص
كوكو...ليه بقي ان شاء الله😏
عمر...بدأ يحكيلها علي والدتها وطريقتها واصولها وكل حاجه عن حياتها بتتعامل ازاي بتتكلم ازاي
كوكو...بعد ما سمعته صراحه ربنا حقها متقبلش 🤔
عمر...شوفتي بقي كاميليا بتكره الصوت العالي وانتي ماشاء الله صوتك جرس..بتكره اللي بيتكلم وهو بيشوح بايده وانتي ايدك سابقه لسانك🙄
حجات كتير متنفعش  انتوا الاتنين عكس بعض تماما.
كوكو...ان جيت للحق انت لو عريس بجد انا اللي هرفضك بسبب والدتك يعني متأخذنيش انا الكلام بالشوكه والسكينه دول مش بتوعي خالص وانت عارفني خلقي ضيق وايدي زي ما انت عارف سبقاني 🙄
عمر...بضحك عارف عارف ومعنديش استعداد اشوف حد فيكم مسيح دم التاني المهم هنعمل عليها خطه بسيطه هقول ان هي دي العروسه اللي اختارتها وهي هترفض ولما ترفض انا هقول مش عايز اتجوز ابدا غيرها
كوكو...يعني انت بجد مش هتتجوز🤔
عمر...اكيد هتجوز بس الاقي بنت الحلال براحتي يا كوكو مش سلق بيض هو تديني معاد اشوفلها فيه عروسه ولو ملاقتش يبقي لازم اتجوز واحده من اللي بتجبهملي.
كوكو...ماشي فهمت بس انا ليا شرط
عمر...اللي هتطلبيه هدهولك
كوكو...لا انسي الفلوس خلاص انا كنت هاخد فلوس لو كنت جبتلي شغلانه بجد انما دي حاجه بسيطه مساله أنسانيه يعني
عمر...لا ده اتفاق
كوكو...وانا قولتلك اني مش هاخد فلوس عايز تخدمني بجد ابقي شوفلي شغلانه كويسه بعد ما نخلص الحوار بتاعك ويبقي جميل علي راسي كمان غير كده مش هاخد فلوس.
ابتسم...عمر مش بقولك جدعه ياكوكو
كوكو...تسلم يا باشا المهم الشرط
عمر..اتفضلي
كوكو....تيجي معايا وتعرف امي وستي عشان مش هقدر اعمل حاجه من وراهم انت بتقول والدتك تشوفني يعني معني كده انك هتاخدني ليها او هنتقابل في مكان فا لازم يكونوا عارفين قولت ايه
عمر...بابتسامه قولت موافق طبعا
كوكو...طب قوم معايا
عمر...علي فين
كوكو...نروحلهم
عمر...طب وشغلك مش انتي مستأذنه
كوكو...لا خلاص مش مهم اهو يتحسبلي نص يوم
عمر...طب تمام يلا بينا
.........
في غرفه مالك رن موبايله تاني
مسك تليفونه وهو نايم علي نفسه.
مالك...ايوه يا نادين.
سلام عليكم حضرتك تعرف صاحبه التليفون ده

قام مالك من عالسرير بفزع😳 ايوه مين حضرتك وفين نادين

للاسف الانسه عملت حادثه عالطريق ولقيت علي موبايلها اخر رقم لحضرتك واحنا رايحين بيها حالا عالمستشفي
مالك...مستشفي ايه
بلغه الشخص بأقرب مستشفي
مالك.... انا جاي حالا
........
اشوفكم بكره ❣️