البارت الثامن عشر...
خرج مالك من لجنه الامتحان
و هو فرحان جدا اخر يوم امتحان وكل المواد كانت سهله جدا.
كان معاه في اللجنه نادين و ماجي ولحسن حظ نادين كانت قاعده قدامه ولسوء حظ ماجي
كانت قاعده بعيد في اخر اللجنه.
نادين....الحمدلله يارب اخيرا خلصنا.
مالك...الحمد لله حليتي كويس
نادين....طبعا انا معايا دكتور شاطر جدا كان بيشرحلي كل المواد بطريقه سهله جدا
مالك...بابتسامه اي خدمه 😎
نادين...بضحك بلاش غرور بقي
خرجت ماجي من اللجنه في الوقت ده.
نادين...عملتي ايه يا ماجي
ماجي...زفت طبعا معرفتش اي حاجه شكلي كده هشيل السنه كلها مش ماده بس.
نادين...بحزن ياريتك كنتي قريبه مننا يا ماجي مكنتش سبتك والله
بس كمان زي ما انتي شايفه غير انك بعيده عننا اللجان صعبه جدا.
بس من غير زعل انتي كنتي مقصره يا ماجي كتير اوي كنت بتحايل عليكي انتي وباقي الشله تحضروا مكنتوش بترضوا ده يخليكي تهتمي بقي بالمذاكره شويه عشان تخلصي السنه دي علي خير.
ماجي...عادي بقي مش فارقه
المهم انتوا حليتوا كويس
نادين ..الحمد لله
ماجي...وانت يا مالك.
مالك كان مركز معاها اوي و باصصلها بنظره غريبه.
مالك...الحمد لله كله تمام يلا نشوف حمزه وچيمي وخالد ايه اللي أخرهم كده.
نادين...يلا راحوا مع بعض علي لجنتهم ولان ترتيب اساميهم الابجديه كان ورا بعض فا كانوا مع بعض في اللجنه.
مالك...اهم جايين.
خالد...ايه عملتوا ايه
مالك...كله تمام انتوا عملتوا ايه
حمزه...صراحه لولا خالد كان زمانا ضعنا في الماده دي.
خالد...عدوا الجمايل مكانوش حاليين حاجه
چيمي....ما خلاص ياعم انت هتذلنا كده كده شكلي اصلا شايل السنه انا محلتش غير الماده دي وبس الباقي مسلم الورق ابيض
مالك....تستاهل مش كنت بقولك تحضر
چيمي...ياعم كفايه تقطيم بقي متفصلنيش.
مالك...ماشي ياعم هسكت
حمزه....طب ايه مش هنخرج انهارده بليل شويه.
انت بقالك كتير مخرجتش معانا يامالك.
مالك....ميتهيأليش هعرف انتوا عارفين فرح فيروز فاضل عليه يومين وانا لحد الوقت مجهزتش
ولا جبت البدله ولا اي حاجه بسبب الأمتحانات.
حمزه....بس يبقي انا هاجي معاك
عشان اجيب انا كمان
خالد...طيب وانا كمان
مالك...اشطا احنا عايزين نبقي جامدييييين
حمزه...جامدين ومفيش إلا احنا 😎
خالد...طب وانت يا چيمي مش هتيجي معانا ولا هتيجي بشورت
مالك...انت بتاخد رأيه هيجي طبعا.
چيمي....هاجي ان شاء الله
روان...خيانه بتعملوا ايه من غيري
نادين...عملتي ايه وكنتي فين كل ده.
روان...بضحك كالعاده المراقب نادي عليا وانا خارجه عشان نسيت اكتب اسمي
نادين...تاني 😂
خالد...طيب المهم عملتي ايه
روان....كله تمام طبعا
خالد...طيب الحمد لله
مالك...خلاص هنتقابل بليل نشوف حوار البدل ده.
چيمي...تمام
حمزه...انا جاهز من الوقت
روان...ايه ده انتوا بتجهزوا لفرح فيروز
خالد...اه انتي ايه جاهزه ولا
روان...لا خالص مكانش في وقت
عشان الامتحانات هتعملي ايه يا ماجي.
ماجي...بغرور انا طبعا جاهزه والفستان بتاعي عملت بيه أوردر وهيجيلي من بره بكره هيكون عندي
روان...ياسيدي ديما جاهزه انتي
ماجي...طبعا يابنتي وانا زيكم ولا ايه😉
روان...طيب وانتي يا نادين.
نادين...انا لسه مش عارفه يا روان
روان...ايه ده انتي ناويه ما تجيش الفرح كمان.
مالك...نعم مين ده🤨
نادين....بابتسامه إحراج من لهفه مالك لا طبعا هاجي بس اقصد علي موضوع الفستان انا عندي فساتين كتير ممكن البس حاجه منهم.
ماجي...بسخريه اين هو بابي ماسك ايده ولا ايه.
بصلها مالك بغضب
نادين...بابتسامه لا بالعكس انا لو طلبت من بابي اجيب فستان او حتي يبعتلي من بره زي ما انتي جبتي مش هيتأخر عليا بس انا عندي فساتين كتير فعلا ومنهم واحد جديد فا شايفه يعني ان مفيش لزوم اجيب جديد هو يعني القديم بيتلبس مره وبيترمي.
ماجي...اكيد لا بس المفروض يعني كل مناسبه ليها حاجه جديده وبعد كده بيتلبسوا بقي في اي سهره او خروجه عاديه بليل.
نادين...انا بقي لا بسهر بره ولا بخرج بليل وكل مناسبه بروحلها ملهاش علاقه باللي قبلها واظن لما اروح بفستان من اللي عندي مش هتبقي كارثه بشريه كده كده محدش شافني بيه والناس في الفرح مبتبقاش مركزه وحتي لو مركزين و شافوني بيه انا اخر همي الناس المهم ان انا راضيه عن نفسي وشكلي..
ابتسم مالك برضا وابتسمت روان وهي بتحاول تداري وشها.
ماجي...امممم طيب انا همشي بقي قبل ما نادين تفتحلي مرشح جديد.وانا مليش دماغ اسمع بطولاتها مع فساتينها القديمه😏
ابتسمت نادين وهي بتهز دماغها
چيمي...استني يا ماجي عشان في حاجه لازم نقولها والشباب يعرفوها.
مالك...خير
حمزه...انت مخبي حاجه عننا🤨
چيمي...مش مخبي ولا حاجه وبص لماجي عشان يشوف تعابير وشها بس كنت عايز اعرفكم ان انا وماجي ارتبطنا وقريب اوي هروح اطلب ايدها
خالد...بجد مبروك
حمزه...ايوه بقي
نادين...مبروك
روان...يا اندال كده متقولوش بقي كده ياست ماجي.
بصت ماجي بغضب لچيمي
اما چيمي فكان قاصد انه يحطها قدام الامر الواقع عشان متعترضش.
مالك...بصدمه مبروك يا صاحبي
چيمي...الله يبارك فيك يا مالك عقبالك.
ماجي....طيب انا همشي بقي عشان ورايا حجات كتير مش يلا يا چيمي.
جيمي...تمام يلا اشوفكم بليل يا شباب
سلم عليهم چيمي ومشي هو وماجي اللي كان عفاريت الدنيا بتتنطت في وشها.
...........
روان...متزعليش يانودي من كلام ماجي انتي عارفه ان هي كده طول عمرها.
نادين...لا خالص انتي عارفه اني مش بركز معاها اصلا
روان...بس بصراحه عجبتيني في ردك هي علي طول طالعه فيها
نادين...ربنا يعينها علي نفسها
خالد...ما تسكتي بقي يا بوتجاز
روان...والله مش بوتجاز ولا حاجه
بس فعلا طريقتها تضايق
حمزه...فككم منها ايه انت مالك ساكت كده ليه.
مالك...ابدا بس مستغرب
حمزه...مستغرب ايه
مالك...يعني حوار أرتباط چيمي بماجي ده.
حمزه...ولا تستغرب ولا حاجه كانت باينه اوي انت مش شايف چيمي واقع علي بوزه أزاي.
أنت تقرأ
كواكب.
Humorهما من الصعب أن يجتمعان فهل من الممكن أن تجمع أقصي اليمين بأقصي الشمال.🙄 هما ليسوا وجهين لعمله واحده..فالعملات مختلفه من الأساس. 👈👉 المسافه بينهم كالمسافه بين كوكب عطارد وكوكب بلوتو. فهل من الممكن أن يجتمعوا..علي كوكب واحد؟؟
