كواكب.

البارت الرابع

البارت الرابع...
فضل سليم يضحك بهستريا بمجرد ما حكاله سليم وعمر حكايه كوكو.
سليم...بضحك بس دي مش طبيعيه لا هي ولا بنت خالتها.
بقي بالذمه دي قسمه العدل كوكو تبقي كواكب وبنت خالتها تبقي ذكري😂😂
نادر...بضحك صراحه اسم كواكب كان هيبقي لايق لاكتر علي بنت خالتها ماشي معاها أكتر..
سليم...بضحك قال ذكري قال دي ذكري مؤلمه😂😂
عمر...بضحك بتتريق الوقت ولما كانوا واقفين كنت متنح
نادر...لا وخدت منه الاكل مقدرش يفتح بوئه.
سليم...دي تاكلني قال افتح بوئي قال طب دي بصت للساندوتش حتت بصه🤔 والله خوفت😂😂
نادر...بس واضح والله انهم غلبانين اوي والدنيا جايه عليهم
عمر...فعلا
سليم...فعلا ايه ده هما اللي جايين علي الدنيا😂😂
عمر...بضحك طب قوم بقي يا خويا يلا
سليم...يلا بينا
نادر...ما تخليكم شويه حتي العت اجيب للغلبان ده اكل بدل اللي ذكري خدته منه.
سليم...لا ياعم مش عابز الله الغني احسن تفتكر حاجه وترجع تاخده مني😂
نادر...والله انت عايز تقع في واحده زي دي تعلمك الادب.
سليم...مين دي انا والله لو اخر ست في الدنيا ما يحصل ابدا يعني انا اصوم اصوم وأفطر علي واحده زي ذكري😒
نادر...بضحك اهي تبقي ذكري. كل ما تفتكر الستات تندم
سليم...وافتكرهم ليه انا ناسيهم اصلا قوم ياعم انت كمان قوم دي اخر مره اجي للواد ده هنا هي ناقصه كوابيس الواحد يحلم بيها😒
عمر...بضحك يلا بينا😂😂
نادر...بضحك يارب تطلعلك في الحلم
سليم...بضحك وهو بيفتح الباب مش نايم خالص أرتاح بقي😂
عمر...😂😂سلام يا باشا مصر
نادر...حبيبي سلام
.......
برهومه...وبعدين يا اما البنات لسه ما جوش
كواكب...الغايب حجته معاه يا بنتي زمانهم جايين.
برهومه...حجت ايه اللي معاهم دول يومهم أسود بس يرجعوا البت قالتلي نص ساعه بالكتير بقالهم اكتر من ساعه
كواكب...مش بتقولك جايين مشي اكيد البت ذكري ماشيه براحه ما انتي عرفاها حركتها تقيله.
برهومه....بتفكير 🤔تكونش يا اما البت طفشت فعلا هي قالتلي هطفش من وشك انتي وستي.
كواكب...شوفي البت وتربيتها ما صحيح ملاقتش اللي يربيها😒
برهومه....🙄.وده وقته يا اما البت قالتلي مش جايه ومتدوريش عليا تفتكري كانت بتتكلم جد
كواكب....وانتي تعرفي عن بنتك انها بتتكلم جد الوقت تلاقيها جايه هي والمخبله التانيه.
برهومه...يارب هروح ابص عليهم من البلكونه وخمس دقايق لو اتأخروا هنزل اشوفهم لا تكون البت كوكو ماسكه في خناق حد كالعاده.
كواكب...قومي يا اختي
........
عدي حوالي خمس دقايق
وصلت كوكو تحت البيت لقت برهومه واقفه في البلكونه وباين عليها القلق.
برهومه...من فوق شرفتوا يا اختي انتي وهي ده انا هطلع عين أهلكم.
بصتلها كوكو 😒وشاورت بايدها كأن الكلام مش عاجبها.
برهومه...شوحي شوحي يا بت بأيدك اللي هكسرهالك
دخلت مدخل البيت وطلعوا...وقبل ما يخبطوا فتحت برهومه وجابتها من شعرها هي وذكري.
كوكو...ااه اااه
ذكري...والنبي يا خالتي شعري.
كوكو...ما تسيبي يابرهومه بقي حرام عليكي انا علي اخري.
برهومه...اخرك ده انا هطلع عينك كنتي فين يا بت منك ليها قولتي نص ساعه روحتي فين فالوقت ده انتي واللي يتخفي حسها.
ذكري...ياخالتي طب سيبي شعري بس وهنحكيلك
كواكب...يابت سيبي شعر العيال هيتقطع في أيدك حرام عليكي.
برهومه...يتقطع ولا يتحرق حتي مش هسيبهم غير لما أعرف كانوا بيتسرمحوا فأنهي داهيه.
كوكو...كنا في القسم يا برهومه أرتحتي بقي
سابتهم برهومه بصدمه..احيه انتي يابت بقي غيه عندك تروحي الأقسام كل يوم والتاني تروحي ضربتي مين المرادي يابنت بطني هتخسريني الناس والجيران كلهم.
كوكو...يا اما انا لا ضربت حد ولا اتخانقت مع حد كل الحكايه بعد ما قفلت معاكي شلت الموبايل في الشنطه وجه واحد من ورايا بموتسيكل ووراه واحد تانب خطفوا الشنطه من ايدي و بعدها فص ملح وداب جرينا عالقسم نعمل محضر بنمرة الموتسيكل.😡
برهومه...وهي بتخبط علي صدرها يانهار اسود و منيل كان فيها ايه الشنطه يابت
كوكو...الموبايل وصباع روچ و90 جنيه.
برهومه...ياخراب بيتك يا برهومه 90 جنيه مره واحده.
كوكو...امال مرتين😏
برهومه...يابت ليكي عين تهزري
كوكو...طب اعمل ايه بس يا برهومه مانا روحت بلغت
كواكب...اكيد ماشيه مسطوله ومش شايفه قدامك.
كوكو....حتي انتي يا ستي والله ابدا أسألي ذكري ده كان هيسحلني معاه في الشارع كله سبتهاله.
برهومه....يانهار اسود ومنيل الموبايل وال90 جنيه يارب اللهم لا أعتراض
ذكري...ياخالتي ان شاء الله الظابط هيرجعهم هو قال بكره بالكتير هيلاقي العيال دي ويقبض عليهم ويرجعلها الشنطه
برهومه....ده لو لقاهم بقي يكون اتصرفوا في الفلوس وباعوا الموبايل.
ذكري....ان شاء الله خير يا برهومه.انا هدخل اخد دش وانام.
كواكب...استني يابت مش هتاكلي
كوكو...بزعل مش عايزه يا ستي مليش نفس.
دخلت كوكو وقفلت الباب وراها.
كواكب...ما براحه عالبت يا برهومه مش شيفاها مضايقه أزاي.
برهومه...و انا قولت ايه بس يا اما أهُم كلمتين قولتهم من غولبي.
ذكري...والنبي يا خالتي راضيها بأي كلمتين دي علي لقمه الفطار من الصبح.
برهومه...بحزن طب ادخلي سخني الأكل وانا هروح أناديها.
ذكري ..ماشي.
دخلت برهومه الاوضه عليها لقتها اعده عالسرير وضامه رجليها الاتنين علي صدرها وشكلها زعلان
برهومه....قومي يابت يلا عشان تاكلي
كوكو...مش عايزه يا اما
برهومه....يابت زعلانه مني عشان أتفكيت بكلمتين انا زعلت عالفلوس و عالموبايل وبعدين ما انا قولتلك كذا مره ماتخرجيش بفلوس كتير انتي اللي مبتسمعيش الكلام عموما لو رجع ا يبقي الحمد لله مرجعوش خلاص عوضنا علي الله.بس يلا قومي كلي ومتغضبيش عالأكل انا مقصدش ازعلك يابت ما انتي عرفاني بطلع بطلع وبنزل علي مفيش
كوكو...انا مش زعلانه منك يا برهومه ولا حتي زعلانه عالفلوس.
انا زعلانه عالموبايل عشان كان عليه صوره أبويا ودي صورته الوحيده اللي اتصورها معايا يوم ما جابلي الموبايل.
برهومه...الله يرحمه يارب..ان شاء الله هيرجع يابت وربنا مش هيزعلك ابدا
كوكو...يارب يا برهومه
برهومه...طب يلا قومي كلي بقي قلبي مش هيطاوعني يابت تنامي من غير اكل.
كوكو...بحب عامله اكل ايه
برهومه...بضحك شوف يا اختي البت نسيت الزعل في ثانيه ونسيت لما جبتها من شعرها🤔
كوكو...وربنا ما أكل يا برهومه واخليكي تشيلي ذنبي😒
برهومه...لا وعلي ايه يلا قومي عملالك ارز وباميه.
كوكو...ايه الدلع ده كله خلاص هاخد دش بسرعه لحد ما ألاكل يسخن.
برهومه...طب يلا قومي احسن البت ذكري تاكل الاكل كله.
كوكو...بضحك ماشي يلا بينا.
......
في ڤيلا عمر
وصل عمر وركن عربيته دخل لاقي كاميليا وفيروز اعدين مع بعض وكاميليا ماسكه فنجان القهوه
عمر...مساء الخير علي الحلوين.
كامليا...ايوه اضحك عليا بكلمتين عشان مقولكش اتأخرت ليه كل ده ومجتش عالعشاء.
عمر...مش قولتلك في الموبايل هاكل انا ونادر وسليم.
كاميليا...ايوه بس بردو فكرتك هترجع في كلامك وتيجي تاكل معانا.
عمر....اهو تغير يا كاميليا وبعدين بريحك مني يوم.
كاميليا...بحب ومين قالك اني راحتي في بعدك يا سي عمر.
عمر...بحب ربنا يخليكي ليا
فيروز...واخد انت الحب كله😉
عمر...احسدينا بقي
فيروز...بأبتسامه ايه اخبار نادر.
عمر...الحمد لله بخير وكمل بضحك صحيح مش شوفت كوكو تاني
فيروز...كوكو مين.
عمر...كواكب😂
فيروز...بضحك ودي جت ليه تاني
كاميليا...ايه هي بتراقبك ولا ايه ظابطه مرواحها القسم عليك
عمر...وهي هتراقبني ليه بس هو انا اعرفها..دي شنطتها اتسرقت وجت تبلغ وبدأ عمر يحكيلهم كل. اللي حصل.
فضلت فيروز تضحك.😂
كاميليا....وهي عملت الغاغه دي كلها عشان خاطر قلم روچ و90 جنيه وموبايل.😏
هما ال90 جنيه دول يجيلوا حاجه اصلا دول ما يجوش تيبس بياخده اي عامل بيشتغل عندنا.
عمر...اهم ال90جنيه اللي مش عاجبينك دول يا كاميليا ومستقلياهم يعملوا معاها هي كتير
فيروز...فعلا يا مامي في ناس كتير اوي المبلغ ده يمشي حياتهم بس بجد زعلتني اكيد هي مضايقه الوقت
عمر....نادر قال انه هيرجع لها الشنطه بكره بالكتير يارب يلاقي اللي سرقوها.
فيروز...يارب
كاميليا...انت مش ملاحظ انك مهتم بالبنت البيئه دي زياده عن اللزوم.
عمر...اولا انا مش مهتم بيها ولا حاجه انا فعلا شوفتها المرتين صدفه عند نادر...ثانيا بقي وده الاهم هي مش بيئه ولا حاجه ليه تحكمي عليها بكده وانتي متعرفيهاش دي بنت جدعه اوي علي فكره.
عمر....كمان بتدافع عنها وكمان عرفت انها جدعه امال لو مكنتش قابلتها صدفه وبعدين بحكم عليها ليه..لانها داخله القسم مرتين في مده بسيطه شكلها متعوده.
عمر....هو اللي بيتسرق
المفروض يروح فين غير القسم
كاميليا...اوك يا عمر عموما أتمني تشغل نفسك بالموضوع اللي قولتلك عليه زي ما انت مهتم بالاشكال دي وحكايتهم.
عمر...ان شاء الله يا كاميليا هانم أوعدك اني احاول مع اني انا واثق ان من جوايا كرهت الموضوع كله من الاساس يلا تصبحوا علي خير.
فيروز....وانت من اهل الخير ياحبيبي
كاميليا...بون ويي
طلع عمر وفضلت فيروز مع كاميليا
فيروز....مش هتبطلي يا مامي تضايقيه بالكلام بقي.
كاميليا....يعني انتي مش شايفه اللامبالاه اللي هو فيها
فيروز...سبيه يا مامي براحته ارجوكي هو مش طفل وكمان يعني دي حياتي هو اكتر حد عارف يمشيها أزاي
كاميليا..حاضر يا فيروز حاضر بقيت انا الوقت اللي بضايقه عشان خايفه علي مصلحته.
فيروز...مقصدش يا مامي انا..
قاطعتها كاميليا....اوك يا فيروز انا طالعه انام
فيروز..اوك يا مامي أنا كمان هطلع أنام تصبحي علي خير.
كاميليا...بون ويى.
............
في صباح يوم جديد
وصل مالك علي الجامعه بتاعته شاف صحابه من بعيد قرب عليهم
مالك...صباح الخير.
نادين...صباح الخير يا مالك
ماجي...بحب هاي ماجد
چيمي..جاي متأخر ليه؟
مالك...أبدا الدنيا زحمه اوي بره
حمزه...بقول ايه هتحضروا ولا هنزوغ
كالعاده.
چيمي...بضحك أكيد هنزوغ
ماجي...انا شايفه كده برده بصراحه مليش دماغ للمحاضرات ورغي الدكاتره انهارده.
نادين....لا انا هحضر طبعا وياريت انتوا كمان تحضروا
ماجي...وانتي من أمته مش بتحضري يا ست  يادحيحه.
حمزه...بضحك نادين دي والله دخلت شلتنا غلط بس بصراحه من غيرها كنا شيلنا السنه
چيمي...في دي بقي عندك حق لولا التلخيصات بتاعت المحاضرات اللي بتعملهالنا كنا ضيعنا
نادين...طيب ما تحضروا وتسمعوا بنفسكم أحسن الشرح
ماجي....لا مش عايزه انا في مكان أكتشفته لازم نروحه مع بعض واحلي حاجه فيه انه لازم يتراح الصبح
چيمي....طيب حلو ده ونشوف باقي الشله كمان هما في الكاڤيتريا. ايه معانا يا حمزه.
حمزه....اشطا معاكم طبعا
چيمي...وانت يا مالك
ماجي...طبعا هيجي أنت بتسأله هو من امته مالك بيضيع خروجه.
مالك...لا أنا أوت المرادي معلش انا جاي عشان عايز أحضر
أبتسمت نادين بفرحه
چيمي...لا مصدقش وحط ايده علي راس مالك انت شكلك سخن
مالك...في ايه يا عم انت هو غريبه اني أحضر
ماجي...بغيظ صراحه اه غريبه اصلها اول مره تعرض يعني
مالك....عادي بقي اتعودي علي كده عشان من هنا و رايح انا هحضر ولو علي الخروج نبقي نخرج بليل.
چيمي...انت مالك عالصبح شكلك مضايق
مالك...كل ده عشان قولت هحضر
چيمي...لا خالص بس شكلك مش مظبوط
مالك....يمكن عشان مطبق من امبارح بس لكن انا تمام
ماجي....متبقاش رخم بقي خليك معانا انهارده بس و ياسيدي من بكره نبقي نحضر
مالك....معلش يا ماجي مليش مزاج والله انا هحضر مع نادين
چيمي...ماشي يا سيدي زي ما تحب
ماجي...مالك معلش تعالي عيزاك ثانيه.
مالك....أوك بعد اذنكم
راح معاها مالك بعيد ومكانش واخد باله من العيون اللي متبعهاه عين حاقده وكلها شر وعين حزينه.
.....
مالك...خير يا ماجي
ماجي...انت مالك في ايه.
مالك....ياستي قولتلك مفيش حاجه والله عايز احضر مش اكتر
ماجي...انا مش بتكلم علي الحضور علي فكره بس انت متغير
مالك...ولا متغير ولا اي حاجه انا زي الفل
ماجي....انت ليه بتعمل معايا كده يا مالك
مالك...كده اللي هو أزاي
ماجي...ليه بتحاول تتهرب مني ليه كل ما أتقدم ليك خطوه ترجع انت عشره مالك انا بحبك
مالك...ماجي احنا مش خلصنا من الحوار ده بقي
ماجي...لا مخلصناش يا مالك وانا عايزه أعرف انت ليه بتعمل معايا كده ليه مش حاسس بيا ليه مش عايز تدي علاقتنا فرصه.
مالك...علاقتنا؟؟ احنا مفيش بينا علاقه يا ماجي و قولتهالك اكتر من مره انا مبفكرش في الارتباط لا بيكي ولا بغيرك انتي بالنسبالي مش اكتر من صديقه زميله بس يا ماجي قولتهالك كتير وانتي مصممه ان يبقي في بينا علاقه
ماجي....طيب وليه لا اديني سبب ايه اللي انت عايزه مش موجود فيا
مالك...ياستي ولا اي حاجه انتي زي الفل بس انا مش عايز مش حابب افكر في الارتباط علي الاقل الوقت
ماجي...طب ونادين؟
مالك...مالها نادين؟
ماجي...تبقي بالنسبالك ايه ولا انت فاكر اني مش واخده بالي بأهتمامها بيك
مالك....نادين بالنسبالي زيك يا ماجي مش اكتر من زميله وصديقه وواحده من شلتنا واعرفها من قبل ما اعرفك كمان يعني هي صديقه غاليه عليا
ماجي...بس هي مش بتشوفك كده يا مالك
ولا أنت مش ملاحظ؟
مالك....ماجي انا قولتلك اللي عندي وماليش دعوه بغيري بيفكر ازاي وبيهتم ازاي.ولو عالأهتمام فكري يا ستي باللي بيهتم بيكي.؟
ماجي...تقصد ايه؟
مالك...اقصد چيمي يا ماجي چيمي بيحبك اوي ولا انتي مش ملاحظه؟
ماجي...حتي لو ملاحظه ميهمنيش المهم انا عايزه مين
ولا انت بقي رافض يكون في بينا علاقه عشان خاطر چيمي؟
مالك...چيمي ملهوش علاقه باللي بحسه من ناحيتك يا ماجي بس كمان عايزك تعرفي حاجه لو في حاجه جوايا من ناحيتك وحسيت ان چيمي بيحبك برده هبعد عنك عشان معنديش أستعداد أوجع صاحبي أو أخسره أتمني يا ماجي يكون كلامي وصلك واتمني كمان ان دي تكون اخر مره اكلمك في الحوار ده.
بصتله ماجي بغضب وسابته ومشيت مكان صحابها.
ماجي...بغضب يلا بينا
چيمي...في ايه
ماجي...مفيش يلا يا چيمي نمشي من هنا
چيمي....طيب طيب يلا بينا حمزه هات باقي الشله وتعالي ورانا
حمزه...أشطا سلام يا نودي سلام يا مالك
نادين...باي
مالك لنادين..المحاضره فاضل عليها أد ايه
نادين...لسه حوالي نص ساعه تحب نروح نشرب حاجه لحد معاد المحاضره.
مالك...طيب تمام يلا بينا.
..........
كوكو...يلا يا ذكري هنتأخر أنجزي بقي
ذكري...انا جايه اهو خلصت
كوكو...عايزه حاجه يا برهومه
برهومه....لا خلوا بالكم من نفسكم وابقي كلميني في وسط اليوم كده طمنيني عليكي انتي مش معاكي محمول اكلمك عليه
كوكو....ماشي يا برهومه ان شاء الله يمكن الظابط يكلمني ويلاقي العيال اللي سرقتني
برهومه...ان شاء الله ربنا يعتره فيهم ولاد الحرام دول.
ذكري...سلام يا خالتي
برهومه...سلام يا ذكري .
كوكو...عايزه حاجه يا ستي.
كواكب....عيزاكم طيبين.
كوكو...يلا سلام عليكم
برهومه و كواكب
وعليكم السلام.
.......
فيروز...صباح الخير يا حبيبي.
نادر...صباح الفل ايه صحيتي
فيروز...انا صحيت ولبست وخارجه خلاص
نادر...ماشي يا حبيبي خلي بالك من نفسك بس.
فيروز...حاضر انت خلصت ولا لسه
نادر...اه خلصت ومشيت كمان انا فالطريق مروح اهو.
فيروز...ماشي يا حبيبي لما توصل عرفني
نادر...تمام سوقي علي مهلك
فيروز...حاضر يلا سلام
نادر...سلام يا قلبي
..............
اعد مالك ونادين في الكاڤيتريا بعد ما طلبوا نسكافيه.
مالك كان أعد ساكت وسرحان.
نادين...مالك
مالك........
نادين...مااالك
مالك...ها في حاجه يا نادين.
نادين...ايه مالك سرحان في ايه بكلمك مش بترد
مالك...لا ابدا سرحت بس شويه كنتي بتقولي ايه.
نادين...تضايق لو سألتك مالك؟
مالك...انتي هتعملي زيهم؟ مالي ما انا كويس اهو.
نادين...لا مش هعمل زيهم بس انت شكلك مش في احسن حالاتك او بمعني اصح باين عليك اوي انك فيك حاجه احنا متعودين علي مالك اللي بيضحك وبيهزر ديما لكن مالك اللي ساكت ده بصراحه مستغرباه.
مالك...هو انا ممكن أسألك سؤال.؟
نادين..بأبتسامه طبعا يا مالك أتفضل؟
مالك...بصي انا عارف ان انتي و ماجي مش صحاب اوي بس كمان اكيد بتتكلموا.
أختفت ابتسامت نادين...ايوه اكيد بنتكلم مع اننا مش صحاب اوي زي ما بتقول انا وهي مختلفين عن بعض تماما يا مالك فا بيتهيألي عمرنا ما هنكون صحاب اوي
مالك...طيب بصي يا نادين انا في حاجه شغلاني اوي وبصراحه مش عارف الاقيلها تفسير
نادين....في ايه يا مالك قلقتني؟
مالك...يعني.. چيمي بقاله فتره متغير جدا يا نادين حاسس ان طريقته معايا مش صافيه اللي جواه الضحك والهوار والمعامله العاديه مش قادرين يخفوا اللي جواه.. حاولت اعرف كتير ماله بس كل مره يقول انه تمام ومفيش اي حاجه بس انا مش مصدق.
نادين...احمم طيب هتضايق لو اتكلمت معاك بصراحه.
مالك...اكيد لا طبعا انتي تعرفي حاجه انا مش عارفها؟
نادين...لا خالص بس انا عايزه أسألك سؤال ماجي تبقي ايه بالنسبالك يا مالك.
مالك...انتي اللي بتسألي سؤال زي ده ما انتي عارفه اني مش بطيقها اصلا و مستحمل وجودها في الشله عشان في بينا صحاب مشتركين بيحبوها ومنهم چيمي.
نادين...ايوه بس هي بالنسبه لچيمي مش مجرد صاحبه في شله چيمي بيحبها يا مالك.
مالك...عارف يا نادين وحاسس من زمان مع انه عمره ما كلمني عنها بس برده مقولتليش ده ماله باللي انا بقولك عليا
نادين...هو ده السبب يا مالك چيمي بيغير من حب ماجي ليك مش عارف يخليها تحبه ولا عارف يخليها تشيلك من دماغها.
مالك...بس اظن كفايه انه عارف انها مش في بالي أصلا.
نادين....ده بالنسبالك بس يمكن بالنسباله شايف أشمعني انت فيك ايه زياده عنه عشان يخليها تحبك ومتحسش بيه مثلا
مالك...ايوه بس انا عمري ما تخيلت انه يفكر كده خصوصا ان التغيير اللي بقولك عليه ده من فتره بسيطه..ولو علي حب ماجي ليا فا ده هو عارفه من اول سنه في الجامعه والوقت أحنا في رابعه يعني الموضوع مش جديد عليه.
نادين...ما يمكن محبهاش علي طول يا مالك ويمكن في سبب تاني بس انا واثقه ان السبب ده وراه ماجي بردو
مالك...طيب هو انا عمري كنت وحش مع چيمي يا نادين.
نادين...لا طبعا من اول ما دخلنا الجامعه و انت وچيمي من اكتر الناس المعروفه فالجامعه انهم مش بس صحاب دول اكتر من اخوات.
مالك...امال ايه بس انا هتجنن چيمي صاحب عمري وطريقته دي تعباني جدا.
نادين...سيبه علي راحته يا مالك انت سألته كتير وعملت اللي عليك لما يلاقيك مش بتسأل وبطلت تخرج وبقيت تحضر هو اللي هيجي يكلمك ولو في حاجه حابب يقولها هيقولها
مالك...ولو مقالش.؟
نادين...خلاص يبقي أتعامل عادي ويمكن يكون انت اللي مأوڤر شويه مش شرط يعني احساسك يكون صح.
خصوصا يعني ان قبل ما تيجي كان بيتكلم عن عيد ميلادك وهو ماجي وحمزه وباقي الشله كانوا بيتفقوا انهم يعملولك مفجأه يوم الحفله. بيتهيألي لو زعلان يا مالك مش هيفكر يفاجئك ولا يتكلم بالحماس ده ولا ايه؟
مالك...بشرود ماشي يا نادين اما نشوف.
نادين...طب ايه مش يلا بقي عشان نحضر ولا رجعت في كلامك
مالك....انا مصدع ومليش مزاج بفكر محضرش وكويس انهم مشيوا.
نادين...لا بقولك ايه انت فاكرني طيبه انا شريره اوي🤨 وهتحضر يعني هتحضر ومسكت ايده تشده يلا قوم معايا بلاش دلع
بص مالك علي أيدها اللي حضنت كفه ورفع عينه بأبتسامه هاديه
سحبت نادين ايدها بهدوء وهي محرجه من اللي عملته رجعت شعرها لورا بأرتباك.
مالك...يلا بينا بس متتعوديش علي كده
نادين...لا هتعود يا مالك وهتحضر عشان لازم تجيب امتياز انت ناسي ان دي اخر سنه
مالك...ماشي يا ستي بس انا بفهم من شرحك وتخليصك اكتر
نادين...بابتسامه بجد
مالك...بجد
نادين...خلاص هاشرحلك و افهمك وألخصلك بس بردو ها تحضر 😊
مالك...🤨بردو
نادين..ايوه بردو يلا ادامي.
مالك...😉تمام با أفندم.
دخلوا مع بعض عالمحاضره ولأول مره نادين تحس انها طايره من كتر السعاده..
لأول مره من 3 سنين تحس انها معاه من غير الشله اللي مأثره عليه لأول مره تحس انها مرتاحه وهي شيفاه مش معاهم لأول مره تحس ان مالك بدأ فعلا يحس باللي حواليه ودي اكتر حاجه كانت مخلياها طايره ...من البدايه هي عارفه ان مالك مش زيهم بس كان صعب تقول ده لان مالك مكانش هايصدقها و تأثيرهم عليه كان هيبقي اقوي من وجودها وسطهم فا فَضَلت تفضل جمبه من غير ما تتكلم لحد ما هو يحس واخيرا بدأ يحس❣️
....................
في عياده عمر.
كان في غرفه الكشف الخاصه بيه مستني دخول كشف جديد خبطت السكرتيره ودخلت الحاله اللي معاها وخرجت.
عمر..اهلا بيكي اتفضلي.
البنت...اهلا بحضرتك
عمر...الاسم.
منار شوقي.
عمر...سنك
منار...28.
عمر...انسه ولا مدام.
منار...لا مدام
عمر..كتب عمر بياناتها وبصلها تمام اتفضلي ايه سبب زياره حضرتك.
منار...انا متجوزه بقالي سنه ونص تقريبا ولحد الوقت محصلش حمل
عمر...تمام عملتي اي تحاليل وفحوصات.
منار...ايوه أتفضل الفايل ده فيه كل حاجه عملتها واي دكتور روحتله كان بيكتبلي علاج هتلاقيه بردو في الروشتات
فتح عمر الورق وفضل يبص فيه.
عمر...كويس جدا انتي تحاليلك انتي وجوز حضرتك كلها كويسه جدا
منار...عارفه ده اللي سمعته من اغلب الدكاتره بس عايزه اعرف لو في حاجه اعملها غير الفحوصات دي تبين سبب التأخير
عمر...سبب التأخير ده من عند ربنا مش معناه ان لازم يكون في عيب انتي حملتي قبل كده
منار...لا ولا مره..كنت بس حاله أسأل لو في اي منشط ممكن اخده خصوصا ان جوزي جاي من السفر لعد اسبوع
عمر...دي اول مره يسافر
منار...لا خالص من يوم ما اتجوزت وهو بيسافر بيأعد شهرين فالسفر و بينزل اسبوع واحد بس.
عمر... امممم تمام اخر بريود كانت امته؟
منار...من اسبوع بالظبط.
عمر...كويس جدا يعني تقريبا معاد التبويض هيكون في نفس معاد رجوع جوزك وده توقيت كويس جدا
منار...طيب هينفع اخد منشطات.انا معنديش بديل غير كده
عمر...انتي مش محتاجه منشطات ولا هو كمان كل الحكايه ان معاد سفره بيعارض معاد التبويض يعني الحكايه كلها ان التوقيت مبيبقاش مناسب انا بس هكتبلك علي شويه حجات تستخدميها الفتره دي بنظام عشان يكون في إستعداد للحمل.
منار...بفرحه يعني في امل يا دكتور.
عمر....طبعا في امل متقلقيش ان شاء الله هستناكي تيجي تعرفيني انك منتظره بيبي
منار...يارب يا دكتور يارب.
بعد وقت بسيط خرجت منار.واستني عمر اخر كشف هيدخل عشان يمشي بعدها.
............
خلصت كوكو وذكري شغلهم
كوكو...يابت يلا مدي شويه هنتأخر علي نادر باشا
ذكري...يارتني ما قولتلك انه كلمني يا بعيده هتقلبيني علي وشي
كوكو...لا وحيات امك مش وقت قلبان عالوش انتي بتقعي بتبقي شبه الصرصار اللي اتقلب علي ضهره وانا صحتي في النازل مش حمل فرهده
ذكري...طب براحه طيب
كوكو...هو قالك ايه يابت.
ذكري...الله يخربيتك تاني يابت ما انا قولتلك اتصل بيا وقالي أبلغك ان الشنطه عنده في المكتب وانه قبض عالعيال اللي سرقوكي وعايزك تيجي تستلميها.
كوكو...الحمد لله يارب طب يلا مدي يا بوز الأخص أخلصي.
ذكري...منك لله انتي وامك وستي..
كوكو...امشي و متبرطميش😡
..........
وصلت كوكو القسم اخيرا قابلت نادر واستلمت شنطتها لكن كان ناقص منها ال90 جنيه.
نادر...امضي هنا يا..
كواكب...🙄
نادر...بابتسامه ياكوكو
كوكو....تمام يا باشا😂
امسكي دي كمان
كوكو...ايه دي ياباشا
نادر...دي 100 جنيه بدل ال90 اللي العيال دي صرفوها لما مسكماهم ملقناش في جيبهم غير فكه دول بقي مني ليكي .
كوكو...بأبتسامه تُشكر ياباشا بس انا مابقبلش العوض.
نادر...ده مش عوض علي فكره وبعدين من الشرطه في خدمه الشعب انتي جيتي عشان اجيبلك حقك واديني جبتهولك.
كوكو....صح يا باشا وحضرتك جبته كفيت و وفيت زي ما بيقولوا وحقي اخده من اللي سرقوني يا باشا مش من حضرتك.
نادر...يابت خدي اسمعي الكلام بدل ما انزل أدور فيهم الضرب في التخشيبه.
كوكو...بإبتسامه قلبك ابيض يا باشا بس معلش سامحني مش هقدر اخدهم انا كده مرضيه اوي شنطتي رجعتلي وفيها موبايلي وده اللي كان يهمني عشان عليها صوره ابويا الله يرحمه ومتنساش طبعا صباع الروچ ده أهم حاجه ده ب25 جنيه يعني تقدر تقول ده أغلي صباع روچ اشتريته😂
ضحك نادر وهو باصصلها.
كوكو...الفلوس بتيجي وبتروح يا باشا وانا واحده واخده عالشقاء والمرمطه من صغري وبعرف اجيب الجنيه لكن الذكريات يا باشا متتقدرش بتمن ولا ينفع نشتريها وصورتي مع ابويا بالنسبالي كنز
نادر...بابتسامه ربنا يرحمه يا كوكو عرف يربي صح طب بقولم ايه
كوكو...قول يا باشا
نادر....ده الكارت بتاعي خليه معاكي في اي وقت تحتاجيني كلميني من غير ما تترددي
خدت كوكو الكارت وأبتسمت شكرا يا باشا ده شرف ليا والله.
نادر...انتي اللي شرف لأي بنت يا كوكو ربنا يوفقك في حياتك
بس بقولك ايه🤨🤨انا عند وعدي لو لمحتك دخلالي وضاربه حد هرميكي في التخشيبه
كوكو..وهي بترفع ايدها لا وربنا ابدا حرمت تصدق يا باشا هتصدق ان شاء الله انا هخرج من هنا مش هتشوف وشي تاني خالص واقولك هقطع الكارت بتاعك كمان 😂
نادر...بضحك انتي مصيبه والله يلا روحي عشان الوقت أتأخر.
كوكو...سلام عليكم
نادر...بضحك عليكم السلام.
خرجت...كوكو.
ذكري..كل ده بتهببي ايه جوه
كوكو...خلاص خلصت يلا بينا.
ذكري...يلا يا اختي امك لولا عارفه اننا بنجيب الشنطه كانت علقتنا علي باب الحاره
كوكو...طب يلا بسرعه
..............
عدي وقت بسيط نزلت كوكو وذكري من الميكروباص ودخلوا علي اول الشارع.
ذكري...هموت وادخل الحمام مش قادره مدي شويه يا بت
كوكو...مين يا بت اللي يمد😒انا لو مدبت مش هتلمحيني قدامك انا ماشيه علي مشيتك أصلا.
ذكري...طب اسكتي اسكتي بدل ما اغرق الشارع واعمل فيضان بيكوا
كوكو...😒الله يقرفك..ايه ده هي ام شكري مالها بتجري وتمد كده ليه.
ذكري...معرفش
كوكو...أم شكري ام شكري
وقفت جارتها وهي باين عليها القلق والخوف.
كوكو...في ايه مالك انتي كويسه .
ام شكري...الحقيني يا كوكو الواد أبن هبه تعبان اوي
كوكو...ليه كفي الله الشر ماله مش ده اللي لسه مولود
ام شكري.. ايوه هو تعبان من امبارح ومن امبارح رايحين جايين علي المستشفي وروحت الصبح بيه مستشفي تبارك فيها دكتور كويس الواد نفسه كان رايح اعده ساعتين تحت الملاحظه ولما بقي كويس قالنا روحوا الوقت الواد تعب تاني وانتي عارفه جوز هبه مسافر ده حتي محضرش ولادتها واهله كلهم من البلد معناش حد
كوكو...وواقفه ترغي يا وليه اخلصي هاتي الواد وهبه علي ما أوقف توك توك ولا اي عربيه انتي سيباهم ليه اصلا
ام شكري...كنت راحه اشوف اي دكتور من الصيدليه يجي يشوفه
كوكو...دكتور من الصيدليه انجزي يا ام شكري عشان متغباش عليكي في دكتور شاطر اوي في المهندسين سمعت ناس كتير بتشكر فيه
ام شكري...بس ده اكيد غالي
كوكو...يا اختي غالي ولا رخيص متحمليش هم انا معاكي انجزي يا اختي
ام شكري...انشالله يخليكي ويرزقك بابن الحلال اللي يريح بالك
كوكو...ياوليه مش وقت دعاوي انجزي😡
ام شكري...بخوف طيب طيب رايحه اهو. وجريت بسرعه
ذكري...بقولك ايه انا مش قادره روحي انتي  هموت وادخل الحمام
كوكو...طيب ماشي وعرفي امي اللي حصل بدل ما ارجع الاقيها وقفالي بمطوه
ذكري...ادام مع ام شكري هتسكت انتي عارفه انها صحبتها وبتحبها.
كوكو...طب يلا اطلعي اهم جايين اهو.
ذكري...يلا سلام
خدتهم كوكو و جريت وقفت توك توك و مشيوا بسرعه.
...............
في عياده عمر.
عمر للسكرتيره...مها في اي حد تاني بره
مها..لا كده تمام يا دكتور خلصنا الحمد لله
عمر...طيب روحي انتي بقي وانا هقفا وامشي
مها...تمام بعد اذنك يا دكتور
عمر...اتفضلي.
مسك عمر موبايله يكلم سليم.
كنسل عليه
عمر...بتكنسل ليه يا كلب البحر انت اتصل عليه تاني.
سليم...ايوه
عمر...بتكنسل ليه
سليم...معلش معايا كشف
عمر...فاضلك كتير انا خلصت ما تنجز عشان اخدك في سكتي بدل عربيتك البايظه.
سليم...انا تقريبا ده اخر كشف خلاص بس لو مستعجل خلاص روح انت وانا هاخد اوبر
عمر...لا هستناك خلاص
سليم...اوك تمام سلام الوقت
عمر...سلام.
..........
وصلت كوكو اخيرا تحت برج كبير في المهندسين واخيرا مع الوصف قدرت توصل للدكتور اللي هي سمعت عنه...
وكأن القدر جابها برجليها من غير ما تعرف ان سليم هو الدكتور ده 🙄
ولا تعرف
ان القدر بيحرك الكره الأرضيه.
عشان الكواكب تتلاقي مع بعض❣️
وفجأه ششش🤫🤫
بكره نكمل 🏃🏃
#أميره_أسامه
#كواكب
#وفجأه
#صاحبه_البطل_الواحد
.......