كواكب.

البارت التاسع والعشرون

البارت التاسع والعشرون..

طلعت كوكو جري عالبيت وهي طايره من الفرحه فتحت ودخلت عالبيت
كوكو...برهومه يا برهومه
خرجت برهومه جري من اوضتها كانت بتجهز عشان تنزل الشغل لأنها متعوده تنزل علي اخر النهار
عشان متسبش كواكب لوحدها.
برهومه...في ايه يابت😳
كوكو...لقيت شغل يا برهومه في مطعم جامد جدا
برهومه...ياألف نهار ابيض ده من دعايا ليكي يابت
كوكو...ربنا ما يحرمني من دعاكي يا برهومه يارب
كواكب....الحمد لله يابت انتي طيبه و تستاهلي كل خير
كوكو...حبييتي يا ستي ادعيلي ربنا يرزقني واقدر أحقق حلمك انتي وامي و أطلعكم حج او عمره والله لو ربنا كرمني من وسع لا هحققلكم حلمكم
كواكب....يارب يسمع منك يا كواكب يابنت برهومه
برهومه...😳😳🙄احيه ما بلاش مواكب دي احسن تطلعنا في رحله للمشرحه بدل العمره ولا الحج
ضحكت كوكو وراحت قعدت جمب كواكب وحطت ايدها علي كتفها.
كوكو....بأبتسامه من انهارده لا في مشرحه ولا اقسام ولا خناق وضرب من انهارده انا فخوره اني اسمي كواكب ده شرف ليا ابقي اسمي علي اسم ستي
برهومه....احيه وده من امته😳
كواكب....شوفيها يابت احسن تكون سخنه ولا تعبانه
كوكو...بضحك انا لا تعبانه ولا سخنه ياستي زي ما الفتره اللي فاتت كانت درس للكل كانت درس ليا انا اول واحده.
يعني مينفعش ابقي فخوره بكل حاجه في حياتي و مضايقه من اسمي اللي بيميزني وسط الناس
صدقوني انا بتكلم من قلبي انا طول عمري بحب اسمي وغالي عليا عشان ستي غاليه عندي اوي
يمكن كنت بزعل لما حد بيترق علي اسمي و يضايقني لكن عمري ما كرهته والله انا يمكن كرهت التريقه والتنمر لكن اسمي كان غالي وهيفضل غالي
برهومه...ربنا يكملك بعقلك يا كوكو
كوكو....المهم بقي اعملوا حسابكم اني اول ما هقبض الشهر الجاي اعتبروا اني مقبضتش وكل واحد فيكم نفسه في حاجه هعملهاله حلاوه الشغل.
كواكب....ولزومه ايه بس يا بنتي الصؤف والبعزقه.
كوكو....لزومه اني محتاجه افرح وأفرحكم معايا مره من نفسي كتير علينا الفرحه يا ستي
كواكب...لا يا اختي مش كتير
كوكو...كتير يا بروهومه
برهومه....بتأثر🥺مفيش حاجه كتير عليكي يا عين أمك انتي تستاهلي الدنيا باللي فيها.
كوكو...ربنا يخليكم ليا بقولك ايه انا هدخل اخد دش وهكمل انا مكانك الاكل وروحي يلا علي شغلك انا مع ستي متقلقيش عليها
و هنستناكي ترجعي انتي والبت ذكري عشان ناكل سوا
برهومه....ماشي يا حبيبتي.
كوكو...صحيح نسيت اقولك مالك هو اللي جابلي الشغل
برهومه...مالك اخو عمر
كوكو...اه يا برهومه لما كلمني وعرف اني بدور علي شغل طلب مني اشتغل معاهم في الشركه انا رفضت بعدها كلمني وقاللي انه ليه واخد معرفه عنده مطعم وخدني ليه واتفقنا علي كل حاجه وجابني لحد تحت.
برهومه...بابتسامه في الخير والله
كوكو....مالك جدع وابن حلال بيحاول يعمل اي حاجه عشان يردلي الجميل بس هو عبيط لاني معملتش فيه جميل انا وقفت معاه من قلبي
برهومه....مش جميل ولا حاجه متحسبيهاش كده هو كمان بيعزك اوي
كوكو...وانا كمان والله المهم يلا بقي عشان متتأخريش.
برهومه.....خلاص ماشي انا جاهزه يلا عايزين اي حاجه
كوكو...سلامتك يا برهومه
كواكب...ربنا يستر طريقك يارب ويرزقك بالرزق الحلال
برهومه...يارب يلا سلام عليكم
برهومه...كوكو...عليكم السلام
........................
في المساء أتقابل عمر ونادر وسليم قيل مايروحوا.
سليم...نعم يا اخويا انت وهو يعني عايزني اروح أتسحب وانا رايح لأخويا عشان ست كوكو😒
عمر....يا غبي ماهي لو شافتك هتفهم وممكن تسيب الشغل انا عارفها وكمان عارف انها محتاجه الشغل الفتره دي يا سليم مش عشان فلوس بس كوكو محتاجه شغل عشان يشغلها ويخليها تنسي الفتره اللي فاتت
سليم.....خلاص يا سيدي صعبت عليا 🙄وعموما انا فاهم ومتقلقش انا هبقي عامل خسابي كويس وبعدين انا مش بروح كتير يعني عند معاذ
عمر...طيب الحمد لله طمنتني.
سليم....بس مقولتليش  من امته الحنيه دي كلها كوكو شكلها سرها باتع لا تكون عملتلك عمل زي ما كاميليا بتقول😂😂
عمر.....كوكو دي حد صعب تلاقيه بسهوله وسط الدنيا الغريبه اللي بقينا فيها في وسط ما انت شايف كل حاجه وحشه بتحصل حواليك تظهر كوكو بجدعنتها وحنيتها وقلبها اللي ماشوفتش اكبر منه
ببساطتها برضاها بعزة نفسها
صدقني يا سليم انا مكنتش مرتب اني احبها.
شوفتها لاول في القسم عند نادر كانت بالنسبالي صدقه غريبه حتي المرات اللي شوفتها فيهم بعد كده كانوا بالنسبالي صدفه غريبه بس
برضوا مكانش في دماغي اني أحبها خالص..مش عارف حبيتها امته وازاي وليه صدقني مش عارف كل اللي اعرفه اني كنت ناوي استعين بمساعدتها عشان
متجوزش في الوقت الحالي ده خالص و الاقي بنفسي الحب اللي كنت بدور عليه.
اكتشفت مع الوقت اني لقيت الحب ده فيها لقتني بحبها وبغير عليها لقتني بضايق جدا مع كل كلمه سخيفه كاميليا كانت بتسمعهالها لقتني مبسوط لما اشوفها بترد عليها بأدب لكن بطريقه ترد بيها أهانتها شويه شويه بقيت احس اني عايز اشوفها علي كول بتحجج باي حاجه عشان اكلمها لما حصل اللي حصل معاها هي ومالك
كنت هتجنن وكان هاين عليا اشتغل مع الظابط بقيت كل شويه اتصل بحمزه وخالد اعرف اخر الاخبار عرفوا حاجه عن چيمي وماجي ولا لا.كنت حاسس لاول مره اني متكتف كل ما افتكر شكلها وهي حزينه ومطفيه مش هي دي كوكو اللي أتعودت أشوفها اتجنن لما حاولت انا ونادر كتير اني اشوفها وهي كانت بترفض كنت حاسس اني ضايع كانت فاكره ان بالشكل ده هنساها وهبعد متعرفش اني كنت بمسك فيها واتعلق بيها اكتر..
سألت نفسي كتير انا ليه بعمل كل ده ليه كل الاحاسيس الغريبه دي
اللي بقيت احس بيها
ملاقتش غير إجابه واحده وبس.
وهي اني بحب كوكو بحبها زي ما هي كده حتي العيوب اللي كانت كاميليا بتشوفها فيها انا عمري ماشوفتها ولا اهتميت بيها
صدقوني انا محستش ان حياتي ليها قيمه غير لما كوكو دخلتها
بقيت اضحك من قلبي ابتسم بجد مش بجامل جوايا مشاعر كتير حلوه مكانتش موجوده قبل كده
سليم.....انا مكنتش اعرف انك ممكن تحب وتتعلق بكوكو بالشكل ده فالاول فكرت انك حابب تساعدها وتقف معاها زي ما هي عملت او تحاول تقف معاها عشان خاطر مالك
عمر...خالص والله ياسليم انا مفكراش في كل ده انا فكرت فيها هي وبس حسيت انها بتتاخد مني مقدرتش بجد
نادر...بس سيبك انت كوكو دي جدعه وتستاهل كل خير ويمكن انا عكسك تماما يا سليم قولتها لفيروز قبل كده اني حاسس ان اللعبه دي هتتقلب بجد واللي حسبته لاقيته وكمل بضحك زي ما انا حاسس ان حكايتك مت ذكري هتقلب بجد.
سليم...😳😳ايه ذكري ليه كده يا شيخ انا عملت فيك حاجه دي ممكن تصحي من النوم جعانه تلاقيني جمبها تاكلني.
عمر...بضحك حرام عليك دي ذكري دي جميله كفايه خفه دمها وقلبها الابيض. ولا هتعمل زي كاميليا😏
سليم...ياعم انا لا هعمل زي كاميليا ولا هعمل زيك هي فعلا جدعه ودمها خفيف وفيها كل حاجه حلوه متتخيرش عن كوكو
بس كمان في فرق بينها وبين كوكو ذكري دي كتير اوي عليا لا ياعم لو الجواز هيرسي علي ذكري
مش هتجوز 🙄
نادر...والله انت الخسران
سليم...ياعم ملكش فيه انا بحب الخساره.
عمر....يعني انت كل مڜكلتك في وزنها
سليم...وزنها وتركيبتها هي تركيبه مختلفه تماما عني يا عم من الاخر مفيش توافق خالااالص ارتاحوا بقي
عمر...بضحك والله شكلك هتدبس فيها زي ما نادر بيقول😂
سليم...😳😳ده علي جثتي😒
............................
كل حاجه استقرت الفتره دي
مر يوم ورا يوم ورا يوم كوكو تمت اسبوعين في المطعم وبقت عندها خبره كبيره ورغم ان معاذ عارف ان شغل كوكو كان بأتفاق بس مقدرش ينكر ابدا ان كوكو شاطره و ذكيه فعلا عندها ألتزام كبير جدا بتتقن شغلها كأنها بتمارس المهنه من كذا سنه
بقت محبوبه وسط فريق العمل في المطعم جدا شباب وبنات ورغم ان فيهم ناس كانوا مستواهم افضل كتير من كوكو لكن الكل كان بيستجدعها جدا وقدرت كوكو تحصل علي حب الجميع.
وفي خلال الفتره دي عمر كل يومين يجي يبص عليها من بعيد وقت معاد خروجها و يطمن عليها ويمشي.وطبعا طول الفتره دي يوميا بيكلم برهومه و بيتفق معاها علي حجات كتير اوي وكله في السر.
...................
اتحدد اخيرا يوم المحاكمه
مالك كان متاخد وحاسس بحزن كبير جواه ان صاحب عمره هيتحكم عليه.
وجه يوم المحاكمه اخيرا
الكل كان موجود في المحكمه
حتي عماد اللي فاق وحالته أتحسنت كتير عن الأول واعترف بنفسه علي كل حاجه وهو حاسس بالندم..
كوكو كانت بتتلفت كل شويه عشان تلمح عمر وفي نفس الوقت بتعدي انه ميجيش عشان متشفهوش بعد الفتره دي كلها.
كان قاعد في اول صف كوكو ونادين ومالك ووراهم
كاميليا وشهاب ووالد نادين ووالدتها واختها
ووراهم برهومه وذكري
وكواكب كمان وفيروز ونادر واصحاب مالك ونادين. قاعدين بعدهم.
و الجمب التاني كان اهل چيمي
واهل ماجي واخو عماد اللي كان مقاطعه.
اما ماجي وچيمي ..
چيمي كان لابس طقم ابيض قاعد عينه في الارض مش قادر يرفعها ومالك باصصله من بعيد بحزن
اما ماجي فكانت لابسه طرحه بيضا و جلباب ابيض شكلها خاسس خالص و متغيره من غير مكياچ.
نادين....بتوتر انا قلقانه اوي
مالك...من ايه بس متقلقيش خير ان شاء الله يا حبيبي
نادين...يارب.
قرب مالك من كوكو بصوت واطي.
مالك....مالك بتتلفتي شمال ويمين كده زي اللي هربانه من التار لما انتي بتحبيه كده بتقاوحي ليه.
كوكو...😡بقولك ايه انا مش نقصاك وربنا اقوم اقتلك واخلص من زنك.
مالك...بابتسامه بسيطه رغم حزنه ايه دوست عالجرح ولا ايه
كوكو...لا يا اخويا بس عايز تعمل نفسك فاهم كل حاجه وانت ولا فاهم انا ببص عادي يعني.
مالك....ماشي همشيها بتبتصي عادي مع اني ممكن أريحك واعرفك هو فين
كوكو....بأرتباك🙄 وانا مش عايزه اعرف انا مالي ومال عمر اصلا😡
مالك...ومين جاب سيره عمر انا بتكلم عالقاضي 😂🙄
ضربته كوكو في دراعه بغيظ😡
مالك....ااااه يا مفتريه ايدك دي ولا مرزبه خلاص انا غلطان اني بهزر معاكي.
كوكو....علي اساس ان انت قاعد علي بعض ما انت كمان بتتلفت كتير ورجلك مبطلتش هز.
مالك....ان جيتي للحق يا كوكو انا قلبي واجعني اوي والقاعده اللي انا قاعدها دي مش بالساهل تعرفي اني دي اول مره اشوف چيمي من يوم الحادثه اخر مره شوفته قيل ما ادخل الحمام في الجراچ اللي كنا فيه.
كوكو...عارفه انه مش بالساهل وحاسه بيك يس هو غلط ولا يتحاسب علي غلطه يا مالك.
مالك ..معاكي حق.
وفجأه سمعوا كلمه
محكمه....
قام الجميع وقف وفجأه حست كوكو بحد بيقف جمبها في الكرسي اللي علي الحرف.
رفعت كوكو وشها بسرعه لقت عمر واقف و باصص قدامه
كوكو🥺🥺🥺
لف عمر وشه بهدوء بصلها بأبتسامه ورجع بص قدامه.
بدأ القاضي الكلام هو ووكيل النيابه اللي كان بيوجه التهم لچيمي وماجي وعماد وبيوضح بشاعه الجرم اللي ارتكبوه
طول فتره المحاكمه كوكو كانت سرحانه في دنيا تانيه وجود عمر جمبها بالطريقه دي شقلب كيانها
علي قد ما كانت بتدعي انه ميجيش علي قد ما كانت طايره من الفرحه انها شافته حاسه انه وحشها اوي.
بعد كلام كتير ومرافعات اكتر.
القاضي...بعد الأطلاع علي الأوراق والادله واعتراف المتهمين
وسماع شهاده الشهود.
وبعد المداوله حكمت المحكمه حضوريا.
علي المتهم الاول.
عماد محمد سيد بالسجن المشدد 3 سنوات مع الشغل والنفاذ.
وذلك لقيامه باستدراج المجني عليها نادين محمد نر الدين
والتعدي عليها وقيامه بتجريدها من ملابسها وتصويرها
و ترويعها بالسلاح الابيض.
كما حكمت المحكمه بمعاقبه المتهم الثالث
جمال مدحت عبد الحكيم بالسجن
المشدد سنه مع الشغل والنفاذ.
كما حكمت المحكمه بمعاقبة المتهمه ماجي سراج الدين التي مانت هي العقل المدبر لكل تلك الجرائم وقامت بتحريض كلاً من عماد محمد سيد وجمال مدحت بعد الحكيم بارتكاب جرائمهم.
لذلك حكمت المحكمه حضورياً علي المتهمه ماجي سراج الدين بالسجن المشدد سبع سنوات
رفعت الجلسه.
تعالت اصوات البكاء والصراخ من والده نادين .
لااااا بنتي لا اعمل حاجه يا سراج بنتيييييي ووقعت مغم عليها اما والده جمال فبكت بحزن علي ابنها.
علي قد ما الحكم كان عادل
لكن الكل كان حزين شباب لسه بيبدأوا حياتهم بعد تخرجهم
انتهي بيهم الحال في السجن.

خرج الجميع من المحكمه.
مالك كان حزين لكن كان بيحاول يرسم الابتسامه علي وشه.
.........
برهومه...الف حمد وشكر ليك يارب حقك رجع يا بنتي
كوكو...الحمد لله يا برهومه
قرب منهم عمر وشهاب وكاميليا والجميع.
فيروز....مبروك يا مالك مبروك يا كوكو مبروك يا نادين.
نادين...الحمد لله
كوكو...الله يبارك فيكي يا فيروز
شهاب...بالمناسبه دي انا عازمكم كلكم انهارده عندي في الڤيلا
عشان في حجات كتير كانت متأجله وجه الوقت اللي نتكلم فيها ونفرح شويه بعد الايام اللي فاتت دي.
محمد....لا بعد أذنك يا شهاب باشا العزومه دي هتكون عليا انا هنروح مكان حلو جدا مع بعض وده بمناسبه رجوع حق بنتي
شهاب...انا معنديش مانع
كاميليا...ولا انا.
محمد....طبعا يا ست برهومه مش محتاج اقولك ان انتوا كمان معانا
برهومه....تسلم يا استاذ محمد بس مش هينفع والله انا عندي شغل وامي متقدرش تقعد كتير
اعفينا احنا.
وفاء...لا يمكن طبعا كلنا كنا في الازمه ولازم نحتفل بخروج ولادنا بالسلامه وان حقهم رجعلهم
برهومه...بقله حيله طيب اللي تشوفوه.
عمر...متقلقوش انا هعدي عليهم وهجيبهم.
كوكو...طيب معلش انا طبعا مش هقدر اكون موجوده بعتذر ليكم جدا انا راحه علي شغلي الوقت
وفاء....ازاي بس ده الخروجه دي معموله عشانك انتي ونادين ومالك.
كوكو...اسفه جدا لحضرتك والله كان نفسي اكون معاكم بس للأسف انا مستلمه الشغل ده من حوالي اسبوعين و اجازتي يوم الجمعه بس وطبعا الايام دي الدنيا زحمه جدا والمفروض ان انهارده في عيد ميلاد و هخلص متأخر انا بعتذر منكم والله اخرجوا انتوا و اتبسطوا كأني معاكم بالظبط
مالك...طيب انا هتصل بمعاذ و افهمه و هستأذلك اليوم ده
كوكو...بابتسامه معلش يا مالك بلاش انا مش هقدر اقعد انهارده خالص وبعدين برهومه هتييجي هي وكواكب وذكري
عمر...بقله صبر خلاص نأجل الخروجه دي لحد يوم الجمعه.
حست كوكو انه مصمم وهما مصممين ومش عارفه تهرب منهم
كوكو....معلش يا دكتور عمر يوم الجمعه ده بيبقي عندي تنضيف
شقه وحجات كتير سامحوني انا
سيبوها بظروفها.
وفاء...خلاص لسه فاضل يومين علي يوم الجمعه ده تكوني رتبتي نفسك فيهم عشان مش هنخرج من غيرك.
كوكو.....سيبها علي الله ومبروك لرجوع حق نادين
وفاء...مبروك ليكم كلكم ياحبيبتي
كوكو....مبروك يا مالك
مالك...الله يبارك فيكي يا كوكو.
شهاب...هنستناكي يا كوكو
كوكو....بأبتسامه ان شاء الله يا بابا.
يلا هستأذنكم انا بقي عشان شغلي سلام عليكم
الجميع عليكم السلام وبدأ الكل يسلم علي بعض عشان يمشوا.
عمر...بعد أذنكم لحظه.
الجميع...اتفضل.
مشي عمر بسرعه ورا كوكو اللي وقفت علي اول الشارع توقف عربيه.
عمر...كوكو ...كوكو.
غمضت كوكو عينها واللي كانت خايفه منه حصل.
لفت بهدوء وبصتله بأبتسامه تداري بيها مشاعرها المتخبطه ايوه يا دكتور في حاجه.
عمر....بعصبيه انا مش دكتور انا عمر وبسسسس انتي فاهمه
كوكو....في حاجه
عمر ..بتهربي مني ليه ومبترديش عليا ليه
كوكو...انا مش بهرب منك واظن مفيش حاجه بينا الوقت تخليني ارد عليك او يبقي في كلام بينا
عمر...لا في انتي لسه بتحبيني زي ما بحبك واعملي حسابك يا كوكو
اني هفضل وراكي لحد ما توافقي اننا نتجوز
كوكو...ارجوك يا دكتور سبني في خالي بعد اذنك
عمر...مش هسيبك يا كوكو وهفضل وراكي
كوكو...يوووووه بعد اذنك سابته كوكو ووقفت تاكسي بسرعه وركبت من غير ما تقوله عالمكان.
وقف عمر متعصب ومش عارف يعمل ايه لكن قرر ينفذ خطته مع برهومه في اسرع وقت
ورجع تاني ليهم عشان يبلغهم كلهم بيها.
🙄🙄🙄🙄🙄