كواكب.

البارت الخامس والعشرون

البارت الخامس والعشرين.
وصلت عربيه الترحيلات اخيرا
وعمر كان ماشي جمبها مش بتغيب عن عينه لحظه
ووراه برهومه ووصل بعدهم نادر
دخل عمر بسرعه وراء كوكو والكل بيجري وراهم بلهفه وقلق.
دخل عمر لقي المحامي.
عمر...صباح الخير يا متر
المحامي...صباح النور يا دكتور عمر
عمر...مش هوصيك يا متر ارجوك أعمل كل حاجه تقدر عليها
المحامي اطمن ان شاء الله كل حاجه هتمشي زي ما احنا عايزين
برهومه...سايق عليك النبي يا باشا خليك مع بنتي
المحامي...متقلقيش يا أفندم ان شاء الله بسيطه اطمني دكتور عمر فهمني كل حاجه وان شاء الله بعد ما الانسه كواكب تدلي بأقوالها و يأكدها مالك القضيه كلها هتروح لجمال وماجي خصوصا بعد اتضح ان فيه رابط قوي بين القضيه دي و قضيه الانسه نادين.
عمر...انا واثق فيك يا متر ارجوك حاول تخرجها بكفاله.
المحامي...ان شاء الله هعمل كل حاجه أقدر عليها.
برهومه...يارب.
العسكري....اتفضلوا الباشا مستنينكم.
قرب عمر من مالك
عمر...انا عارف انك مكنتش حابب تتكلم في قضيه نادين بس الوقت الموضوع خرج من ايدنا وفي حجات كتير اتغيرت والشكوك راحت لناس قريبه يعني غصب عننا القضيه هتتفتح و هيتحقق فيها ارجوك يا مالك قول كل حاجه كوكو لازم تخرج.
مالك....بحزن اطمن يا عمر ان شاء الله هنخرج بيها.
بص عمر لكوكو قولي كل حاجه سمعتيها ارجوكي يا كوكو عشان مالك كده كده هيتكلم بلاش كلامكم يكون مختلف اسمعي الكلام عشان خاطري ماشي يا كوكو.
هزت كوكو راسها بحزن
عمر...ربنا معاكي هستناكي تخرجي و ترجعيلي يا كوكو.
العسكري....يلا يا حضرات
دخلت كوكو و مالك و وراهم المحامي و قفلوا الباب
...........
برهومه....يارب اقف معانا.
يارب احنا غلابه وطول عمرنا ماشيين جمب العيط وحيات حبيبك النبي كملها بالستر ده احنا ملناش غيرك.
طبطب عمر علي كتفها....متخافيش يا برهومه هتخرج
نادر....انا كلمت ظابط صاحبي يعرف وكيل النيابه اللي ماسك قضيه نادين و طمنوني جدا الموضوع كله مسأله وقت متقلقوش بس لازم يطلع أمر ضبط وإحضار لماجي وچيمي عشان كل حاجه تخلص.
عمر.....بس مالك بيقول انهم هربانين
نادر...حتي لو هربانين المباحث هتجيبهم متقلقش
عمر....يارب
جه سليم في الوقت ده جري
سليم....عمر عمر
عمر...سليم😳
سليم.... ايه اللي حصل
عمر...انت ايه اللي جابك بس وعرفت ازاي
نادر...انا قولتله وانا جاي في الطريق.
عمر...ليه بس يا نادر
سليم....هو انت عايز كل ده يحصل ومبقاش معاك يا صاحبي
انا استغربت واتخضيت لما لقيته بيكلمني حكالي وقمت نزلت علي طول حصل ازاي كل ده.
عمر....مش عارف يا سليم انا هتجنن
سليم...بس انا مش قادر أصدق ان چيمي يعمل كده ده چيمي بيحب سليم جدا
عمر...ده اللي مجنني يا سليم لما مالك جالي وقالي انه متغير وشاكك ان جواه حاجه مش تمام انا كدبته و قولتله مستحيل لانهم
صحاب من ثانوي وطول عمري بحبه جدا و بعتبره زي مالك وچيمي مكنش قريب من مالك بس ده كان قريب مننا كلنا بتمني انه يكون متورط في الحكايه من اولها لاخرها لاني بجد هضايق اوي
نادر....انا كمان مش مصدق وحتي لو عمل كده عشان حب ماجي او غار من حبها لمالك مفيش اي مبرر يخليه يخون صاحب عمره
عمر....ياريتها خيانه يا نادر دي ضربه في الضهر يأذيه عشان يقدر يفوز بماجى طيب ازاي
برهومه...وهي سرحانه وكل ملامحها حزينه هي الدنيا كده مش بتمشي علي مزاج اي حد
البني أدم ضعيف واي شويه مشاعر بيلغبطوه يمكن يكون بيحبه فعلا بس الحب من غير
وفاء وجدعنه وشهامه مينفعش بيبقي ضعيف اي شويه هوا بيطيروه وبيبوظوا ملامحه
چيمي حبه صحيح بس حبه كان ناقص.
نادر....عندك حق
سليم....ان شاء الله يا ست برهومه كوكو هتخرج و تطمني عليها
برهومه...يارب يا ابني
بص سليم علي ذكري اول مره يشوفها حزينه وساكته علي غير عادتها صعبت عليه اوي.
فضل عمر رايح جاي بقلق قدام المكتب هيتجنن ويعرف ايه اللي بيحصل.
...............
في ڤيلا شهاب الشامي..