في بيت الانصاري
نادين: انا كنت بحذرك من البنت اللي اسمها اللي اسمها نور بس اهي دلوقتي بدات تأثر على ادهم وشويه شويه هتخليه يتجوزها فعلا وتاخذ منه كله فلوسه ونطلع احنا بالمولد بلا حمص عشان كده لازم نخلص منها هي الاول لازم نخلص منها هي الاول وبعد كده نفكر في موضوع علي ده
جاسر : طب ايه رايك نضرب عصفورين بحجر واحد وهيكون بايد ادهم مش بايدنا احنا ومش هنظهر في الصوره خالص
نادين: ازاي يعني هتخلص منهم هم الاثنين في وقت واحد ازاي
جاسر هو انا مش قلت لك كله بالتكتكه بيجي وهم وقعوا في يد اللي ما بيرحموش الحركه اللي احنا هنعملها دي مش هتقضي على علي ونور بس هتقضي على ادهم وهتخلي سمعته في السوق زي الزفت
نادين : انت شوقتني اني اعرف انت هتعمل ايه هتعمل ايه
جاسر : انت قلت لي قبل كده ان النور دي لها عم وعمها ده غالي عليها قوي صح وانه خلف ولد صايع كده وشمام اسمه اسر صح
نادين: اه
جاسر اهو اسر ده بقى مربط الفرس دي نقطه الضعف واللي هنقدر نستغل منها كل حاجه
نادين : ازاي
جاسر: اسمعي بقى ........
ليروي لها ما تفاصيل الخطه وعلى عيونها الصدمه فجاسر صنع خطه شديده الحبكه لن يستطيع احد الفرار منها بدون ان يظهر في الصوره ولكن تبقى عقبه واحده وهو الاتفاق مع اسر هي لا تريد ان تظهر في الصوره حتى اذا انكشفت الخطه لا تاتي سيرتها ولا يستطيع ادهم كشفها وبهذا تظل في محيط ادهم دائما حتى وان عظم الامر على قتل جاسر بعد كشف الخطه
جاسر: ها بقى ايه رايك
نادين: والله حاجه عظمه على عظمه بس انا مش عايزه اظهر في الصوره ساعه الاتفاق
جاسر: نعم يا اختي.... امال مين اللي هيتفق معايا انت عايزاني انا بس اللي اروح في الرجلين
نادين: اسمع لو الخطه انكشفت وادهم عرف السر انت هتقدر تهرب لكن اسر هو اللي هيبقى الضحيه في الموضوع انما انا لو ظهرت في الصوره ما حدش هيقدر يجيب لك الاخبار انا في شركه ادهم نفسها واقدر اوصل لكل الحسابات اللي عايزها وخصوصا اللي بعد خطتك دي علي مش هيبقى له وجود وهتبقى الشركه كلها تحت ايدي عشان كده لازم ان ابقي انا في صوره الحراميه الغلبانه اللي بتاخذ كم قرشين كده من الحسابات مش اللي بيتخطط مع عدوه عشان ما يخلصش مننا احنا الاثنين عشان يبقى لك عين في الشركه
جاسر : موافق بس في حاجه لازم نعملها قبل ما نبتدي الخطه دي
نادين : ايه هي
جاسر: قولي لي هو ادهم صحيح كان له مخزن جديد وحط فيه بضاعه من غير تامينات
نادين: ايوه وعلي هيروح يعملها بكره الصبح اشمعنا ؟
جاسر :طب اسمعي دي كمان.....
في بيت البحيري
كان ادهم ونور كعادتهم منذ تلك الليل الجلوس على حمام السباحه وكان ادهم يروي لها تفاصيل ما حدث في يومه كانها مثل امه الذي ياتي اليه طفلها لكي يحكي لها ما حدث في يومه
ادهم :انا في سؤال شاغل بالي اوي يا نور وعايزه اعرفه هو انت تعرفت على حور ازاي وازاي صداقتكم قويه اوي كده
نور: بص يا سيدي انا وحور نعرف بعض من يوم ما اتولد لان انا وهي اتولدنا في نفس اليوم وكان باباها ماجر شقه في بيتنا فكانت اختي بكل ما تحمله الكلمه من معني اتربينا مع بعض لدرجه ان مامتها و مامتي كانوا صحاب فلما ماما سمت نور كانت سهيله الله يرحمها اللي هي ام حور كانت عايزه تسمي اسم على نفسه وزن نور ملقتش غير اسم حور وبقينا انا وهي اصحاب مع بعض نروح المدرسه مع بعض لحد ما بقى عندنا 18 سنه كنا بنروح امتحاناتنا في الثانويه العامه مع بعض وكان عندنا هدف ان احنا عايزين نطلع دكاتره اسنان وكنا كل مره نوعد اهلينا ان احنا هندخل الكليه دي كنا بنذاكر مع بعض كنا بنعمل كل حاجه مع بعض....... حتى اتعس يوم في حياتنا كنا فيه مع بعض كنا انا وهي رايحين عشان نجيب النتيجه بتاعتنا كنا جايبين 98.5% وده كان مجموع عالي ساعتها يدخلنا بالضبط في كليه طب الاسنان ورايحين عشان نفرح اهلنا ونروح مش نلاقيهم في البيت افتكر ان هم قالوا لنا كانوا رايحين مشوار وفجاه نسمع صوت التليفون بتاع الارضي بيرن يقولوا لنا ابويا وامي وابوها وامها في المستشفى بين الحياه والموت كلمت خالي وعمي وراحوا وودونا لعند المستشفى عشان نستقبل الجثه بتاعتهم
حضرنا كل حاجه مع بعض حضرنا الدفنه وحضرنا العزاء عمي توالاني لكن خال حور كان صعب جدا رجل شمال وكل حاجاته شمال بيتاجر في تهريب الاموال والمخدرات والحاجات دي رفض عمي يديله حور وعمي ساعدها وتولاها برده وقعد عمي يربي فيا انا وحور كاننا بناته بالضبط لحد ما دخلنا وتخرجنا و...
ادهم: وايه كملي........ وقابلتيني في اليوم ده
لتنظر نور الى اسفل الارض وتقول: ايوه قابلتك منكرش اليوم ده كنت باكرهك فيه قوي وحتى يوم ما صحيت ولقيت نفسي في اوضك كرهتك اكثر واكثر بس..... بس بعد ما قعدت معاك واتكلمت حسيت انك وراك ماضي كبير قوي يا ادهم
ادهم: بصي يا نور اه انا ورايا ماضي كبير ومش هاقول لك عليه وما تحلميش ان انا اقول لك عليه لان هو عامل زي النار عمال يحرق فيا وانا خائف عليك مش عايزك تتحرقي بناره
نور: لا يا ادهم انت مش عايزني ماتحرقش بناره انت ما بتثقش في حد مشكلتك يا ادهم انك ما بتثقش في حد حاطط كل اللي حواليك خونه حتى الستات اللي حواليك كلهم خونه وانا متاكده اللي السبب اللي انت فيه ده واحده ست
ليصرخ ادهم وهو يقول: هو انا عشان تغيرت معاكي وعاملتك بالحسنة هتسوقي فيها وهتاخدي عليا اسمعي باقول لك انت لو ما بعدتيش عني وبطلت تفتحي الموضوع ده ثاني هترجعي للخدمه تاني وهارجع معك زي الاول ويمكن اوحش سمعتي
ليتركها ويذهب وهي تقول "برده يا ادهم مش هسيبك غير لما اعرف ايه اللي وراءك لان ده هو اللي هيريحك"
ليصعد ادهم الى غرفته وياتيه تليفون مهم ليرد" ايوه في ايه...... انت بتقول ايه .....ايه اللي انحرق"
