بعد سماع ادهم حديث راشد لنظر لآسر وقال: انا ممكن اسامحك بس تعمل اللي هقولك عليه بالحرف
ليتركه ويتجه الي المستشفي ليجد الطبيب يخرج من غرفة علي ليقول ادهم بلهفة: علي ونور... علي ونور.... قولي انهم مامتوش
لينظر له الطبيب : للأسف يا ادهم بيه.. استاذ علي واضح انه اتعرض لضرب مبرح جدا لدرجة انو نزف داخلي في مناطق كتير وبصعوبه وقفناه دا غير انه اتعرض لصدمات كهربية شديدة ممكن تخلي مش يقدر يتحرك تاني
ادهم بصدمة:يعني علي....
الطبيب: ايوه يا استاذ علي ممكن يتشل هو حاليا في غيبوبة مش نقدر نحدد اي حاجة دلوقتي غير لما يفوق
ادهم بأمل: طب نور
الطبيب: انسه نور كانت مجرد كدمات بسيطة بس هي في غيبوبة بسبب صدمة وضغط عصبي شديد واضح انها كانت عندها فوبيا من حاجة ومن كتر الخوف عقلها مقدرش يستوعب وعشان تنجي نفسها دخلت في الغيبوبة ديه
كان ادهم يستمع الي حديث الطبيب بصدمه شديدة وبعد ذهاب الطبيب شعر بأن قدميه لا تستطيع حمله ليجلس علي الارض وأخذ ينظر الي الاشئ امامه وهو يقول لنفسه "انا السبب...... انا السبب............. انا السبب يا علي في اللي حصلك انا اللي بتسرعي ضيعت مني صاحب عمري انا اللي بغبائي ضيعت مني القلب الوحيد اللي كان بيحبني يا ريتني كنت سمعتكم يا ريتني ما عملت اللي انا عملته..."ليضيف ببكاء "كان عندك حق يا نور انا دائما باحط نفسي انا الضحيه وكل اللي حواليا مجرمين خونه انا السبب يا اخويا...... انا السبب يا حبيبتي"
لتاتي في تلك الاثناء حور وهي تجري عليه بلهفه وتقول " يا ادهم هو صحيح الكلام اللي اسر قالوا ده صحيح علي ونور بريئين "لتضيف بكاء "رد عليا يا ادهم علي ....علي بريء مش خاني مع .....مع اختي صح وهم في المستشفى ليه انت عملت فيهم ايه"
ليقول ادهم" عملت فيهم اللي كان مفروض ينعمل في الناس اللي بتخون بس للاسف ما طلعوش خونه ......طلعت انا اللي غبي انا وانت ظلمناهم يا حور لما مش سمعناهم .........لما شكينا فيهم بس ورحمه ابويا ورحمه ابويا كل قلم هم داقوه لهدوق السبب في ده اضعافه..... واللي خلق الخلق كل عذاب اخويا وحبيبتي شافوه ...... هيشوفه زيه اضعاف هاخليهم يتمنوا الموت وبايديهم هم اللي هيقعوا في المصيده .......... انا هاخليهم يتحسروا ان هم حاولوا يتذاكوا على ادهم البحيري"
ليمر يومان دون احداث تذكر فكان كلا من علي ونور فيه غيبوبهما وادهم وحور في الخارج يتمنون بان لا يكونوا هم الجناه وقتلوا اخوتهم حتى ياذن لهم الطبيب بالدخول اليهم ليدخل ادهم الى علي ويجلس امامه على الفراش ويمسك يده وهو يقول" ازيك يا صاحبي... عامل ايه...... تعرف على الرغم كل اللي انت شفته مني بس انا متاكد انك انت مش هتزعل مني... زي ما كنت دائما باتسرع و بظلمك بس انت دائما كنت تسامحني انت مش اخويا بس يا علي انت كل حاجه بالنسبه لي انا مش ليا غيرك والله يا اخويا كل اللي عملته ده كان. ... كان عقلي في صدمه ما كنتش متوقع انه يطلع منك كده كان من كثر حبي لك..... قوم قوم قوم يا اخويا انا ما اقدرش ما اقدرش اكمل طريقي من غيرك ولا حياتي من غيرك مين هيهديني لما اتعصب طب مين هيدخل معايا الشركه" ليضيف ببكاء وندم "ما تضيعش مني يا علي ما تضيعش مني ما تخلينيش يا اخويا انا السبب في اللي انت فيه قوم يا علي قوم وسامحني"
في غرفه حور ونور
حور: انا اسفه يا نور انا اسفه انا اسفه اسفه اني ظلمتك وشكيت فيكي انا ظلمتك مع ادهم انا زيي زيه
انا ما افرقش عنه حاجه ما فرقتش عنه حاجه ظلمتك زي ما هو ظلمك والنبي يا حبيبتي سامحيني"
ليظل الاثنان على هذه الحاله كل منهما يجلس امام صديقه ويتمنى منه السماح ولكن هل فعلا سيقبل كل من علي ونور السماح طب هل علي سيسامح حور ونور ستسامح ادهم يا ترى ماذا سيحدث؟
