براءه: تسلم ايدك.
خديجه: بالهنا.
براءه بعد صمت: الا فين بابا آسر!
تضع خديجه كوبها على الطاوله فى حزن
براءه: انا لو فكرتك بحاجه فانا اسفه مكنش قصدى.
خديجه بابتسامه: انا واكرم كنا اتعرفنا على بعض في الجامعه وفضلنا سوا لحد التخرج واتجوزنا وكانت حياتنا زي الخيال وخلفت طبعا انا وقتها زي اي بنت كنت فى قمة جمالى وشبابي وبعد الجواز اتبهدلت ومع الوقت فهمت انه شخص سطحي تافه وقررنا اننا ننفصل... او هو قرر!
براءه: ازاي يطلع ده مجرد اعجاب بعد كل السنين دى.
خديجه: قعد معايا سنين كتير جدا لدرجه ان خلاص الكل بيضرب بحبنا المثل بس رغبته فى ست متكامله خلته يسيبني انا وولاده،... لكن آسر ويوسف مسبونيش وفضلوا معايا
براءه: وعدي اخدتيه ازاي!
خديجه بضحكه جانبيه: هو اصلا محاولش ياخده!
براءه: اتخلى عنهم.
خديجه: حاليا اتجوز ومش بنشوفه اصلا.
براءه: اه
خديجه ضاحكه: ربنا عوضنى ب 3 رجاله زي القمر.
براءه ضاحكه: ربنا يخليهوملك.
خديجه تمسك يدها: ويرزقهم بالام الصالحه لاولادهم.
تنظر براءه ليدها بتوتر وابتسامه خفيفه فهي لا تشعر بالراحه ليقتحم حديثهم آسر.
خديجه: بتيجى على السيره.
آسر: براء معلش كنت عاوزك فى حاجه بخصوص القاضيه.
تنظر براءه له بعيون ضيقه لنطقه اسمها بشكل خطأ لتتجاهل وتذهب معه.
آسر: عايز اعرف العلاقه بين داليا وشهد عامله ازاي!
براءه: اشمعنا!
آسر: هقولك بس ساعدينى.
براءه: عادى يعنى معارف.
آسر بحاجب مرفوع: اميره قالت ان كان بينهم خلاف.
براءه بتنهيده: داليا كانت زيي بالظبط صاحبة شهد من الطفوله بس زي مانت عارف حصل خلاف بينهم كبنات وكان اكبر من انه يتحل ومن وقتها اتفرقوا وتقريبا مكانوش بيتعاملوا مع بعض خالص الا لو مناسبه بتضطر جمعهم ممكن يسلموا على بعض بس.
اسر: يعنى مكنش بينهم تواصل.
تجيب براءه بالنفى ليتنهد آسر ويخرج هاتفه لتري ذلك الفيديو.
آسر: داليا متهمه بقتل شهد.
براءه بشهقه: ده مستحيل.
آسر: ومين الراجل ده وليه طالب منها فلوس وهيفضحها ب ايه! مش يمكن ده الشخص الى استعانت بيه فى الى عملته!
أنت تقرأ
البحث والهروب (مكتمله)
Misterio / Suspenso"اهذا هو ما يسمي الموت اليس هذا مريحًا الشعور بأنك تطفو ولاول مره تترك كل تلك الاضطرابات خلف ظهرك دون الحاجه لتحمل الاعباء لم اكن اعلم بأني سأشعر بتلك الراحه فقط لاغمض عيني واستسلم للأمر لقد انهيت مهمتي!...." بعد مقتل صديقتها المقربه تضطر "براءه...
