مازن بتفكير: بس يا آسر فى كتير ابهات ييتعاملوا بالطريقه دى مع سكان بيتهم يعنى ده مش دليل كافى عشان نثبت ان هو المجرم!
آسر: على الاقل حاجه تستدعى للشك.
مازن: متقلقش انا هستدعيه.
هرع مازن لاستدعاء ذلك الرجل وتركه بعدما اخبره انه تحت المراقبه..
_________________________
يرجع آسر لمنزله لتخبره تلك الخادمه بمرض اخيه ليركض الى غرفته.
آسر: يوسف انت كويس!
يوسف متعب: اه الحمدلله.
جهاد: امبارح فضل تحت المطر وقت طويل وجاله حمي.
خديجه باكيه: يا حبيبي يا بني.
عدي بمكر: مش جدي برضو ياماما قبل موته كان نايم نفس النومه دي.
تصرخ خديجه ببكاء ليكتم الجميع ضحكاته لتسحبه براءه.
آسر: يلا يا ماما اطلعي ارتاحي و متقلقيش عليه طول ما جهاد معاه.
خديجه: مش عاوزه اسيبه
جهاد: ده انا هشيله جوه عيني يا أمي
يساعد آسر والدته ليخرج الجميع ويتركوهم وحدهم.
جهاد باكيه: سلامتك يا حبيبي.
يوسف يلمس خديها: حبيبتى حبيبتى اهدى كلها حمى وهتروح وهرجع احسن من الاول.
جهاد: انا خايفه عليك اوي.
يوسف: عمر ما هيجرالى حاجه طول مانتى جنبى.
_______________________
يذهب كلا من آسر وبراءه للتمشيه لتنظر هي للسماء بضحكه متامله.
براءه: جهاد ويوسف بيحبوا بعض اوي.
آسر: ده انتى مش متخيله يوسف بيحبها من امتى.
براءه ضاحكه: عاوز تقنعنى انه وفي لدرجه مرتبطش بغيرها!
آسر: يعنى هو حب واحده كانت معاه ف الجامعه بس محصلش نصيب وسابو بعض.
براءه: بجد نفسى حد يحبنى زي كده.
آسر مبتسم بعد صمت: هو انتى محبتيش قبل كده!
براءه بشرود: انا حبيت مره!!
آسر: فينه دلوقت.
أنت تقرأ
البحث والهروب (مكتمله)
Tajemnica / Thriller"اهذا هو ما يسمي الموت اليس هذا مريحًا الشعور بأنك تطفو ولاول مره تترك كل تلك الاضطرابات خلف ظهرك دون الحاجه لتحمل الاعباء لم اكن اعلم بأني سأشعر بتلك الراحه فقط لاغمض عيني واستسلم للأمر لقد انهيت مهمتي!...." بعد مقتل صديقتها المقربه تضطر "براءه...
