رواية "مجنونة في مهمة حب سرية ♡"

البارت الرابع ❤

هكمل علطول .....💛💜

نبدأ عند اللواء لما كان وقتها مستغرب من تصرفات حور و كان مفكر ان هي ليلي ...

اللواء : مالك يا ليلي انتِ تعبانه .
حور : آه تعبانه شوية .
اللواء : تمام .. تمام ألف سلامة .

و بدأوا يتكلموا عن الشغل أما هي فكانت بتبص للظباط كانت بتبصلهم واحد واحد ... و قالت في نفسها : Wow بصراحة كلهم حلوين تحسهم واقعين من مسلسل تركي و لا حاجة و لا الواد القمر اللي هناك ده أبو شعر بني يهبل يخربيت حلاوة أمك و لا اللي جامبك ده حكايه تانيه خالص بس يا خسارة لابس دبلة و لا اللي جمبه ده .. أوف ده طلع متجوز .... أيوه هو ده و كانت بتبص وقتها لتامر .. تامر اللي كان بيهرب بعيونه منها كان مش عاوز يبصلها خوفاً منها لأنه آخر مره اتكلم معاها مسكته و ادتله علقه انما ايه .. نام بعد الضربه دي عالسرير كده كام إسبوع أما حور فكانت بتبصله بكل عشق و غمزتله ( ايه ده مكنتش متوقعه كده😅😂😂) و هنا تامر حس بالخوف و حس بالخطر نحيته و افتكر انها هتعمل فيه زي المره اللي فاتت .. قام وقتها وبص ل اللواء و قال :
تامر : عن اذنك يا فندم .
اللواء : علي فين يا تامر الاجتماع لسه مخلصش .
تامر : أنا اسف يا فندم مضطر امشي عن اذنك يا فندم عن اذنك .
اللواء : ماشي يا تامر .. ماشي اتفضل ... و بكده تكون القضايا جاهزة .. انتو معايا .

حور في نفسها : يا خسارة خرج بس مش مشكلة ده كفايه عليا .. كفايه عليا بعضلاته و شعره .

اتكلم اللواء و قال : ليلي .. يا ليلي .. ليلي .
حور بتوتر : نعم يا فندم .. خير .
اللواء : بكلمك من بدري انتِ فين .
حور : كنت .. كنت بفكر في الطريقة و لقتها خلاص .
اللواء : تمام يبقي انتِ بقي تطلعي مع عمر و أحمد .
حور : تمام يا فندم و إنشاء الله هكون عند حظن ظن حضرتك .. ده أنا هبهرك هخليك تقول الداخليه دي لم تنجب سوا ليلي المنشاوي.

عمر و هو بيلطم : منشاوي ايه يا بت اسمها ليلي الاسيوطي يخرب عقلك.
حور : بهزر يا فندم .. بهزر أقصد ليلي الأسيوطي .. شفته ببي خفة الدم ( ده احنا شفنا و اتبهرنا 😂 ) .

فريق النمور مستغربوش لأن دي كانت أول مره يشوفوها أما الباقي فكانوا مصدومين منها بكل معني الكلمة .. هما دايماً بيشتغلوا معاها و عارفين تصرفاتها كويس لكن انهارده تصرفاتها غريبة و كانت الصدمة الأكبر من نصيب اللواء .
الكل أدوا التحية العسكرية و خرجوا و أحمد وقف يتكلم مع واحد من الظباط أما عمر فأخد حور و دخل أوضة المكتب .

اتكلم عمر و قال : انتِ هتجنني و لا ايه أنا قلتلك خليكي أرجل من كده .. رايحه تقولي sure و ال Best friend بتاعتي و مش عارف ايه تاني .. أبوس ايدك يا حور أبوس ايدك افهمي انتِ هنا ظابط .. ظابط .. ظابط و مش أي ظابط انتِ ليلي الأسيوطي .. ليلي الأسيوطي اللي بتتهزلها شنبات أكبر رجالة دي بتكون كابوس لأي عصابة فاهمة و لا لأ .
حور : الا هو الظابط اللي خرج ده شغال معانا و لا ايه .. أصل هو مز أوي .
عمر : أصدك تامر .
حور : أيوه هو حلو و قمر .
عمر : الله يخرب عقلك ملقتيش الا تامر دي ليلي معلمه عليه قبل كده و قعد فترة كبيرة أوي في المستشفي .. انتِ عملتي ايه في الإجتماع 🤔 ؟
حور : والله بس غمزتله مش أكتر 😅 .
عمر : من حقه يهرب .. فكرك المقدم ليلي و خاف مكنش يترف ان انتِ بتعاكسيه انتِ جايه هنا تنفذي حاجة تنفذي مهمة و بس فخليكي معايا و متروحيش كده و لا كده علي ما نخلص المهمة دي انهاردة و بكره هدربك علي كل حاجة تخص ليلي .. لبسها و طريقة كلامها مع الناس اللي تعرفهم و تعاملها مع الأعداء و ازاي تدربي نار و شوية رياضات كده علشان تدافعي عن نفسك .. تمام .
حور : طب هو تامر ده هيطلع معانا .
عمر بنفاذ صبر : يادي تامر اللي مورناش غيره انهارده .. يلا يا بنتي ادخلي البسي .. الأوضة قدامك أهي و متقلقيش ليلي كانت حاطه فيه كل اللبس اللي بتحتاجه .
حور : Ok .