رواية "مجنونة في مهمة حب سرية ♡"

البارت الخامس ❤

هكمل علطول 💜💙

نبدأ البارت في مكان تاني في الصعيد .....

شخص : انت ايه اللي بتقوله ده .. كيف لسه مامتتش .
الشخص التاني : معرفش يا باشا .. أنا شفتها بعيني و هي في العملية .
الشخص الأول : بس هو قال انه قتلها .
الشخص التاني : مانت عارف انها زي القطط بسبع أرواح .
الشخص الأول : بس الأرواح دي هتخلص و هقتلها زي ما قتلت أخويا و ابن عمي بدم بارد .
الشخص التاني: هنعمل ايه يا باشا .. قولي .
الشخص الأول ( الباشا ) : لازم نخلص من أرواحها روح روح .
الشخص التاني: أصدك نبعت حد يقتلها .
الشخص الأول( الباشا ) : بالظبط كده .. بس المره دي هنتأكد انها ماتت و ندفنها بأيدينا عشان مترجعش تاني .
الشخص التاني: تمام يا باشا هو في حد فاهمك أدي.

و عدي الوقت و جه يوم جديد .....

عند عمر في صباح اليوم الجديد صحي علي صوت و هو نسي تماماً انها موجودة معاه .. مسك مسدسه و راح لمصدرالصوت و كان جاي من المطبخ ...

في المطبخ .. كانت حور بتغني .....
حور : و بحب الناس الرايق اللي بتضحك علطول أما العالم المضايقه ف أنا لأ ماليش في دول.
و هنا عمر افتكر انها موجودة .. المصيبة .. بلوة حياته .
عمر : بتعملي ايه .. هاا
حور : صباح الفل عليك يا عموره .. و لا حاجه بس جعت و بعمل أكل أصل أنا يعني معرفتش أنام كويس لأن بصراحه كده مش بعرف أنام لما يتغير عليه المكان بس مرضتش أصحيك و سبتك نايم .
عمر : هي الساعة كام دلوقتي ؟
حور : ١١
عمر : إيه .. كام ازاي المنبه مرنش .
حور : أصل رن و أنا قفلته قولت يعني انك تعبان و كده و هو ازعجني ف روحت قفلاه .
عمر : احنا كده اتأخرنا يا مصيبة يلا البسي بسرعة .. البسي .
حور : طب و الأكل .
عمر : مش وقت أكل الوقتي هنتشلوح 😂 .

عمر راح بسرعة علي أوضته و خاد هدومه و دخل التوليت أما هي بقي ف خبطت برجليها في الأرض و كانت مضايقة جداً .. دخلت الأوضة و مسكت شنطة ليلي و خرجت منها بنطلون اسود و قميص اسود و طلعت منها كمان كوتشي و جاكيت اسود و محطتش أي ميكاب و لا أي حاجة و بعدين خرجت من الأوضة و كان عمر خلص لبس و أول لما حور شافته انبهرت بيه أوي .

حور بإعجاب : أووه .. حلو أوي مز يعني بصراحة و أنا بعاكس .

عمر ضحك عليها أوي .. يقول ايه بقي مجنونة و بتتكلم .

حور : آه ياني و حسره عليه راحت الأنوثه كلها طب هي بنت ليه متلبسش لبس بنات .. قولي .
عمر : هو ده وقته بس هقولك .. هي علشان شغاله ظابط و كل تعاملها مع رجاله و مجرمين ف لازم تكون أرجل منهم .
حور : طب دلوقتي البنات هيعكسوك .. أنا بقي مين هيعاكسني .. هاا.
عمر : بت انتِ انجزي و متخفيش هشوفلك حد يعاكسك يلا بقي .
حور : طيب ماشي يلا .

و الاتنين نزلوا لتحت و ركبوا عربية عمر و بدأ يكلمها عن ليلي و طريقة تعاملها مع الناس و كمان كلامها .