رواية "مجنونة في مهمة حب سرية ♡"

البارت السادس (١) ❤

هكمل علطول 💝 ......

عند حور .....

لما كانت رجعت من السوبر ماركت .. رجعت و هي بتغني و بتاكل القلبظ و كان في ايديها كيس حاطه فيه حلويات و كان فيه شيبسي ... و فجأة اتخبطت في حد و الكيس اللي كانت بتاكل منه وقع عالأرض .

الشخص : أنا آسف أوي آسف مأخدتش بالي .
حور : حرام عليك وقعتهم في الأرض ليه دول كانوا حلوين أوي .
الشخص : ايه هما دول .
حور : القلبظ و الحاجات اللي أنا جيباها .. أكيد أحمد عينه فيهم .

الشخص ده ضرب كف علي كف و دخل أما حور فقامت و راحت لمكتبها .. و بعدين دخل واحد من العساكر و قال : يا فندم اللواء عاوزك .
حور : Ok ماشي .

و راحت حور لمكتب اللواء و خبطت علي المكتب و دخلت ...
اتكلم اللواء و قال :
اللواء : ليلي كنتِ فين .
حور ( ليلي ) : والله يا فندم كنت بجيب قلبظ .

اللواء كان بيحاول يكون هادي و يتمالك أعصابه عليها .

اللواء : عملتي ايه في قضية كمال الأنصاري .
حور : معرفش يا فندم .. عمر هو اللي ماسكها .
اللواء : طب و أحمد السيوفي .
حور : لأ دي برضه أحمد اللي ماسكها .

اللواء في الوقت ده فتح درج مكتبه و خرج منه علبة دواء .

حور : ألف سلامه عليك يا فندم .. دواء ايه ده .
اللواء : الضغط .. رفعتيلي الضغط حرام عليكي يا شيخه .
حور : عملت ايه يا فندم أنا .
اللواء : أنا عرفت ينفع معاكي ايه .. هتطلعي المعسكر انتِ و فرقة النمور لمدة عشرين يوم .
حور : بجد والله .. انتَ أحسن لواء في الدنيا كلها .. أحسن لواء في العالم .

اللواء لأول مره يصرخ في ليلي و يقول : غوري بره .. اطلعييي .
حور : صحتك يا فندم أهم حاجة أوعي تتنرفذ تاني طب تاكل قلبظ .
اللواء : انتِ جبله يابت فيكِ حاجه .
حور : لا والله يا فندم أنا اسمي ليلي و لو مش مصدقني يعني اسأل عمر .
اللواء : أسألوا عن ايه هاا .
حور : إذا كنت يعني ليلي و لا لأ .
اللواء : بره بره يا بنتي حرام عليكِ عندي عيال عايز أربيهم .. اخرجي .
حور : بجد حضرتك متجوز و عندك عيال .. طب عندك بقي كام عيل و ياتري متجوزين هما كمان ولا لأ .
اللواء بصراخ : مجدي يا مجدي .

مجدي استغرب من انهيار اللواء و دخله بسرعة .

مجدي : خير يا فندم في ايه .
اللواء : طلع دي بره بسرعة .. بره .
حور : نرفوذ أوي يا فندم و كده مينفعش غلط علي صحتك أوي .
اللواء بغضب جامح : بررره .

حور طلعت تجري و راحت ل عمر و أحمد و كانت في قمة سعادتها .... دخلت حور المكتب عندهم و قالت :
حور : عندي ليكوا مفاجأة انما ايه .. حذروا فزوا .
عمر : خييرر .
أحمد : ايه هيي .. هاا .
حور بفرحه و هي بتتنطط : هطلع معسكر لمدة ٢٠ يوم .

و فجأة .....

بدأنا الكوميديا و الجنون في الروايه .. اللي راح ده حماده و اللي جاي ده حماده تاني خالص 😂💝😍.

أحمد بصراخ : لااااااااء مستحييل

و فجأة أحمد وقع من الصدمة علي الكرسي اللي ورا
من الصدمة أما عمر ف بص بصدمة و راح جري علي أحمد يلحقه .

أحمد : اللي سمعته ده مش حقيقي .. صح .
حور : والله حقيقي أكيد اللي حصلك ده من الفرحة أنا هروح أجهز نفسي علشان السفر بكره بدري .. يلا سلام .

و سابتهم و خرجت و كانت مبسوطة أوي .

أحمد : هي مبسوطه علي ايه كده .. أكيد عاوزه تنتقم مننا .. و أنا قول معاملتها اتغيرت معانا ليه كده .. أتريها شيلالنا الكبيرة .. منك لله يا ليلي يا بنت أم ليلي .. أشوفك متمرمطة مرمتطنا يارب .

عمر في نفسه : من غير ما تدعي هي متمرمطه و هتتمرمط .. الصدمه المفرود تكون ليها مش ليك انتَ .. هي فكراه زي بتاع الكليه و مش عارفه الحقيقة المأسويه .. أعمل ايه بس معاها و هي لحد دلوقتي متعلمتش الا حاجة واحده بس و هي مسك السلاح ده حتي ضرب فيه مبتعرفش تضرب .. لأ الموضوع بيتعقد أكتر و أنا لازم أفهم حور معني المعسكر و لازم أقلها انه مش زي ما هي فاهمة .. أنا هنا بعرف الم الموضوع بس هناك هعمل ايه و المشكله الأكبر ان احنا هنروح مع فريق النمور و ده هيزيد الطين بله .

أحمد بنداء : عمر يا عمر .
عمر : هااه في حاجه .
أحمد : مالك يا عم بكلمك من بدري .
عمر : لأ مفيش أنا همشي علشان أجهز نفسي يلا سلام .
أحمد : و أنا كمان علشان المصيبة دي .

و خرجوا الاتنين و كل واحد راح ل شقته .. عمر دخل للشقه و فضل ينادي علي حور .

عمر : يا حور حور .. ايه ده شكلها مش هنا .. طب استناها بقي لما ترجع .

انتهي الجزء ده من البارت السادس .. بجد مكنتش قادره أكتب و مع ذلك كتبت .

👋👋👋🤝.

يا تري ايه المخيم ده ؟ و ايه اللي هيحصل هناك مع المجنونه حور ؟ و ياتري حور هتنكشف و لا هيحصل ايه ؟ و فرقة النمور و ردة فعلهم ؟

سيبوا توقعاتكم في الكومنتات .

50 Vote + 50 Comments = New part .

👋👋👋👋👋

# El Tag # ♡.