ابتسمي لعل الحرب تخجل

بارت 21

_____هي كانت فلوااد كالسة على حجرة وكاتسوف فالما كايجري مع الواد حتى سمعااات صوت صهييل حصان غادي كيف الرعد
الله بغات تننوووض تمي حتى لقات راسها مشدودوة من ليد ..... دارت تشوف شكون لقتو هو وشكككككووون من غير سيد الميييير ....
شدها وركبها فوق الخيل وركب من موراها ومشا مع الطريق
هي ماعرفات باش تبلات حتى بدات تقوليه وقف وتغوت وتجدب: وقف وقفففف قتليك وقف باشمن حق عمد تركبني على خيلك وتجرني بحال البهيمة
سكت ومجاوبهاش بعدو على لواد ودخلو فغابة غاديين ومزال مابغات تقادا
حتى وقف حدى واحد البركة .. نزل ونزلها بالزعاف
وهي غير كاتغوت حامية السوق
ع ر: واش سيبة فلبلاد جايبني بحال البهيمة من قاع لوااد لل.... بدات كاتشوف فين هي ...
ع ر: فين هنااا ولاش جايبني واش بغيتي مني يااك قلت لك وقرني كيما وقرتك امولاي
سكتها بلغواات: سكتييييي حيت باينلي لسانك سليط وطويل وعقلك صغير وقصير وباينا فيك قليلة العرف
داكشي علاش غاتسكتي حيت الى قلتي شي حاجة وقتلتك يقولو حاكمهم ظالم قاتل ولية فوسط الغابة
ع ر:ماخايفاش منك فهمتي والى بغيتي تقتلني قتل هه هادشي الى قدرتي بعدا
هزات حاجب زعما كاتحداه
المير: شنوو تايقا فراسك .. اصلا انا هادشي لاش جبتك لهنا.. مد ليها السيف .. غانعقد معاك رهان
غوبشات عود الريحان ..
ع ر: شنو زعما
المير: ساهلة .. غانكملو قتالنا انا وياك كيما خلينا فساحة القتال .. والى ربحت غاترجعي لجناح الحريم وتبقاي من حريمي .. والى ربحتي عمرني نقرب ليك وغانخليك تزوجي بخويا مصطفى
ضحكاات عود الريحان بالشهيق
ع ر: هههههههههههه اهى هههه  لبحر مايكرهش الزيادة ايوا لاواه ماتزيد فيه ..
هزات حاجبها بتحدي : انا الى بغيت نتزوج بيه مايحتاج حد موافقتك داكشي علاش بدل هاد الرهان .. شافت فييه بعيون ماكرة .. وتكلمات بحال اللفعة.. شنووو باليك امولاي نديرو رهان اخر .. هو اللي غايصفي الخواطر امولاي امم
قطب حجبانو مغوبش: شنوو هاد الرهان اللي غايصفي الخواطر
ع ر: ساهل ماهل الى ربحت ناخد راسك والى ربحتي تاخد راسي امم شنو!!!
المير بالزعاف: واش عارفة اشكاتخرجي من فمك
كيفاش بغيتي راس حاكم البلاد
ع ر: هذا رهاني والى مابغيتيش امولاي مكاين قتال
بقا كايشوف فيهاا .. شنو امولاي خايف من ولية تقطع ليك الراس !!
المير: مواافق ويالله نبداو وراسك غايكون بين ادي
ع ر: الى قدرتي بصحتك بيه
هجمات علييه وتصدى ليها .. بقا ليك وليها .. ضدب من جنب ومن لفوق .. مرة نقولو غلبات مرة نقولو غلب ..
جا السيف فوق السيف وتلاقاو العيون .. لحظة كانت كافية تفيض الغضب اللي فعود الريحان .. دفعاتو بجهدها ضربات السيف حتى طاح ليها وبقات فوقو راسها ليه وسيفها حدا صدرو
ع ر: شنو امولاي دابا نقطع ليك راسك ويقولو ولية قطعات لمولاي المير المعتصم بالله راسو وخلاتو ضحكة بين كل رجال القبيلة
شد رجليه ولواهم عليها بغا يطيحها ولكن هي مارخفااش دفاعها كيما صحابلو .. هبطات عندو بالزعاف وحطات سيفها على عنقو
ع ر : مارخيتش دفاعي امولاي مارخيتش ..شنو داباااا نفدي فيك داكشي اللي درتي فيا .. نقتلك ونرجع كرامتي اللي مشات قدامك .. اا
كانو دموعها كايطيحو عليه وعينيها اللي كايسحرو ولاو كايبريو .. نقتلك ومارحمكش حيت كل مابغيت حد نقدر نكرهو قد مابغيتو ونزيييد نحقد عليه ..ولكن قلبي بيض مكايبغي المضرة لحد .. كنت اميرة وسط ضارنا حتى جيت لداك لقصر وليت خدامة وجارية ووصيفة وعبدة وتهانيت قدام اللي يسوى واللي مايسوى ،، كنت عايشة كيف السلطانة كنت بالخدم والعبيد يدورو بيا كن كل جيهة..كنت بين عائلتي واهلي حتى شدوني جنودك وجابوني .. كانكره قدما كانبغييك .. نقتلك ونقتل قلبي اللي ترخى ليك .. اهلي بسبابكم مشاااو وخلاوني وبقيتي بووحدي اهئ اهئ كانكرهكم كامليين ،، عمر شي حد هز عليا اليدين حتى هزيتيهم نتا .. عمر شي حد هاني حتى هنتيني نتا .. عمر شي حد قلل من قيمتي حتى قللتي منها نتا .. عمر شي حد دارني عبدة عندو حتى درتيها نتاااا .. كااااااانكرررررهك كاتسمععععععع
كان عنقو مغروز فيه السيف دير حركة ولا هو يتحرك ولاو شوية غيتقطع
كان باغي اقول شي حاجة ولكن مايقدرش ك
كايحل فمو ويسدو ولكن مكايقول والو
عود الريحان رخفاات السيف .. عاد رتاح ورجع اتنفس
المير: اهئ احئ احئ حاه حاه انا حاه اناا .. طالب السلة بلا عنب
ع ر شافت فيه شوفة غريبة وبدات كاضحك : هههههههههههههه عاد وليتي كاطلب السلاك ايوا واخا
الله افرقنا بلا ذنوب ..ولكن سمعععععع وقرني كيما وقرتك امولاي
هزات السيف ولاحتو لبعيد .. مشات جيهة الخيل ومالقاتوش
هو ناض بشوية عليه كايكحكح حتى جات عندو لونها مخطوف
ع ر: الخيل مكاينش
المير: كيفاااش لااااا نسيت ماربطو مع الشجرة ... شد راسو بيدييه وتكاا على شجرة .. غايكون تخلع من صوت السيوفة
ع ر مشات هداات سلهامها لبساتو وتبعات طريق اللي جاو منها
المير: فيين غادا
ع ر: مالي غانبقا هنا تايضلام الحال غانرجح فحالي .. ولالة رحمة غاتخلع علييا بسبابك
تبعها فطريق وتموو غاديين حد مكايكلم لاخر
تعاشات العشية وباقي ماوصلو ..
عيات عود الريحان وكلسات .. ماموالفاش بالطريق عكسو هو اللي مولف الصيد
المير: عييتي
ع ر: انا عييت وغانرتاح شوية بغيتي تمشي سير
المير مغوبش: شمن راجل يخلي مرا وسط  غابة عامرة دياب .. طلعي فوق ظهري نهزك ونشوفو الى كانت شي رحبة قريبة نقضيو فيها الليلة تال غدا ونكملو الطريق
ع ر: لا امولاي حاشا نركب فوق ضهرك .. غانرتاح شوية ونكمل طريقي مكاينللش هادشي كامل
هبط عندها وشافيها شوفة غريبة: كاين لاش ماخصناش نباتو فوسط الغابة وبلا ماتعامدي راسي قصح من واسك ودابا طلعي وباراكا من الكلام
داكشي اللي دارت نيت .. ايوا بقاو غاديين وظلام الليل
وهي بدات تكمش ليه وبيان عليها الخوف
بقا يقلب يقلب حتى بان ليه حاوش صغير ومشا كايجري ليه
فتحو الباب لقاوه خاوي من غير قنديل واحد اللي فيه
حطها ومشا اجيب الخشب من برا باش اشعل العافية واشعل القنديل
وهي فرشات سلهامها وتكات على الحيط
كان البرد كايقرس وبدات هي كاتفتف
رحع مولاي المير وشعل القنديل شافها كالسة مكمشة ومشا حداها
جبد سلهامو سخون وعطاه ليها .. مابغاتش وقاتليه نتى اولى بيه .. حتى هو قاليها خاصك تغطاي بيه ايوا مني ليك حتى صدقو مغطيين بيه بجوج